Thomas More u John Henry Newman
Xebh
u Kuntrasti
Kitba ta’ Dun Geoffrey G Attard
L-istudjuża tar-Riforma
Protestanta
Stephanie A. Mann għandha
artiklu dwar xebh u kuntrasti
bejn San Tumas More u John Henry
Newman. Dan li ġej hu fil-qosor
dak li għandha x’tgħidilna.
Mal-ewwel daqqa t’għajn ma
jidhirdx mill-ewwel li hemm xebh
bejn San Tumas More u l-Beatu
John Henry Newman.
Tal-ewwel kien avukat miżżewweġ
għal darbtejn u qaddej pubbliku
filwaqt li tat-tieni kien
saċerdot ċelibi u membru
tal-Kongregazzjoni ta’ San
Filippu Neri magħrufa bħala
l-Oratorjani. Tal-ewwel huwa
martri Kattoliku tas-seklu
sittax u tat-tieni huwa
konvertit Kattoliku u konfessur;
tal-ewwel kien iħobb jirrakkonta
stejjer umoristiċi mimlija ferħ
u tat-tieni kien
kontroversjalista sensittiv.
Meta wieħed iħares aktar
fil-fond, jintebaħ li hemm
aspetti li dawn it-tnejn jaqsmu
bejniethom: it-tnejn kienu minn
Londra, anzi mill-belt ta’
Londra, jiġifieri l-qalba
tal-belt. It-tnejn attendew
l-Universita’ ta’ Oxford. Skont
Erażmu, Tumas More ‘was made for
friendship’ filwaqt li Newman
għażel il-frażi Cor ad cor
loquitor biex tmexxih.
It-tnejn kellhom xewqa kbira li
jsiru qaddisin filwaqt li
t-tnejn iddedikaw ħajjithom
għar-riċkerka tal-verita’.
It-tnejn huma Kattoliċi;
tal-ewwel mit-twelid, tat-tieni
bil-konverżjoni. It-tnejn
iddefendew il-verita’ bil-pinna
tagħhom. More attakka l-ereżija
ta’ żmienu filwaqt li Newman
kellu jiddefendi l-Kristjaneżmu
mil-liberaliżmu ta’ żmienu.
Imma fuq kollox, l-aktar
importanti għat-tnejn kien
il-fatt li raw kif spjegaw
bl-aħjar mod id-defenizzjoni
Kattolika tal-kuxjenza; dan kien
aspett kruċjali ta’ ħajjithom.
More u Newman irrivelaw x’jifhmu
huma bil-kuxjenza, l-għan
tagħha, l-awtorita’ tagħha, u
l-għeruq tat-tifsira tagħha fi
ħdan l-awtorita’ tal-Knisja u
l-Maġisteru tagħha f’għaqda
mar-rwol tal-papat. Filwaqt li
ħafna jirriferu għalihom bħala
difensuri tal-kuxjenza
individwali, huma saħqu ferm fuq
l-għajn ta’ kull awtorita’
fil-kuxjenza fi ħdan kull
individwu: din rawha fil-liġi
ta’ Alla, naturali u rivelata –
u fir-rwol tal-Knisja fil-qasam
tat-tagħlim u d-difiża ta’ din
l-istess liġi.
Għalkemm Thomas More u John
Henry Newman huma differenti
ħafna minn xulxin, kif rajna,
hemm ħafna li jorbothom
flimkien. Qaddis Martri Thomas
More itlob għalina! Qaddis
Konfessur John Henry Newman
itlob għalina!
Riferenza;
http://supremacyandsurvival.blogspot.com/2017/09/compare-and-contrast-more-and-newman.html
https://www.catholicworldreport.com/2017/09/05/two-englishmen-whose-lives-were-commentary-on-the-question-of-conscience/
|