QUDDIESA GĦALL- GRUPP TA’ “KOMUNJONI U LIBERAZZJONI"
OMELIJA TAL-QDUSIJA TIEGĦU ĠWANNI PAWLU II
Castel Gandolfo
IL-Ħadd, 15 ta’ Lulju 1979
1.
B’qima profonda smajna l-kliem, li l-liturġija tal-Knisja tiddedika għal dan
il-Ħadd. Issa hemm bżonn nieqfu ftit u nilqgħu dan il-kliem, jiġifieri
naddottawh għall-qlub tas-semmiegħa. Naddottawh għal ħajjitna. Hawn huma xi
ħsibijiet f’dan is-sens.
2.
Qabel xejn: min aħna aħna lkoll, membri ta’ din l-assemblea, semmiegħa tal-Kelma
ta’ Alla u, minn hawn u ftit ieħor, sehem mill-Ġisem u d-Demm tal-Mulej?
Il-mistoqsija:
“Min aħna?” tikkondizzjona kwalunkwè mistoqsija u tweġiba relattivi għall-argument;
“x’Għandi nagħmel?”.
Għal din il-mistoqsija ewlenija u fundamentali illum jwieġeb San Pawl fl-ittra
lill-Efesin. Huwa jwieġeb: aħna magħżulin minn Alla fi Kristu Ġesù. “Ikun
imbierek Alla, Missier il-Mulej tagħna Ġesù Kristu, li berikna b’kull barka
spiritwali fis-smewwiet, fi Kristu. Fih għażilna qabel il-ħolqien tad-dinja,
biex inkunu qaddisin u bla tebgħa quddiemu fil-karità, ippredestinati biex
inkunu wliedu adottivi bl-opra ta’ Ġesù Kristu, skont l-approvazzjoni tar-rieda
tiegħu. U dan b’tifħir u glorja tal-grazzja tiegħu, li tana f’Ibnu l-għażiż” (Ef 1,3-6).
Din
hija t-tweġiba li jtina llum San Pawl għall-mistoqsija “min huma?”, u
jiżviluppaha fil-kliem l-ieħor tal-istess test tal-ittra lill-Efesin.
Hawn huwa stadju ieħor ta’ din it-tweġiba: Aħna mifdijin; aħna mfawrin
bil-maħfra tad-dnubiet u bil-grazzja: aħna msejħin għall-għaqda ma’ Kristu u,
wara, biex ningħaqdu ilkoll fi Kristu.
U
dan għadu mhux kollox ta’ din it-tweġiba pawlina: Aħna msejħin biex neżistu
għall-glorja tal-Majjestà Divina; nieħdu sehem fil-kelma tal-verità, fil-Vanġelu
tal-fidwa, aħna mmarkati bis-siġill tal-Ispirtu Santu; nieħdu sehem mill-wirt,
waqt li nistennew il-fidwa sħiħa, li tagħmilna propjetà ta’ Alla.
3.
Tali hija t-tweġiba pawlina għall-mistoqsija tagħna. Hemm tant x’wieħed
jimmedita. Aħfruli jekk jien nillimita ruħi biss biex nagħmel xi aċċenni.
Il-kliem
tal-ittra lill-Efesin ma jistax jintemm jidwi fil-limiti ta’ qari ta’ darba,
fis-smigħ ta’ darba. Hemm bżonn li jibqà magħna. Dan huwa kliem li għandu jieħu
l-ħajja kollha. Ta’ dimensjoni eterna.
Ikun sewwa, jekk dan jistà jkompli flimkien ma’ kull wieħed minnkom matul dawn
il-ġimghat u xhur ta’ mistrieħ tal-vaganzi. Kulfejn torjentaw ruħkom: kemm jekk
għal xi mpenn temporanju… kif ukoll għal xogħol apostoliku… Jew forsi, kif diġa
seħħ iktar minn darba, għall-pellegrinaġġ minn Varsavja għal Jasna Gora…
Jalla dan il-kliem imur magħkom. It-tweġiba għall-mistoqsija: “Min huma?”, “Min
aħna?” Jiddetermina u jifforma l-personalità tagħkom, inseriti, kif aħna, fl-istess
għerq, fid-dimensjoni tal-misteru, li Kristu kiteb fil-ħajja ta’ kull wieħed
minna.
Is-sagrifiċċju,
li fih qegħdin nieħdu sehem, il-Quddiesa mqaddsa, tagħtina kull darba wkoll it-tweġiba
għall-mistoqsija fundamentali: “min aħna?”.
4.
Xi rridu nagħmlu?
Jistà jkun li t-tweġiba għal din it-tieni mistoqsija ma toħroġx, mil-liturġija
tallum tal-Kelma Divina, bl-istess qawwa ta’ dik relattiva għall-mistoqsija:
“Min aħna?”. Però, hija wkoll hija qawwija u deċiża wkoll.
Alla jgħid lil Amos: “Mur, ipprofetizza lill-Poplu tiegħi” (Am 7,15).
Kristu jsejjaħ lit-Tnax u jibda biex jibgħathom tnejn tnejn (Mk 6,7). U
jordnalhom biex jidħlu fid-djar u hekk jagħtu xhieda. Il-Konċilju Vatikan II
fakkar li l-insara kollha, mhux biss l-ekkleżjastiċi, imma wkoll il-lajċi,
għandhom il-parti tagħhom fil-missjoni profetika ta’ Kristu. Mhemm ebda dubju
dwar “dak li għandna nagħmlu”.
5.
Madankollu tibqà dejjem attwali l-mistoqsija: kif għandna nagħmluh??
Nieħu gost li għal din il-mistoqsija tfittxu tweġiba, kemm kull wieħed minnkom
individwali, kif ukoll flimkien mal-komunità kollha tagħkom. Min ifittex tali
tweġiba, isibha fil-ħin opportun.
Id-Salm
responsorjali tallum jassikurana li “Il-Ħniena u l-verità jiltaqgħu...”.
“Il-verità tinbet mill-art”.
Iva, il-verità għandha tinbet minn kull wieħed minna; minn kull qalb.
Kunu fidili għall-verità. Fidili lejn il-vokazzjoni tagħkom. Fidili lejn l-impenn
tagħkom. Fidili lejn l-għażla tagħkom. Kunu fidili lejn Kristu, li jeħles u
jgħaqqad (komunjoni u liberazzjoni).
6.
Fl-aħħarnett, awgurju ferventi lil kull wieħed minnkom u lil kulħadd. Bħal raġġ
dawl tal-lituġija tallum: Sabiex l-Alla tal-Mulej tagħna Ġesù Kristu jippenetra
qalbna bid-dawl tiegħu propju sabiex ifehmna liema hija t-tama tal-vokazzjoni
tagħna (cf. Ef 1,17-18).
Jalla dan l-awgurju jitwettaq bl-interċessjoni tal-Madonna, li quddiemha
mmeditajna l-Kelma Divina tal-liturġija tallum, biex inkunu nistgħu nkomplu
inwettqu s-sagrifiċċju ewkaristiku.
Miġjub mit-Taljan għall-Malti minn Emauel Zarb
|