Fi tmiem l-assemblea ta’ Jum il-Lajċi Nsara li saret fis-sala tal-iskola Santa Monika, f’Birkirkara, l-Arċisqof Monsinjur Pawlu Cremona OP għamel diskors qasir li fi ta żewġ riflessjonijiet dwar it-tema magħżula għal din is-sena, “Il-Lajkat Nisrani u l-Appostolat tal-Lajċi: Teżori  u Ġarar tal-Fuħħar”.

Huwa qal li l-fuħħar huwa don ta’ Alla u xogħol il-bniedem flimkien.  U Alla dejjem jgħaqqad id-don tiegħu max-xogħol tal-bniedem. 

Minn mindu ħalaq il-bniedem Alla dejjem hekk ried jaħdem mal-bniedem.  Wara d-dnub Alla xorta ried jibqa’ jaħdem mal-bniedem, minkejja d-dnub tiegħu.  Dan juri d-dinjità tal-appostolat.

Il-fuħħar huwa dgħajjef.  Alla ma jiddejjaqx jfittex il-koperazzjoni ta’ bnedmin dgħajjfa u li jiżbaljaw.  Imma importanti kif ngħixu din ir-realtà. Jiena b’saħti meta jiena dgħajjef.  Dan għaliex meta jiena b’saħti naħseb li kollox ġej minni. Iżda meta ngħaraf li jien dgħajjef, allura ndur lejH.  Hekk Huwa jkun is-saħħa tal-appostolat tagħna.

Ikklikkja fuq il-vleġġa fil-kaxxa li hemm fuq il-lemin tal-paġna … >

Isma wkoll id-diskors li għamel Monsinjur Anton Gouder, Pro-Vigarju Ġenerali fl-istess okkażjoni ... >

Ritratt ta' hawn fuq mill-Photocity Digital Service, Vallertta.