|
Mill-Arċisqof Charles J.
Scicluna, 25 ta’ Ġunju
2017
-
Se nneħħu mil-liġijiet
il-kelma raġel u mara, omm
u missier.
-
Tgħid x’tgħid il-liġi, raġel
ma’ raġel ma jnissilx l-ulied.
Tgħid x’tgħid il-liġi mara
ma’ mara ma tnissilx l-ulied.
-
Ħarruba tibqa' ħarruba u
larinġa tibqa' larinġa anke
jekk nsejħulhom siġar.
-
Aħna l-Insara ġabuna
f’estremità li rridu ngħidu:
il-liġi tal-istat aħna ma
nagħrfuhiex.
Ara l-Omelija kollha ...
Mill-Arċisqof
Charles J. Scicluna lid-Djakni
ġodda , 26 ta’ Ġunju 2017
L-għażla tagħkom, għeżież
kandidati għad-djakonat, hija
kontra l-kurrent ... Aħna
qegħdin nibnu kultura fejn
il-bniedem jiddeċiedi jekk hux
mara jew raġel. Aħna qegħdin
nibnu kultura fejn iż-żwieġ mhux
kif ħalqu Alla, imma kif
ħlaqnieh aħna bil-ftietaq ta’
moħħna f’isem l-ugwaljanza. Aħna
qegħdin ngħixu f’kultura fejn
reġa’ refa’ rasu b’mod qawwi
s-serp antik li dejjem jibqa’
jgħajjat: “jien ma rridx naqdi.
Jien ma rridx nobdi, non
serviam”.
Ara l-Omelija kollha ...
Mill-Amoris Lætitia tal-Papa
Franġisku
Sfida oħra ġejja mill-bosta
xejriet ta’ ideoloġija,
ġenerikament imsejħa tal-ġeneru,
li tiċħad
id-differenza u r-reċiproċità
naturali bejn raġel u mara. Li
għandha f’moħħha hi soċjetà bla
differenzi ta’ sess u li trid
tbattal il-bażi antropoloġika
tal-familja. Din l-ideoloġija
twassal għal proġetti edukattivi
u orjentamenti leġislattivi li
jippromovu identità personali u
intimità affettiva li minn
għeruqhom huma maqtugħa mid-diversità
bijoloġika bejn raġel u mara. (par. 56)
Ara aktar kwotazzjonijiet
mill-istess sors u dwar l-istess
tema ...
Minn Katekeżi tal-Papa Franġisku
dwar ir-Raġel u l-Mara
Jien nistaqsi jekk l-hekk
imsejħa teorija tal-gender hix
ukoll espressjoni ta’
frustrazzjoni u ta’
rassenjazzjoni, li timmira li
teqred id-differenza sesswali
għax m’għadhiex taf tikkonfronta
ruħha magħha.
Ara diskors kollu tal-Papa ...
Mill-Ittra tal-Papa San Ġwanni
Pawlu II lin-Nisa
Ir-raġel u l-mara komplementari
għal xulxin mhux biss fiżikament
u psikoloġikament, imma wkoll
ontoloġikament. Hu biss permezz
tal-maskulinità” u
l-“femminilità” li l-“umanità”
tilħaq il-milja kollha tagħha.
Ara t-test kollu ...
Mill-Ittra tal-Papa San Ġwanni
Pawlu II lill-Familji
Il-bniedem ġie maħluq “sa
mill-bidu” raġel u mara:
il-ħajja kollha tal-ġens kollu
tal-bnedmin – kemm
f’komunitajiet żgħar u kemm
fis-soċjetà kollha kemm hi –
iġġib fiha l-marka ta’ din
id-“dwalità primordjali”. (par.
6)
Raġel u mara fil-kostituzzjoni
fiżika tagħhom, dawn iż-żewġ
persuni, għalkemm fiżikament
m’humiex l-istess, għandhom
indaqs il-ħila li jgħixu
“fil-verità u l-imħabba”. (par.
8)
Bix-xirka tal-persuni, li sseħħ
fiż-żwieġ, raġel u mara jagħtu
bidu għal familja. Marbuta
mal-familja hija l-ġenealoġija
ta’ kull individwu:
il-ġenealoġija tal-persuna.
Il-paternità u l-maternità
tal-bniedem għandhom l-għeruq
tagħhom fil-bjoloġija, iżda
fl-istess waqt ukoll huma ogħla
minnha. (par. 9)
Iż-żwieġ, li hu l-bażi ta’
l-istituzzjoni tal-familja,
iseħħ b’patt li bih raġel u mara
jwaqqfu bejniethom komunità għal
għomorhom”, li min-natura tagħha
stess tfittex il-ġid taż-żewġ
miżżewġin u t-tnissel u
t-trobbija tat-tfal. (par. 16)
Ir-razzjonaliżmu ta’ llum ma
jiflaħx għall-misteru. Ma
jaċċettax il-misteru
tal-bniedem, raġel u mara, u
lanqas irid jagħraf li l-verità
sħiħa tal-bniedem ġiet rivelata
f’Ġesù Kristu. (par. 19)
Ara t-test kollu ...
Mill-Papa
Benedittu XVI
L-istati huma msejħin biex
isawru politika li tippromovi
ċ-ċentralità u l-integrità
tal-familja msejsa fuq iż-żwieġ
bejn raġel u mara, iċ-ċellola
vitali ewlenija tas-soċjetà.
(Caritas in Veritate, par. 44)
Il-ktieb tan-natura hu wieħed u
indiviżibbli: iħaddan fih mhux
biss l-ambjent iżda wkoll
il-ħajja, is-sesswalità,
iż-żwieġ, il-familja,
ir-relazzjonijiet soċjali:
f’kelma waħda, l-iżvilupp sħiħ
tal-bniedem. Dmirijietna lejn
l-ambjent huma marbuta ma’
dmirijietna lejn il-persuna
umana fiha nfisha u f’relazzjoni
ma’ oħrajn. Nagħmlu ħażin jekk
niddefendu xi dmirijiet filwaqt
li nkażbru l-oħrajn. Hemm
kontradizzjoni kbira
fil-mentalità u l-prattika
tagħna llum, li twaqqa’
fil-għajb lill-persuna,
tħarbat l-ambjent u tagħmel
ħsara lis-soċjetà. (Caritas
in Veritate, par. 51)
Ara l-Enċiklika, Caritas in
Veritate ...
Minn Katekeżi tal-Papa Franġisku
dwar il-Familja
Hi l-koppja miżżewġa x-xbieha
ta’ Alla: ir-raġel u l-mara;
mhux ir-raġel waħdu, mhux
il-mara waħidha, imma t-tnejn li
huma flimkien. Din hi x-xbieha
ta’ Alla: l-imħabba, il-patt ta’
Alla magħna jidher f’dak il-patt
li jsir bejn raġel u mara.
Ara d-diskors kollu flimkien ma’
filmat bis-sotto-titoli
bil-Malti
...
Minn Alice von Hildebrand ...
Intervista dwar it-tema, “Man
and Woman: A Divine Invention”
Hawn issib silta qasira ...
(minuta)
Hawn issib l-intervista kollha
... (26 minuta)
Ġabra ta’ riżorsi oħra minn
Christopher West ...
http://www.laikos.org/Christopher_West_Gender_Issues.htm
|