Aktar mill-Papa Ġwanni Pawlu II
...
|
PELLEGRINAĠĠ APOSTOLIKU FIL-POLONJA
(2-10 ta’ ĠUNJU 1979)
QUDDIESA GĦAR-RELIĠJUŻI TA’
JASNA GORA
OMELIJA TAL-QDUSIJA TIEGĦU
ĠWANNI PAWLU II
Czestochowa, 5 ta’ Ġunju
1979
Għeżież Ħuti!
1. Nifraħ b’mod kordjali b’din
il-laqgħa, li l-Providenza Divina ħejjitilna llum hawn f’riġlejn
Sidtna ta’ Jasna Gora. Ġejtu b’numru hekk kbir mill-Polonja kollha, biex
tieħdu sehem fil-pellegrinaġg tal-Konnazzjonali Tagħkom li Kristu
fil-ħniena bla tarf tiegħu sejjaħ, kif darba għamel ma’
Xmun ta’ Betsajda, u ordnalu jħalli art twelidu biex jassumi
s-suċċessjoni fuq is-sedja tal-Isqfijiet ta’ Ruma. Ladarba issa
ingħatatlu l-grazzja li jerġà lura għal darb’oħra f’dawn ir-reġġjonijiet,
nixtieq nitkellem magħkom bl-istess kliem li iktar minn darba waħda
fl-imgħoddi kellimtkom bħala s-suċcessur ta’ San Stanislaw fi Krakovja.
Issa dan il-kliem jikseb dimensjoni differenti, universali.
It-tema tal-“vokazzjoni
reliġjuża” hija waħda mill-isbaħ fost dawk li dwarha kellimna
u jkellimna b’mod kostanti l-Vanġelu. It-tema ssib inkarnazzjoni
speċjali f’Marija, li dwarha stess qalet: “Hawn jien, jien il-qaddejja
tal-Mulej, isir minni skont dak li għidt” (Lq 1,38). Naħseb
li dan il-kliem sab eku profond fil-vokazzjoni u fil-professjoni
reliġjuża ta’ kull waħda minnkom.
2. Waqt li llum nofri lili nnifsi l-opportunità
li nitkellem magħkom, jiġuni f’moħħi l-kapitoli splendidi
tat-tagħlim tal-Knisja fl-aħħar Konċilju, kif ukoll
id-dokumenti – tant numerużi – tal-aħħar Papiet.
Ippermettuli madankollu li, waqt li nibbaża
lili nnifsi fuq din il-għana kollha ta’ tagħlim tal-Knisja, nirreferi
għal xi dikjarazzjonijiet modesti tiegħi. U dan nagħmlu
għaliex fihom sabu eku l-laqgħat tiegħ mal-ambjenti
reliġjużi fil-Polonja, tant numerużi fl-imgħoddi.
Ħadthom miegħi f’Ruma bħala “riżorsa” tal-esperjenza
personali. Mela jistà jkun li forsi jkun iktar faċli li ssibu lilkom
infuskom f’dan il-kliem, li għalkemm indirizzat lill-ambjenti ġodda
jitkellem b’xi mod dwarkom: dwar is-sorijiet Pollakki u dwar il-familji
reliġjużi Pollakki.
3. Ftit wara l-bidu tal-ministeru l-ġdid
tiegħi kelli l-fortuna li niltaqà ma’ kważi għoxrin elf soru
minn Ruma kollha. Hawn hi parti mid-diskors, li dakinhar jien bih
indirizzajthom.
Il-“vokazzjoni”
tagħkom hija teżor speċjali tal-Knisja, li qatt ma tistà tieqaf
titlob, sabiex l-Ispirtu ta’ Ġesù Kristu jqanqal fl-erwieħ
vokazzjonijiet reliġjiżi. Infatti dawn huma, kemm għall-komunità
tal-Poplu ta’ Alla, kif ukoll għad-“dinja”,
sinjal ħaj tas-“seklu futur”, sinjal li, fl-istess ħin, jitfà
għeruqu (ukoll permezz tal-ilbies reliġjuż tagħkom)
fil-ħajja ta’ kuljum tal-Knisja u tas-soċjetà u jxerred
iċ-ċelluli delikati tiegħu...".
Il-preżenza tagħkom “għandfha tkun
sinjal viżibbli tal-Vanġelu għal kulħadd. Għandha tkun
ukoll nixxiegħa ta’ apostolat speċjali. Dan l-apostolat huwa hekk
varju u għani, li għalija huwa saħansitra diffiċli li hawn
nelenka l-forom kollha tiegħu, l-oqsma tiegħu, l-orjentamenti
tiegħu. Huwa magħqud mal-kariżma speċifika ta’ kull
Kongregazzjoni, għall-ispirtu apostoliku tagħha, li l-Knisja u
s-Santa Sede appruvaw bil-ferħ, billi raw fiħa l-espressjoni
tal-vitalità tal-istess Ġisem Mistiku ta’ Kristu! Tali apostolat huwa
soltu diskret, moħbi, qrib l-esseri uman, u għalhekk jixraq b’mod
ikbar lir-ruħ femminili, sensibbli għall-proxxmu, u allura
msejħa għad-dmir ta’ oħt u omm. Hija propju din il-vokazzjoni li
tinsab fl-istess “qalb” tal-esseri reliġjuż tagħkom. Bħala
Isqof ta’ Ruma nitlobkom: kunu b’mod spiritwali ommijiet u aħwa
tal-bnedmin kollha ta’ din il-Knisja, li Ġesù fil-ħniena u grazzja
bla tarf tiegħu, ried jafdali” (“L-Osservatore Romano”, 12 ta’ Novembru
1978, p. 1).
4. Fil-jum tal-24 ta Novembru li għadda
kelli x-xorti li niltaqà mal-grupp numeruż ta’ superjuri ġenerali
miġburin f’Ruma taħt it-tmexxija tal-Kardinal Prefett tas-Sagra
Kongregazzjoni għar-Reliġjużi u l-Istituti Sekolari. Ippermettuli li ngħaddilkom xi sentenzi
mid-diskors li jien għamilt f’dik l-okkażjoni.
“Il-vokazzjoni reliġjuża… tappartieni
għal dik il-milja spiritwali li l-Ispistu nnifsu – spirtu ta’ Kristu –
jqanqal u jagħġen fil-Poplu ta’ Alla. Mingħajr l-ordnijiet
reliġjużi, mingħajr il-ħajja “kkonsagrata”, permezz
tal-voti tal-kastità, tal-faqar u tal-ubbidjenza, il-Knisja ma tkunx għal kollox
hija nfisha… Id-djar tagħkom għandhom ikunu fuq kollox ċentri
ta’ talb, ta’ ġabra, ta’ djalogu personali u komunitarju ma’ Dak li hu u
li għandu jibqà l-interlokutur ewlieni u prinċipali fis-sekwenza
operuża tal-jiem tagħkom. Jekk tkunu tafu żżommu ħajja
din il-“klima” ta’ komunjoni ntensa u amoruża
ma’Alla, ikunilkom possibbli li tmexxu ‘l quddiem, mingħajr tensjonijiet
trawmatiċi jew konfużjonijiet perikolużi, dak it-tiġdid
tal-ħajja u tad-dixxiplina, li għalihom impenja ruħu
l-Konċilju Ekumeniku Vatikan II” (Ivi, 25 ta’ Novembru 1978, p.
1).
5. Fl-aħharnett il-Messiku. Il-laqgħa
li saret fil-kapitali ta’ dak il-Pajjiż baqgħet inċiża
b’mod profond fil-memorja u fil-qalb. Ma setax ma jkunx hekk, ladarba
s-sorijiet dejjem joħolqu f’dawn il-laqgħat klima partikolarment
kordjali u bil-ferħ jaccettaw il-kliem indirizzat lilhom.
Hawn huma mela xi
ħsibijiet ukoll minn din il-laqgħa Messikana: “Il-vokazzjoni
tagħkom hija vokazzjoni li jixirqilha l-ikbar stima tal-Papa u tal-Knisja,
ilbieraħ u llum. Għal din ix-xewqa nesprimi l-fiduċja ferrieħa
tiegħi fikom u nanimakom biex ma tibżgħux fil-mixja li qbadtu,
li huwa ta sodisfazzjoni li tkomplu mexjin bi spirtu mġedded u
b’entużjażmu… Kemm tistgħu tagħmlu llum, għall-Knisja
u għall-umanità! Dawn jistennew id-don ġeneruż tagħkom,
id-dedikazzjoni ta’ qalbkom ħielsa, li twessà mingħajr suspetti
il-potenzjalitajiet tal-imħabba tagħha f’dinja li qiegħda titlef
il-ħila tagħha tal-altruiżmu, tal-imħabba sagrifikata u
disinteressata. Infatti, ftakru li intom għarajjes mistiċi ta’ Kristu
u ta’ Kristu msdallab” (AAS 71 [1979] 177).
6. U issa ppermettu li ħsibijieti flimkien
ma tagħkom iduru għal-darb’oħra f’dan il-post lejn Sidtna ta’
Jasna Gora li hija sors ta’ ispirazzjoni ħajja għal kull waħda
minnkom. Kull waħda minnkom, waqt li tismà ppronunzjat
f’Nażżaret, tlissen flimkien ma’ Marija: “Hawn jien, il-qaddejja
tal-Mulej, ħa jsir minn skont dak li għidt” (Lq 1,38). F’dan
il-kliem hemm miġbur b’ċertu mod il-kunċett ta’ kull professjoni
reliġjuża, li permezz tagħha kull waħda minnkom
tħaddan bl-esseri kollu tagħha, il-misteru tal-grazzja trażmessa
fil-vokazzjoni reliġjuża. Kull waħda minnkom, hekk bħal
Marija, tagħżel lil Ġesù, l-Għarus Divin. U waqt li twettaq
il-voti tal-faqar, tal-kastità u tal-ubbidjenza tixtieq tgħix għalih,
għal imħabbtu. Permezz ta’ dawn il-voti kull waħda minnkom
tixtieq tagħti xhieda lill-ħajja eterna li Ġesù ġab
fis-salib u l-qawmien mill-imwiet tiegħu.
Inestimabbli huwa, għeżież
ħuti, dan is-sinjal ħaj li tikkostitwixxi kull waħda minnkom
f’nofs il-bnedmin. U waqt li tħaddnu bil-fidi, bit-tama u bl-imħabba
lill-Għarus Divin, ħaddnuh fil-persuni numerużi li intom taqdu:
fil-morda, fl-anzjani, fl-immankati, fil-handikappati, li lilhom, ħadd
iktar ħlifkom, ma għandu l-ħila jieħu ħsiebhom,
minħabba li għal dan huwa meħtieg sagrifiċċju tassew
erojku. U fejn għadkom issibu lill-istess Kristu? Fit-tfal,
fiż-żgħażagħ tal-katekiżmu, fil-pastorali
maġemb is-saċerdoti. Issibuh fis-servizz l-iktar sempliċi,
l-istess bħal fix-xogħlijiet li jesiġu kultant tħejjija u
kultura profonda. Issibuh kull fejn, bħall-għarusa tal-Għanja
tal-Għanjiet: “…sibt il-maħbub ta’ qalbi” (Kt 3,4).
Jalla l-Polonja tgawdi dejjem minn din ix-xhieda
Evanġelika tagħkom. Ma jonqsux dawk il-qlub sħan li jġorru
l-imħabba evanġelika lill-proxxmu. U intom ifirħu bil-ferħ
tal-vokazzjoni tagħkom, ukoll meta jkollkom tħossu tbatijiet interni
jew esterni jew il-vojt.
Il-Papa Ġwanni Pawlu II jixtieq jitlob dan
kollu flimkien magħkom matul dan is-Sagrifiċċju Mqaddes.
Miġjub mit-Taljan għall-Malti
minn Emanuel Zarb
|