Ara dettalji dwar il-laqgħa li
Gloria Polo se jkollha Malta,
Il-Ħadd, 9 ta' April 2017 ...
Lura mill-Infern.
1.
Ħuti! Kemm hu sabiħ għalija li
nkun hawn magħkom naqsam dan
ir-rigal prezzjuż li l-Mulej
tani aktar minn għaxar snin ilu.
(Dan kien flUniversità
Nazzjonali tal-Kolumbja f’Bogota.)
Kont qed nattendi għal
gradwazzjoni flUniversità,
flimkien man-neputi, li wkoll
bħali kien dentist. Ir-raġel
tiegħi wkoll kien magħna
dakinhar. Kellna niġbru xi kotba
mill-iskola taddentistrija
dakinhar tal-Ġimgħa
waranofsinhar. Kienet nieżla
xita bil-qliel u n-neputi tiegħi
u jien konna qed nistkennu taħt
umbrella żgħira. Irraġel kien
liebes l-inċirata tax-xita u
resaq lejn ilħajt ta’ barra
tal-Librerija Ġenerali. Intant,
jien u n-neputi ersaqna lejn is-siġar
mingħajr ma nnutajna xejn, għajr
li niskapulaw l-għadajjar. Kif
konna ser naqbżu biex niskapulaw
għadira kbira, ħabtet fina
sajjetta.
2.
Ħarqitna! In-neputi miet hemm
fuq il-post. Kien żagħżugħ li
minkejja l-età żgħira tiegħu,
kien ta lilu nnifsu lil Mulej u
kien devot ħafna tal-Bambin Ġesù,
dejjem kien iġorr xbieha
tal-Bambin Ġesù f’pendent
tal-kristall imdendel ma’ għonqu.
Skont wieħed mill-investigaturi,
is-sajjetta nifded ġewwa fih,
ġriet għal qalbu, ħarqitu minn
ġewwa u ħarġet minn siequ. Iżda
min-naħa ta’ barra ma kienx
maħruq.
3.
Fil-każ tiegħi minflok, is-sajjetta
daħlet u ħarqitli ġismi b’mod
tal-biża’, minn ġewwa u minn
barra. Dan il-ġisem tiegħi li
qegħdin taraw hawn, rikostruwit,
huwa bil-ħniena tal-Mulej. Is-sajjetta
ħarqitni, ħallietni mingħajr
sider, u prattikament il-laħam u
l-kustilji għabu. L-istonku,
sieqi; issajjetta ħarġet minn
saqajja l-leminija, il-fwied
inħaraq, il-kliewi nħarqu u l-istess
il-pulmun.
4.
Kont nikkontrolla l-ippjanar
tal-familja permezz ta’apparat
tar-ramm li kelli fil-ġuf.
Għalhekk irramm, konduttur
eċċellenti għall-elettriku,
ħaraqni, inkluż l-għenuq
tal-bajd, tħallejt f’arrest
kardijaku, bla ħajja u ġismi
beda jaqbeż millelettriku li
kien baqa’ fih. Però dan kollu
kien ilparti fiżika.
5.
L-aktar parti sabiħa hi li waqt
li l-ġilda kienet hemm maħruqa,
f’dak il-mument sibt lili nnifsi
ġewwa mina bajda sabiħa mimlija
hena u paċi, ferħ li m’hemmx
kliem uman biex jiddeskrivi
lkobor ta’ dak il-mument! Il-qofol
tal-mument kien immens. Kont
ferħana u mimlija hena, xejn ma
taqqalni ġewwa din il-mina. Fit-tarf
tal-mina rajt bħal xemx, dawl
mill-isbaħ. Jien insejjaħlu
abjad biex insemmi kulur għaliex
l-ebda kulur fl-
art ma jaqbel ma’ dak id-dawl
tant sabiħ. Ħassejt is-sors
tal-imħabba kollha, dik il-paċi
kollha.
6.
Kif kont tiela’rrealizzajt li
kont mitt. F’dak il-waqt ħsibt
dwar uliedi u għidt: “O Mulej
it-tfal tiegħi! X’se jgħidu? Din
l-omm tant imħabbta qatt ma
kellha ħin għalihom!” Hemm kien
il-mument meta rajt ħajti
verament u qabduni dwejjaq.
Tlaqt mid-dar biex nittrasforma
lid-dinja, u ma stajtx nieħu
ħsieb lil uliedi u dari.
7.
U f’dak il-waqt ta’ vojt għal
uliedi, ħarist u rajt xi ħaġa
sabiħa: ġismi ma kienx f’dan
iż-żmien jew post. Rajt lil
kulħadd f’salt, fl-istess ħin,
kemm ilħajjin kif ukoll
il-mejtin. Għannaqt
lill-bużnanniet u lill-ġenituri
li kienu mietu. Għannaqt lil
kulħadd, kien mument sabiħ u
qawwi. F’dak ilħin irrealizzajt
li kienu daħqu bija meta xi snin
qabel kienu ġegħluni nemmen fir-riinkarnazzjoni,
u li dan it-twemmin kont ukoll
niddefendih. Kont qed nara
lin-nannu u lillbużnanna
kullimkien. Iżda huma għannquni,
iltqajt magħhom mill-ewwel,
ħaddnuni u ħaddant lin-nies
kollha li xi darba matul ħajti
kont iltqajt magħhom, kullimkien,
fl-istess ħin.
8.
Meta għannaqt lil binti, beżgħet.
Kellha disa’ snin, ħasset it-tħaddina
tiegħi. Ma kienx għadda żmien
f’dak il-mument tant sabiħ,
barra minn ġismi, ma kontx qed
nara bl-istess mod li kont nara
qabel, fejn kont nagħti kas biss
min kien oħxon, irqiq, ta’ ġilda
skura jew ikrah, dejjem bi
preġudizzju. Issa barra minn
ġismi bdejt nara nnies minn
ġewwa. Xi ġmiel li tara lin-nies
minn ġewwa, kont nara l-ħsibijiet,
x’inhuma jħossu. Ħaddanthom
mill-ewwel u bqajt tiela’ u
tiela’, mimlija ferħ. F’dak il-punt
ħassejt li kont ser nara veduta
ta’ ġmiel, xmara straordinarja
ta’ ġmiel.
9.
F’dak il-mument smajt leħen
żewġi. Ir-raġel tiegħi kien qed
jibki, biki profond, għajjatli u
qalli:“Gloria, jekk jogħġbok
titlaqnix! Gloria erġa’ lura!
It-tfal Gloria, iċċedix!” U
f’dak il-mument tajt ħarsa u
rajt mhux biss lilu iżda lilu
jibki b’uġigħ kbir. U l-Mulej
ħallieni biex niġi lura,
għalkemm ma ridtx. X’hena...
x’paċi u ferħ!
10.
Imbagħad bdejt nieżla bil-mod
biex insib ġismi, fejn sibt lili
nnifsi bla ħajja. Ġismi kien fuq
strecher fiċ-ċentru
tal-mediċina fil-Kampus. Rajt
kif it-tobba bdew jagħtuni x-xokkijiet
tal-elettriku biex iqajmuni
mill-arrest kardijaku li kont
fih. Bqajna hemm mindudin għal
sagħtejn u nofs sħaħ. Ma setgħux
iqajmuna għaliex ġisimna kien
għad baqa’fihom kurrenti
tal-elettriku. Meta dak l-elettriku
finalment waqaf, hemm it-tobba
setgħu jassistuna u bdew ir-risuxxitazzjoni;
mod kif jipprovaw jerġgħu
jdaħħlulna n-nifs f’ġisimna.
Poġġejt saqajja hawn, f’din
il-parti ta’ rasi u ħassejt
spark li ġibidni bis-saħħa għal
ġewwa. Erġajt dħalt f’ġismi.
Kien ta’ wġigħ biex nerġa’ lura
għax l-ispark beda ħiereġ minn
ġewwa fija minn kullimkien. U
rajtni noqgħod ġo xi ħaġa tant
żgħira. Il-ġilda kienet tuġagħni,
kienet maħruqa u kienet tweġġa’
ħafna. Fwar u duħħan kien għadu
ħiereġ ukoll minni.
11.
L-aktar
uġigħ orribli kien dak
tal-vanità tiegħi. Kont mara
tad-dinja, mara eżekuttiva,
intellettwali, studjuża, skjava
ta’ ġismi, tassbuħija u tal-moda.
Kont nagħmel erba’ sigħat kuljum
eżerċizzju fiżiku. Kont skjava
biex ikolli figura sabiħa:
messaġġi, terapija, dieti u dak
kollu li tista’ timmaġina, dik
kienet ħajti, skjava tar-rutina
biex ikolli figura sabiħa. U
kont ngħid jekk għandi sider
sabiħ ta’ min jurih, m’hemmx
raġuni
f’li
naħbihom! L-istess kien għal
saqajja, għax kont naħseb li
għandi sider u saqajn sbieħ.
Iżda f’waqt wieħed rajt b’biża’
kbir kif kont qattajt ħajti
nieħu ħsieb lil ġismi. Dan kien
iċċentru ta’ ħajti; l-imħabba
tiegħi lejn ġismi, Iżda issa ma
kienx hemm ġisem, sider: toqob
orribli biss. Partikularment is-sider
tax-xellug kien prattikament
sparixxa. Saqajja kienu l-agħar;
toqob mingħajr ġilda, maħruqin u
msewdin.
Minn
hemm konna trasferiti lejn l-isptar,
fejn malajr ħaduni lejn is-sala
tal-operazzjonijiet u bdew
joborxu l-ġilda maħruqa.
12.
Meta kont taħt il-loppju erġajt
ħriġt minn ġismi. Kont qed nara
x’kienu qed jagħmlu l-kirurgi.
Kont qed ninkwieta għal saqajja.
F’salt wieħed għaddejt minn
mument orribli. Kont Kattolika
tal-iskossi jew tal-isem ħajti
kollha. Ir-relazzjoni tiegħi
mal-Mulej kienet ta’ 25 minuta
kull nhar ta’ Ħadd għal Quddies,
fejn l-iqsar kienet lomelija,
għax ma kontx niflaħ nissaporti
aktar tul ta’ ħin. Dik kienet
ir-relazzjoni tiegħi mal-Mulej.
L-irwiefen tad-dinja kienu
jperpruni bħal pinnur. Fil-fatt,
meta kont l-università, darba
smajt qassis jgħid li l-infern
ma jeżistix u lanqas ixxjaten.
Dik kienet l-unika ħaġa li
żammitni filKnisja. Meta qaluli
li x-xitan ma jeżistix kont
ħsibt li kollha kemm aħna konna
sejrin il-Ġenna, irrelevanti min
konna. Dik begħditni
kompletament mill-Mulej. Il-konverżazzjonijiet
kienu ħżienu għaliex id-dnub ma
kienx biss ġewwa fija. Kont
bdejt ngħid lil kulħadd li
xxjaten ma jeżistux u kienu
jivvintawhom ilqassisin u kienu
manipulazjonijiet. Meta kont
inkun ma’ sħabi tal-iskola kont
bdejt ngħid li Alla ma jeżistix
u li aħna lkoll konna biss
prodott talevoluzzjoni.
13.
Iżda lura f’dak il-mument
fil-kamra taloperazzjonijiet,
kont vera mbeżżgħa, bdejt nara
x-xjaten ġejjin għalija u jien
kont il-ħlas tagħhom. F’dak
il-mument rajt ħafna nies ħerġin
mill-ħitan tal-kamra
tal-operazzjonijiet. Għall-ewwel
kienu jidhru normali, iżda
b’ħarsa ta’ mibegħda fuq wiċċhom,
dehra orribli. F’dak il-mument
b’għarfien speċjali li ġie
mogħti lili dak il-ħin,
irrealizzajt li kont obbligata
lejn kull wieħed minnhom.
Irrealizzajt lid-dnub ma kienx
bla ħlas, kull għemil faħxi u
gideb tax-xitan kien biex aħna
ngħidu li ma jeżistix, u
rajthom kif kienu ġejjin għalija.
Tista’ timmaġina kemm kont
imbeżżgħa. Dan il-moħħ
xjentifiku u intelletwali ma
kien jiswieli xejn. Qbist minn
mal-art għal ġo ġismi, biex
nipprova nerġa’ nidħol fih, iżda
ġismi ma bediex iħallini. Ħrabt
u m’iniex ċerta meta għaddejt
mill-ħitan tal-kamra, kont qed
nispera li nistaħba f’xi kuritur
fl-isptar iżda spiċċajt naqbeż
fl-arja.
14.
Għaddejt minn mini li jwasslu ’l
isfel. Għal bidu kienu qishom
toqob ta’ xehda tan-naħal
imdawwal, kien hemm ħafna nies.
Iżda bdejt nieżla u d-dawl beda
jonqos, bdejt interraq f’dawn il-mini
fi dlam ċappa. Dak id-dlam ma
kellux paragun. L-aktar dlam
imdallam li kien jikkaġuna wġigħ,
biża’ u mistħija u jinxtamm
jinten ħafna. Waqaft nieżla dawk
il-mini u żbarkajt iddisprata
f’post ċatt. Qabel kont ngħid
li kont soda daqs il-ħadid u li
xejn ma kien ħafna għalija. Iżda
issa dan il-kuraġġ kien għalxejn
hawn, xtaqt nixxabat u nitla’
minn dan il-post iżda ma stajtx.
F’dan il-punt rajt ħalq kbir
jinfetaħ minn mal-art u ħassejt
vojt immens f’ġismi, abbiss bla
qiegħ. L-aktar ħaġa orribli dwar
din it-toqba kien li lanqas
farka millimħabba ta’ Alla ma
kienet tinħass, lanqas qatra
tama. It-toqba kompliet
tiġbidni’l isfel u ħassejtni
mwerwra.
15.
Kont naf li jekk se ninżel hemm,
ruħi kienet tmut. F’nofs dak l-orrur
kif kont qed ninġibed ’l isfel,
kont maħtufa minn saqajja. Ġismi
kollu kien daħal f’dik it-toqba,
għajr għal saqajja, li kienu qed
jiġu miġbuda minn fuq. Kien ta’
wġigħ kbir u mumenti orribli. L-ateiżmu
tiegħi ġie mitfuħ bħal f’ġenb
tat-triq. Bdejt ngħajjat
għall-erwieħ talpurgatorju biex
jgħinuni noħroġ minn hemm. Kif
bdejt ngħajjat bdejt inħoss
uġigħ qawwi għax irrealizzajt li
eluf u eluf ta’ nies kienu hemm,
laktar żgħżagħ. Kien ta’
qsim il-qalb meta smajt
it-tehżżiż tas-snien, twerżiq
orribli u tnehid li regħedni.
Domt snin twal biex ninkorpora
dan il-mument għaliex kont nibki
kull darba li niftakar f’dik
ittbatija li kienu qegħdin
isofru. Irrealizzajt li hemm
kienu jispiċċaw mill-ewwel in-nies
li kienu f’disperazzjoni u li
b’hekk ikkomettew suwiċidju.
Iżda l-aktar ħaġa terribli u ta’
turment kien innuqqas ta’ Alla.
Alla ma setax jinħass hemm.
16.
F’nofs dan l-uġigħ, bdejt
inwerżaq:“min għamel dan l-iżball?
Jien prattikament qaddisa! Qatt
ma sraqt, qatt ma qtilt, tmajt
lil foqra, tajt trattamenti
tas-snien (għax jien dentista)
lil min ma kellux flus. X’jien
nagħmel hawn? Mort ilquddies
il-Ħdud, allavolja kont inqis
lili nnifsi atea. Ma tliftx
aktar minn ħamest Iħdud matul
ħajti kollha. Dejjem mort
il-quddies, x’jien nagħmel hawn?
Jiena Kattolika, jekk jogħġbok
jien Kattolika, oħorġuni minn
hawn!”
17.
Filwaqt li kont qed inwerżaq
dwar li jien Kattolika, rajt
dawl żgħir. Irrid ngħid illi
kull sinjal ta’ dawl meta jkun
id-dlam ikun apprezzat ħafna...
anzi rigal nista’ ngħid. Minn
dik it-toqba rajt bħal donnu
taraġ u hemm rajt lil missieri,
li kien miet ħames snin qabel, u
li dan kellu miegħu dawl kemxejn
baxx. Madwar erba’
tarġiet ’il fuq minnu rajt ukoll
lil ommi li din iżda kellha
madwarha ħafna iktar dawl minn
missieri.
Ommi kienet f’qagħda ta’ ġabra u
talb.
18.
Hekk kif rajthom imtlejt
bil-ferħ. Infexxejt insejħilhom:
“ma... pa... oħorġuni minn hawn
nitlobkom!” Meta huma ħarsu
lejja, missieri niżżel ħarstu
lejja u stajt nara kemm tbatija
ħassew għalija. F’dak il-post
tista’ tħoss it-tbatija u l-ħtiġijiet
tan-nies. Hawn missieri beda
jibki u filwaqt li għafas moħħu
bejn idejh qal: “binti... binti!”
Ommi kienet qiegħda titlob u
stajt ninduna li ma setgħu
jagħmlu xejn għalija għajr li
jaqsmu t-tbatija miegħi.Hawn
erġajt bdejt nissupplikalhom
biex jeħilsuni minn hawn u
għajjat: “jien Kattolika! Min ħa
dan l-iżball? Oħorġuni minn hawn!”
Waqt dan l-għajjat tiegħi, smajt
vuċi mill-iktar ħelwa, vuċi li
regħditni minn ġewwa meta
smajtha. F’dak il-ħin, waqgħet
bħal paċi u mħabba kbira u dawk
il-kreaturi kollha ħarbu għax ma
kinux jifhmu x’inhuma l-paċi u
limħabba. U l-paċi fija kompliet
tikber hekk kif ilvuċi qaltli:
“kollox sewwa, la int Kattolika
għdili lKmandamenti tal-Liġi ta’
Alla.
19.
Hawn ħassejt falliment! Kont naf
li kienu għaxra imma xejn iktar.
X’kont ser nagħmel? Ommi dejjem
kellmitni fuq dak l-ewwel
Kmandament tal-imħabba. Fl-aħħar
irnexxieli... għaliex ittagħlim
ta’ ommi ħalla l-frott. Hawn
ridt nirrepeti l-kliem ta’ ommi.
Ma stajtx nagħmel kif nagħmel
is-soltu fid-dinja; li
niddefendi lili nnifsi u
niġġustifika dak li nagħmel...
tajjeb u ħażin.
Għalhekk tennejt : “Ħobb lil
Alla fuq kollox u kulħadd u lil
għajrek
bħalek innifsek.” Imbagħad smajt
il-vuċi li qaltli: “ Kollox
sewwa, u int ħabbejthom dawn?”
Jien weġibt li iva iżda mbagħad
smajt: “Le!” Kien hawn li
hassejt ilqawwa tax-xokk
tas-sajjetta u rajt ukoll
il-marka li kienet għamlitli.
20.
“Le, int ma ħabbejtx lil Alla
fuq kollox u kulħadd u lanqas
lil għajrek bħalek innifsek! Int
għamilt alla ieħor għalik,
użajtu biss għal kumdità tiegħek
bħal biex jgħinek fl-istudji
tiegħek, fin-nuqqas ta’ flus u
hawn infakkrek f’kemm-il darba
għamilt ħin twil titlob
għall-ħtiġijiet tiegħek biss, u
anke xi rużarju. Dik kienet
ir-relazzjoni tiegħek ma’
Alla!”
21.
Iva, dan kien minnu... din
kienet ir-relazzjoni tiegħi ma’
Alla. Ikolli nammetti li kont
noffri rrużarju jew xi talba u
tagħha kont nistenna lura xi
favur, u ġieli anke għal flus
tlabt. Tabilħaqq, hekk kif
iggradwajt u għamilt isem
għalija nnifsi, lil Alla bdejt
narah żgħir wisq f’għajnejja u
kont naħseb li jien kont ngħaddi
mingħajru. Qatt ma naf li bqajt
inkellmu, lanqas l-iċken grazzi
filgħodu malli nqum... ta’ dan
il-jum ġdid... ta’ saħħti... ta’
saħħet uliedi u tas-saqaf fuq
rasi. Lanqas bqajt inħoss għal
dawk bil-ġuħ jew bla dar... xejn!
Bla gratitudni!
22.
Il-vuċi kompliet: “Barra dan,
int tant baxxejt lil Alla li
fdajt xortik f’idejn l-istilel u
l-astroloġija! Tmexxejt mid-duttrini
tad-dinja. Kont taħseb li meta
tmut terġa’ tqum u terġa’ tibda
mill-ġdid. Insejt il-grazzja...
insejt li l-Mulej fdiek
bl-istess
demmu!”
23.
Imbagħad tawni eżerċizzju fuq l-għaxar
Kmandamenti. Urewni li jien kont
ħabbejt lil Alla bil-kliem biss,
imma fir-realtà kont adurajt lil
Satana. Din kienet tal-mistħija.
Raw kif kont ibbażajt l-għaxar
Kmandamenti. Urewni lil min
żammejt bħala alla, urewni li
kont ngħid li nħobb lil Alla
imma mbagħad kont ferm ’il
bogħod minnu, urewni li kont
ngħid li ma kontx atea imma fl-istess
nifs kont insib xi ngħid
f’kulħadd... nikkritika lil
kulħadd... nippunta subgħajja
lejn kulħadd. Hawn urewni wkoll
l-għira li kelli ġewwa fija u
kemm ma kelli gratitudni lejn
xejn u ħadd. Urewni kif ma kontx
grata lejn il-ġenituri tiegħi,
wara s-sagrifiċċji li għamlu
biex bagħtuni skola tajba. U
hawn ukoll, hekk kif gradwajt
bdejt narahom żgħar wisq! Bdejt
nistħi nistqarr min hi ommi
minħabba li kienet fqira u umli.
24.
Imbagħad urewni min jien bħala
mara miżżewġa. Min kont jien?
Persuna li ngerger għal kull
xejn. Żewġi kien sikwit jgħidli
‘l-għodwa t-tajba’ imma jien
fil-pront kont inwieġbu: “Tajba?
Tajba meta barra nieżla x-xita!”
Kont ingerger ukoll għal uliedi.
Urewni wkoll li qatt ma kelli
rispett lejn sħabi u lejn ħuti
subien u bniet. Il-Mulej weġibni
fejn qalli li jien ma kellix
kompassjoni lejn ilmorda u li
qatt ma għamiltilhom kumpanija
fissolitudni tagħhom. Ukoll li
qatt ma wrejt l-iċken ħsieb lejn
l-iltiema u lejn tfal batuti.
Kelli qalbi tal-ġebel. U fl-eżerċizzju
tal-għaxar Kmandamenti ma kelli
l-ħila nġib ebda tweġiba tajba.
25.
Kienet terribbli u devastanti...
kaos totali!
Stagħġibt; kif ma kinux qaluli
li qtilt ukoll?
26.
Kien hemm żmien fejn kont xtrajt
xi oġġetti talmerċa għal xi nies
fil-bżonn, però dan niftakar li
kont għamiltu biex nidher ta’
twajba u mhux għax kont imqanqla
mill-imħabba lejn min hu
filbżonn. Kont persuna li kapaċi
nimmanipula linnies.
27.
Kieku stajt kont ngħid lil dawn
in-nies fil-bżonn: ‘ħudu din
il-merċa imma morruli
għal-laqgħa li għandi fl-iskola
tat-tfal għaliex jien m’għandix
ħin nattendi. U huwa dan li
xtaqt min-nies... nagħtik biex
tagħtini... jew fi kliem ieħor,
nixtrik. U biex ma nsemmix ukoll
kemm kont nieħu gost bit-tifħir
u l-ammirazzjoni tan-nies.
Ħassejtni għolja.
28.
Imbagħad qaluli: “Int kellek
alla u dan huwa lflus! U
minħabba l-flus ser tieħu l-kundanna!
Minħabba l-flus għereqt fl-abbiss
u ddistakkajt ruħek mill-Mulej.
29.
Jiena kont persuna sinjura imma
ġejt fi stat ta’ falliment u
mingħajr flus. Imbagħad, meta
saħqu miegħi l-flus kienu
għalija alla ieħor jien tnehidt:
‘xi flus huma? Hemm fid-dinja
tgħidx kemm dejn għandi!’
30.
Meta mbagħad kellmuni fuq it-tieni
Kmandament, ftakart kollni
niket meta bħala tifla żgħira
kien jogħġobni l-gideb u dan
biex naħrab minn xi kastig żgħir
li kienet tagħtini ommi. Kien
hemm li bdejt il-mixja ma’
missier il-gideb
(Satana) u sirt giddieba. Iktar
ma dnubieti kibru, il-gideb
tiegħi kiber ukoll. Kont naf li
għal ommi, Alla kien kollox u
hawnhekk bdejt nuża l-arma
tal-ħalf. Kont ngħidilha: “Mamà,
naħlef fuq Alla,” u b’hekk kont
neħles minn dawk il-kastigi
żgħar. Kienet temminni!
Immaġinaw dak il-gideb kollu...
kelli l-ħila ngħattih bl-isem
qaddis ta’ Alla. Dak kien
il-ħmieġ li kont fih.
Ħuti, jien tgħallimt li l-kelma
ma tmurx lura vojta. Meta kont
nillatika ma’ ommi, biex
temminni kont ngħidilha: “Ma,
jekk qed nigdeb, jalla tolqotni
sajjetta!” Għalkemm dan il-kliem
maż-żmien beda jnaqqas, hija
għall-ħniena t’Alla li jiena
qiegħda hawn għaliex sajjetta
kellha tolqotni u taħraqni.
Urewni li għalkemm sejjaħt lili
nnifsi Kattolika, qatt ma
żammejt kelmti u użajt l-isem
qaddis ta’ Alla fil-batal.
31.
Beżżagħni l-fatt li meta l-Mulej
għadda, dawn ilkreaturi
tal-biża’ mielu quddiemu u tawh
qima.
Rajt lill-Verġni Mbierka
għarkupptejha quddiem Alla
titlob għalija bi ħrara, iżda
jien bqajt niġġustifika lili
nnifsi li jiena mara tajba!
Bqajt neħodha ma’ Alla.
32.
Kienet diffiċli immens li nagħti
ġieħ lil jum ilMulej... il-Ħadd.
Il-vuċi iżda fakkritni kemm-il
siegħa kont ngħaddi ħin kuljum
nieħu ħsieb ilfigura tiegħi u
għal kuntrarju, f’ġurnata ma
kontx nitlob għal imqar għaxar
minuti jew ngħid grazzi lil Alla
ta’ kulma jagħmel miegħi!
Fakkritni wkoll f’dawk id-drabi
li tħajjart nibda nitlob xi
Rużarju imma hawn ukoll kelli xi
jtellifni. Dan għaliex biex
ngħid posta Rużarju, kellu jkun
waqt xi reklami, matul is-soapoperas
li kont nara. Urewni wkoll kemm
kont ingrata lejn Alla u
fakkruni fl-iskużi li kont ngħid
lil ommi meta ma kontx irrid
immur nisma’ Quddiesa: “Mamà,
għalfejn għandi mmur Quddiesa
meta Alla jinsab kullimkien!?”
Sintendi, din il-frażi kienet
konvenjenti għalija li ngħidha.
Il-vuċi fakkritni li Alla ħa
ħsiebi 24 siegħa kuljum meta
jien lanqas biss ftakart fih
għallinqas darba f’ġimgħa,
il-Ħadd... biex nirringrazzjah;
nuri gratitudni u mħabba, u fuq
kollox insostni lillistess ruħi.
Minflok iżda, ħadt ħsieb tajjeb
ta’ ġismi, fejn lanqas l-iċken
ħaġa ma kont ninsa nagħmel. Iva,
lil ruħi qatt ma tmajtha
bil-kelma t’Alla għax kont
naħseb li l-Kelma tagħmilli
lħsara... tbellahni!
33.
Is-Sagramenti tlaqthom kollha.
Kont ngħid li ma rridx naf bi
qrar u ma mmurx quddiem dawk
ilqattgħa saċerdoti xjuħ li
kienu ferm agħar minni fi
ħtijiethom. Kien komdu għalija
li ma nersaqx inqer, l-iktar
meta kont mgħaddsa fil-ħmieġ
taddnub. Kien l-għadu li ġegħlni
nitlaq il-qrar u kien hemmhekk
li seraqli l-bjuda u s-serħan ta’
ruħi, għaliex kull darba li kont
nidneb kien ikolli prezz għoli
xi nħallas. Iva, minflok is-safa
ta’ qalbi kien ipoġġi it-tbajja’
li jġorr miegħu; it-tbajja’
taddlamijiet. Mill-Ewwel
Tqarbina tiegħi lil hawn, qatt
ma kont għamilt qrara tajba u
minn dak iżżmien ’il hawn, lil
Alla rajtu mingħajr ħtieġa.
Innuqqas ta’ fehma f’ħajti laħqu
sal-punt li kont nirribella;
nisfida. Għaliex Sagrament
Imqaddes? Kif jista’ Alla
jinbidel f’loqma ħobż? Is-saċerdoti
misshom jagħtu dilka ta’
karamell fuq dik l-ostja, forsi
tieħu togħma tajba! Dan kien
il-kliem li kelli matul din
ir-ribelljoni. Din kienet
ir-relazzjoni tiegħi ma’ Alla.
34.
Minbarra li ma kontx nagħti kas
ta’ ruħi, biex nagħmilha agħar
kont insib xi ngħid
fis-saċerdoti nixtieqkom taraw
kemm batejt fuqha din! Forsi
għaliex minn mindu kont żgħira,
kont nisma’ kliem ta’ disprezz
kontriehom fil-familja, l-iktar
minn missieri li kien jgħid li
dawn kienu jħobbu n-nisa, u
sinjuri iżjed minna.
35.
Il-Mulej qalli: “Għaliex qed
tgħolli lilek innfsek bħal Alla
u qiegħda tiġġudika lil dawk li
jiena ħtart? Huwa bħalek uman u
l-qdusija tiegħu tinbena u
tissaħħaħ bil-komunità ta’
madwaru li jitolbu għalih u
jieqfu miegħu. Meta saċerdot
jidneb, il-komunità tiegħu
għandha tiġi interrogata u mhux
hu.” Il-Mulej urieni li kull
darba li kont ngħid kontra s-saċerdoti,
numru kbir ta’ xjaten kienu
jinġibdu lejja. Barra dan, darba
kont xerridt qlajja’ fuq
saċerdot li kien omosesswali. Ma
tistgħux timmaġinaw kemm ħsara
kont għamilt!
36.
Fuq ir-raba’ Kmandament: ‘agħti
ġieħ lil missierek u lil ommok’,
bħalma diġà għidt, ilMulej
urieni kemm kont bla rispett
lejhom. Kont ingerger li ma
kinux jagħtuni bħalma kellhom
ħbiebi. Qatt ma apprezzajt dak
li għamlu għalija u wasalt sal-punt
li għidt li lil ommi ma kontx
nafha iżjed. Dan għidtu minħabba
li ommi ma kinitx tal-livell
tiegħi. Huwa terribbli li tara,
jew juruk, kif mara bħali,
mingħajr Alla f’ħajjitha, tista’
teqred dak kollu li jersaq qrib
tagħha. U lagħar parti minn dan
kienet li jien kont naħseb li
kont nagħmel kollox tajjeb! Hawn
il-Mulej reġa’ wrieni meta jien
ħsibt li kont nonora dan
ilKmandament, għaliex darba
ħallast lit-tabib u xi mediċina
meta l-ġenituri kienu ma
jifilħux. Iva... niftakar meta
kont nimmanipulahom bil-flus.
Ħadt vantaġġ fuqhom; irfist
fuqhom għaliex bilflus li kelli
ħassejtni qisni xi alla. U taf
xi jweġġa’ l-iktar... li nara
lil missieri jibki għaliex
għalkemm huwa kien missier
tajjeb; li għallimni naħdem u
nirsisti bl-onestà, nesa
jgħallimni li jien kelli ruħ
x’nieħu ħsieb, nesa jagħtini
xhieda bl-eżempju tiegħu. Kien
għalhekk li ħajti bdiet tegħreq.
37.
Kont inħares lejn missieri
b’uġigħ, meta kont naf li kellu
diversi nisa. Kien jieħu gost
jgħid lil ommi u lin-nies li hu
kien tabilħaqq veru raġel
għaliex kien imur tajjeb ma’
bosta nisa. Barra dan kellu
lvizzju tax-xorb u sigaretti bla
rażan iżda ma kienx jarahom
bħala vizzju iżda bħala virtù!
Kont nirrabja nara lil ommi
tibki waqt li hu kien isemmi
nisa oħra. Kienet din ir-rabja
li mexxietni lejn il-bruda
spiritwali. Kont inweġġa’ meta
kien jirredikola lil ommi
quddiem in-nies. B’ribelljoni
kbira, jien kont ngħid lil ommi
li la nikbar qatt ma nkun
bħalha; bla ħtieġa, bla suċċess
u dinjità. Kont ngħid lil
missieri li għal kuntrarju ta’
ommi, jien ma kontx sejra nħalli
lil ebda raġel jumiljani
bl-istess mod li hu għamel lil
ommi. Jekk raġel ma jkunx fidil
lejja, jien kont lesta li
nagħtih dak li ħaqqu! Għal dan
il-kliem kien isawwatni u
jisfidani. Kien tabilħaqq
stinat. Kont ngħidlu li lanqas
jekk joqtolni bis-swat, ma
nippermetti li żewġi fil-futur
ma kien ser jikkalpestani. U dan
biex l-irġiel kollha jagħrfu li
n-nisa jbatu meta lirġiel
jitrattawhom ħażin.
Kont nitlob lil ommi biex
tissepara minn miegħu, minkejja
l-fatt li lilu kont inħobbu
wkoll. Ma kienx jitħoqqilha
raġel bħalu! Tlabtha turi
ddinjità tagħha, biex hu jinduna
s-siwi tagħha. Qed taraw,
minflok li pprovajt nirranġa
l-ħsara ħeġġiġt għad-divorzju!
Niftakar lil ommi tgħidli: “Le
binti, għalkemm inweġġa’, jien
qatt ma ser nagħmel dan. Ngħix
sagrifiċċju għalikom is-seba’
wliedi. Fl-aħħar millaħħar,
missierkom mhux raġel ħażin u
jien ma rridx inċaħħadkom minn
dan missierkom. U jekk nitilqu,
min ser jitlob għas-salvazzjoni
ta’ ruħu?! Jien biss binti
nista’ nagħmel dan, għaliex
issofferenzi tiegħi u l-uġigħ li
jweġġagħni ngħollih u ngħaqqdu
mal-istess tbatija li Ġesù kellu
fuq issalib. Binti, jien kuljum
nitlob lil Alla u ngħidlu li dan
l-uġigħ tiegħi ma huwa xejn
ħdejn dak li ħass Ibnek fuq
is-salib u għaldaqstant nitolbok
salvali
lil żewġi u lil uliedi!”
38.
Din il-ħaġa ma stajtx nifhimha.
Ir-rabja ħakmitni u biddlitli
ħajti. Sirt ribelluża u ġietni
x-xewqa li niddefendi lin-nisa.
Bdejt naqbel u niddefendi
labort, il-koabitazzjoni u
d-divorzju. Iva, kont favur
l-għajta ta’ ‘għajn b’għajn u
sinna b’sinna! Qatt ma kont
infidila iżda nista’ ngħid li
weġġajt ħafna nies bil-pariri
iebsa tiegħi.
39.
Meta ġejna għal ħames
Kmandament, il-Mulej urieni li
kont fl-assassinju u li jien
kont għamilt wieħed mill-agħar
affarijiet f’għajnejH; l-abort.
Ilflus tawni l-qawwa li ngħin
diversi nisa biex jabortixxu,
u dan għaliex jien kont ngħid li
l-mara għandha d-dritt li
tagħżel jekk tridx issir omm jew
le. Weġġajt meta fil-Ktieb
tal-Ħajja ġejt murija tfjala ta’
erbatax-il sena li kienet
abortiet għaliex jien kont
ħeġġiġtha tagħmel dan. Meta xi
ħadd ikun mimli bil-valenu ġewwa
fih, xejn iktar tajjeb fih
innifsu ma jifdallu! Dak kollu
li jersaq lejh, kollox ikun
maħmuġ.
Kien hemm dawn il-bniet, tlieta
minnhom neputijiet tiegħi, it-tfal
t’oħti u oħra li kienet tkellem
lin-neputi tiegħi. Ommijiethom
kienu jibagħthom għandi d-dar.
Jien kont inkellimhom fuq
il-flus, moda, sbuħija u fuq kif
għandhom jesponu lil ġisimhom.
Hawn dnibt bil-kbir fejn sħaqt
magħhom biex ineħħu l-innoċenza
minn fuqhom. Għidtilhom li
ommijiethom kienu jgħidulhom li
s-sess qiegħed għal wara ż-żwieġ
għaliex kienu b’mentalità antika.
Kont ngħidilhom li l-Bibbja
kienet ktieb ta’ elfejn sena ilu
u li s-saċerdoti ma ridux
jadattaw irwieħhom għaż-żmien
tal-lum. Għidtilhom ukoll li
ommijiethom kienu jkellmuhom fuq
il-Papa, li dan ukoll kien
antikwat!
Immaġinaw kif imlejthom
bil-valenu! Għallimt lil dawn
it-tfajliet biex jieħdu pjaċir
b’ġisimhom filwaqt iżda, kellhom
jibdew jużaw ilkontraċettivi.
Imbagħad kelli viżjoni oħra
millKtieb tal-Ħajja. Waħda minn
dawn it-tfajliet, dik li kienet
qed tkellem lin-neputi tiegħi,
darba minnhom ġiet għadni
fl-uffiċċju u kollha biki
qaltli: “Gloria, għandi tant
żgħira fl-età u ninsab tqila
b’tarbija!” Staqsejtha jekk
kinetx ħaded ilmiżuri li
għallimtha, dawk
tal-kontraċettivi iżda hi
wieġbet li dawn ma ħadmux.
Minflok kellimt lil din
it-tfajla fuq Alla u l-imħabba
tiegħu, tajtha lflus biex tmur
tagħmel l-abort, flus biex tmur
flaqwa klinika biex ’il quddiem
ma jkollhiex kumplikazzjonijiet.
U bħal dan il-każ, jien ħallas
ħafna oborti oħra. Kull darba
kien jixxerred iddemm ta’
tarbija, bħal holocaust
lil Satana. Huwa holocaust
li jweġġa’ u jheżżeż lil Alla.
40.
Fil-Ktieb tal-Ħajja ġejt murija
kif ruħna tkun preżenti
fil-mument preċiż li l-isperma
tiltaqa’ mal-bajda. Hemmhekk
tiġi ffurmata fjamma millisbaħ,
dawl ġdid mogħti mix-xemx ta’
Alla lMissier. Il-mument eżatt
li l-ġuf tal-omm jitqal, huwa
jixgħel bid-dawl ta’ dik ir-ruħ
ġdida. Meta mbagħad ikun hemm xi
abort, dik ir-ruħ titniehed
bl-uġigħ, ukoll jekk tkun għadha
mingħajr għajnejn; mingħajr
laħam. Meta tarbija tinqatel,
dik il-bikja tinstema’ ’l fuq
fissmewwiet. Dawn jirtogħdu għal
bikja. L-istess bikja tinstema’
wkoll fl-infern, bid-differenza
li għal din il-bikja jkun hemm
ferħ kbir. U meta jsir dan
il-qtil, ix-xjaten ikomplu jiġru
fid-dinja għattelfien
tal-ewrieħ; iqarrqu bil-bniedem
blaffarijiet li hawn madwarna...
u b’dawk agħar li għad iridu
jiġru.
U minħabba li l-qtil tat-trabi
kuljum huwa kbir, ix-xitan jarah
bħala rebħa għalih. Il-prezz
taddemm innoċenti għal kull
tarbija maqtula jkun qiegħed
iżid xitan ieħor mal-kotra. U
jien hekk għamilt; iċċappast
b’dak id-demm u s-safa li darba
kelli f’ruħi nbidlet fi
dlamijiet. Ma kienx fadalli
iktar sens ta’ ħtija. Għalija,
kollox sar jidher tajjeb.
B’niket fuqi rajt kemm dejn
kelli lejn ix-xitan, meta jien
innifsi wkoll kont abortejt
diversi drabi minħabba li kelli
l-copperTintrauterine device.Iva,
rajt kemm trabi bgħatt
’il bogħod mill-idejn mimlijin
ħniena ta’ Alla lMissier. Mhux
ta’ b’xejn kont inkun dejjem
b’wiċċi mqarras; frustrata lejn
kulħadd u mdejjqa. Kont sirt
il-magna tal-abort!
Dan il-fatt iktar għoddosni ’l
isfel lejn l-abbiss. Kif nista’
ngħid li qatt ma qtilt?! U xi
ngħid għal dawk il-persuni li
bgħadt u li ma niżżilthomx
quddiem għajnejja? Hawn ukoll
kont qattiela għax in-nies ma
jinqatlux biss minn tir ta’
arma. Huwa biżżejjed li
tobgħodhom u li tagħmlilhom
il-ħsara. Dak qtil ukoll.
41.
Meta wasalna għas-sitt
Kmandament, hawn
ħsibt illi ma kinux ser isibuli
ħmieġ u ħtija... qatt ma kelli
relazzjonijiet ma’ ħadd; f’ħajti
kelli biss raġel wieħed li kien
żewġi. Imma mbagħad urewni dawk
id-drabi fejn kont liebsa
diżonest; f’ħafna mid-drabi
seduċenti wkoll... u dan kont
nagħmlu biex inġiegħel lil
irġiel iħarsu lejja. Iva, kont
nagħmel dan b’intenzjoni ta’
impurità biex inqanqal fihom li
jidinbu. Kien dan li waqqagħni
fl-adulterju.
Ġieli ħajjart xi nisa li ma
kinux fidili lejn żwieġhom biex
jiddivorzjaw. Ma kellhomx
għalfejn jaħfru u dan ukoll kien
biżżejjed biex naqa’ fl-adulterju.
Irrealizzajt li d-dnub tal-ġisem
huwa terribli, ukoll jekk id-dinja
tressaqna lejn il-pjaċiri
tal-ġisem; b’xi drabi nirraġunaw
bħall-annimali. B’dispjaċir
ngħid illi tlaqt lill-id
tal-Missier għaliex aħna nidinbu
bil-ħsieb, kliem u għemil.
Huwa ta’ wġigħ li tara kif dak
id-dnub kollu, bħal eżempju l-adulterju
ta’ misieri, kisser u farrak
lillulied kollha kemm aħna. Dan
ġegħilni li ma nafdax
lill-irġiel u wkoll lit-tliet
ħuti subien ikunu eżatt bħalma
kien missieri, iħobbu n-nisa u
xxorb... mingħajr ma
jirrealizzaw xi ħsara qed
jagħmlu lil uliedhom. U huwa
għalhekk li qed nara lil
missieri jibki, għaliex bid-dnub
tiegħu influwenza lil uliedu,
inkluż lili, u b’hekk ħassar
ilpjan ta’ Alla.
42.
Fis-seba’ Kmandament, la
tisraqx, jien kont naf li kont
onesta. Hawn il-Mulej urieni
l-ikel li kont qed naħli f’dari,
meta l-kumplament tad-dinja
kienet bil-ġuħ. U qalli: “Jien
kont bil-ġuħ imma ara int kif
qed tarmi l-ikel. Kont għeri
nterter bilbard imma ara int kif
sirt skjava tal-moda u
talapparenza; tberbaq flusek fi
trattamenti biex tidher irqaq.
Għamilt alla ieħor mill-istess
ġismek.”
Urieni li kull darba li taqtaqt
fuq ħaddieħor, hemm kont qed
nisraqlu l-unur. Ikun eħfef li
tisraq il-flus minn dik
il-persuna, għaliex dawk tista’
terġa’ troddhom lura. Imma r-reputazzjoni
u l-unur li tkun sraqt le. Jien
sraqt ukoll il-grazzja ta’
wliedi, li nkun hemm għalihom
b’imħabba u tenerezza u mhux li
nħallihom ma’ xi baby sitter
quddiem it-televiżjoni,
computer u l-video games.
Imma mbagħad biex insaffi l-kuxjenza
kont nixtrilhom ħwejjeġ tad-ditta.
43.
Fil-Ktieb tal-Ħajja stajt nara
dawn l-episodji qisni qed nara
film. Ħin minnhom stajt nobsor
li wliedi kienu qed jittamaw li
jien, ommhom, insib ittraffiku
fit-triq biex ma mmurx id-dar
kmieni... għaliex kont dejjem
ingerger; persuna ta’ dwejjaq.
Hija ħasra għal tifel ta’ tliet
snin u tifla ftit ikbar minnu li
ġiegħlthom jitkellmu hekk. Sraqt
lill-istess ommhom minn magħhom;
sraqt il-paċi li jien stess
suppost tajthom fid-dar. Qatt ma
għallimthom dwar Alla u li
jħobbu l-proxxmu. U kif nista’
ngħallimhom jekk lanqas jien ma
kont inħobb il-proxxmu u li ma
ridx ħbiberija ma’ Alla!
44.
U għax Alla huwa mħabba, se
ngħidilkom ftit kif tixhed falz
u kif tigdeb. Hawn kont esperta.
Ixxitan sar missieri, wara
kollox int trid taqdi jew lil
Alla jew lix-xitan. U jekk Alla
huwa mħabba u jien fija hemm
il-mibegħda, min jiġi li huwa
missieri? Mhuwiex diffiċli li
twieġeb. U jekk Alla jkellimni
fuq il-maħfra u li nħobb lil
għajri imma jien dejjem lesta li
npattiha lil min forsi weġġagħni,
min jiġi li huwa missieri? U
jekk Huwa l-verità u Satana huwa
missier il-gideb, min jiġi li
huwa missieri? Ma jeżistux gideb
bojod jew gideb nadif. Huma
kollha gideb u għalhekk Satana
jiġi bħala missieri. Dawn
dnubieti marbutin maddinja huma
tabilħaqq terribbli! Issa rajt
kemm weġġajt nies b’ilsieni kull
meta qlajt qlajja’... kull meta
tajt titli u laqmijiet u meta
waqqajt għaċċajt lil ħaddieħor;
bħal xi ħadd li tgħajru oħxon.
Ħsara kbira għamilt għaliex wara
l-kliem kont nispiċċa naġixxi
ħażin bl-azzjonijiet.
45.
U meta għarbluni fuq l-għaxar
Kmandamenti, ilħażen ta’ ġewwa
fija ħareġ sfaċċat. Kont naħseb
li bil-flus biss stajt inkun
kuntenta; ħsieb li kien sar
ossessjoni. X’ħasra! L-agħar
mumenti tar-ruħ tiegħi kien meta
kelli l-iktar flus. Iva; sa
wasalt ħsibt li ntemm ħajti.
Mimlija flus imma vojta flistess
ħin... waħdi... frustrata! Din
il-kilba għallflus kienet it-triq
tal-firda minn ma’ id il-Mulej.
46.
Wara l-istħarriġ fuq l-għaxar
Kmandamenti, hawn fetħuli l-Ktieb
tal-Ħajja. Nixtieq li nista’
nsib il-kliem biex infissru. Dan
il-ktieb beda jinkiteb
preċiżament mal-konċepiment
tiegħi, meta ċ-ċelloli
tal-ġenituri ngħaqdu flimkien.
Immedjatament hemmhekk xegħlet
il-fjamma u ruħi ġiet maħluqa,
imħaddna mill-id ta’ Alla
lMissier bħala Alla ta’ ġmiel;
meraviljuż! Stajt narah jieħu
ħsiebi erbgħa u għoxrin siegħa
kuljum. Stajt nara l-imħabba
tiegħu... ma ħarisx lejn
persunti imma lejn ruħi.
Ma nistax ma nfissirx hawnhekk
kemm huwa sabiħ Ktieb il-Ħajja...
jurik l-episodji kollha ta’
ħajtek. U x’ipokresija rajt!
Kont ngħid lil xi persuna kemm
kellha tibdila sabiħa jew
tixirqilha imma ġewwa fija kont
niżżuffjetta biha. U dan ilKtieb
kollox hemm, kemm il-kliem u
wkoll ilħsibijiet l-iktar
moħbija. Il-gideb kollu issa
nkixef biex kulħadd jara. Gideb
bħal lil ommi kont ngħidilha li
sejra l-librerija ma’ sħabi fuq
xogħol tal-iskola u ommi kienet
temminni. Minflok iżda, kont
immur nara xi film pornografiku
jew f’xi bar nixrob bl-addoċċ.
Iżda issa ommi rat kif inhi
ħajti; xejn ma baqa’ moħbi.
Meta kont żgħira, il-ġenituri
tiegħi kienu tabilħaqq fqar.
Ommi kienet tħejjili banana u
ftit ħalib għall-iskola. Kont
inqaxxar il-qoxra u narmiha
bl-addoċċ. Hawn urewni kemm qatt
ma tajt kas ta’ min seta’ weġġa’.
L-unika darba li għamilt qrara
bi ndiema kien meta mara tatni
bqija żejda. L-ammont żejjed li
tatni kien ta’
4.500 pesos (ekwivalenti għal
€218) u dan waqt li kont qiegħda
nixtri minn ħanut ġewwa Bogota.
Missieri kien dejjem jgħallimna
li qatt ma kellna nieħdu flus
ħaddieħor. Jien indunajt
bl-iżball tagħha meta kont
fil-karozza sejra lura lejn
luffiċċju.
47.
“Dil-mara stupida tatni 4.500
Pesos żejda u issa ser ikolli
nerġa’ ndur lura.” It-traffiku
li sibt kien wieħed tremend u
għalhekk iddeċidejt li ma ndurx
lura. Wara kollox, messha
indunat! Imma bqajt inħoss
ir-rimors għax bqajt naħseb fi
kliem missieri. Għalhekk il-Ħadd
mort qerrejt fejn akkużajt ruħi
li sraqt 4.500 pesos billi ma
mortx lura bihom. Waqt il-qrara,
ma tajtx kas ta’ x’kien qiegħed
jgħidli l-konfessur. Hawn ix-xitan
m’akkużanix talli sraqt, ma
ħassejtx rimors.
Imma tafu l-Mulej x’qalli?
“Int ma tajtx lura dak li
minħabba żball ġie għandek. Dawk
il-flus għalik huma fraka imma
għal dik il-persuna li qiegħda
fuq il-paga minima;
dawk ifissru għaliha tlett ijiem
ikel.”
L-iktar parti li nikktitni
kienet meta wrieni kemm dik
il-mara batiet ġuħ għal diversi
jiem u magħha batew iż-żewġ
uliedha żgħar. Dan li juri l-Mulej;
kif persuna tbati minħabba l-azzjonijiet
ta’ persuna oħra. Imbagħad
il-Mulej staqsieni:
48.
“X’teżori tal-ispirtu
għandek?”Teżori spiritwali! Xejn...
idejja vojti. Imbagħad qalli:
“X’inhu l-każ li għandek diversi
bini, djar u uffiċini? U kif
millprofessjoni kollha tiegħek,
ma kontx kapaċi ġġib hawn traba
waħda mill-ġebel tal-bini li
għandek!
U x’għamilt bit-talenti li
tajtek?”
Waqaft naħseb. Kelli missjoni;
il-missjoni li niddefendi r-renju
tal-imħabba... is-Saltna
t’Alla.Kont insejt li kelli ruħ
u wisq iktar li kelli talenti...
talenti mogħtijin mill-idejn
kollha ħniena ta’ Alla. Kull
oġġett żgħir ta’ ġid li iżda ma
tagħmlux huwa kbir biżżejjed li
jweġġa’ lil Alla. U l-Mulej baqa’
jistaqsini fuq kemm ma kontx
kapaċi nħobb u nieqsa mill-karità.
Kien hemmhekk fejn ġegħilni
ninduna bil-mewta spiritwali li
kont fiha.Kont ħajja u mejta fl-istess
ħin. Mejta fija nnifsi għax
għalkemm kont kapaċi nidher
tajjeb minn barra, ġewwa fija
kelli lmibegħda, l-imrar u d-dnub.
Kont qed ngħix filfond;
fil-qiegħ tal-abbiss. Mhux ta’
b’xejn li kont dejjem dipressa.
Imbagħad qalli:
“Il-mewt spiritwali tiegħek
bdiet meta int waqaft tħoss
għall-ħtiġijiet ta’ ħutek
il-bnedmin. Kont qiegħed
inwissik billi nurik minn liema
għawġ kienu għaddejin, kuljum
kont nipprova nlaqqgħek ma’
filmati fuq il-midja dwar
delitti, refuġjati u bosta
sitwazzjonijiet oħra. Imma int
bi lsienek kont tgħid ‘jaħasra’
imma qalbek qatt li qatt ma
ħasset l-iċken ħniena għalihom.
Id-dnub
webbislek qalbek tant li
saritlek tal-ġebel.”
Meta l-Ktieb tiegħi ġie magħluq,
qalbi ħasset hemm u niket kbir.
Waqajt f’dispjaċir kbir immens
talli weġġajt lil Alla l-Missier
blazzjonijiet tiegħi, meta issa
naf li akkost iddnubiet kbar
tiegħi, dan Alla baqa’ dejjem
hemm jistennieni. Huwa dejjem
bagħat quddiemi metodi, nies u
sitwazzjonijiet biex ninduna.
Filqalb tiegħi wkoll kellimni...
Alla dejjem ikellem lilna lkoll
biex ninbidlu.
49.
Ma nista’ qatt nakkużah li
qiegħed jikkundannani; żgur li
le! Mil-libertà li kelli għażilt
missier u dan il-missier ma
kienx Alla. Għażilt lixxitan
bħala missieri. Indunajt li meta
l-Ktieb ingħalaq, jien bdejt
nieżla ġewwa foss fond, b’bieb
fil-qiegħ tiegħu. U meta bdejn
nieżla ’l
isfel, bdejt insejjaħ lil
Qaddisin kollha biex jgħinuni.
Tal-għaġeb kemm ismijiet tagħhom
ftakart. Imbagħad xtaqt li
sejjaħt lil Santa Isadora u lil
San Franġisk t’Assisi. Meta
waqaft insejjaħ isimhom, ħassejt
silenzju u vojt kbir.
Erfajt għajnejja u hemm iltqajt
ma’ għajnejn ommi. X’niket!
Għidtilha bil-mistħija li kont
qed inħoss u bil-kundanna li
ħassejt. Ħsibt li dak kien l-aħħar
mument li kont sejra naraha. Dak
il-ħin, huma tawha grazzja mill-isbaħ.
Hi baqgħet bla ma titħarrek iżda
subgħajha kienu ppuntati ’l fuq.
Imbagħad minn għajnejja waqgħu
bħal qxur li weggħuni; kienu
l-għama spiritwali. Imbagħad
rajt mument mill-isbaħ fejn
wieħed mill-pazjenti li kelli
qalli:
“Dott, int persuna tassew
materjalista u jum wieħed għad
tiġi bżonn dan li ser ngħidlek.
Meta
tiġi f’periklu kbir li tilef
ħajtek, itlob lil Ġesù biex
jgħattik bid-Demm tiegħu għaliex
hu qatt mhu ser jitilqek waħdek.
Hu ħallas għalik bil-prezz
tad-demm tiegħu.”
Infexxejt f’bikja u tlabt:
‘Ġesù, ikollok ħniena minni...
aħfirli u agħtini ċans ieħor li
ninbidel!’ Iva, dak kien l-isbaħ
mument li lanqas kliem m’għandi
biex infissru! Hu ġie u refani
’l barra minn dak il-foss. U
fil-mument li ġabarni, dawk
ilkreaturi kollha nxteħtu
bis-saħħa mal-art.
Imbagħad, wara li poġġieni fuq
art watja qalli: “Mur... ser
nagħtik ċans ieħor. Imma mhux
għattalb tal-membri tal-familja...
dawk dejjem jitolbu għalik. Huwa
minħabba l-interċessjonijiet ta’
nies barranin għalik; li bkew,
talbu u li għollew qalbhom bi
mħabba għalik.”
Bdejt nara bħal dawl ċkejken
inemnem; stħajjilthom fjammi
tal-imħabba. Kienu dawk innies
li kienu qed jitolbu għalija.
Imma wkoll kien hemm fjamma
kbira... u din kienet qed tagħti
liktar dawl. Kienet l-iktar
waħda li qed titfa’ mħabba.
Xtaqt nara din il-persuna min
kienet. IlMulej qalli:
“Il-persuna li qed tara tħobbok
bi mħabba kbira; tħobbok
mingħajr biss ma tafek.”
Urieni kif dan ir-raġel, ġurnata
qabel, kien qiegħed jara l-gazzetta.
Kien raġel fqir, jgħix qrib l-għoljiet
ta’ Sierra Nevada ta’ Santa
Marta (filGrigal tal-Kolumbja)
mar fil-belt biex jixtri xi
pjanti tal-kanna taz-zokkor. Il-pjanti
taz-zokkor kebbuhomlu fil-karta
tal-gazzetta tal-jum ta’ qabel.
Kien hemm fuqha r-ritratt tiegħi,
kollni maħruqa. Meta qara l-aħbar
bil-għaġla, niżel mal-art u
mniehed bl-imħabba talab:
“Missier Etern, ikollok ħniena
minn din oħti. Mulej, salvaha
nitolbok. Inwiegħdek Mulej,
immur pellegrinaġġ sas-Santwarju
ta’ Ommna
Marija ġewwa Buga. (fil-Lbiċ
tal-Kolumbja)
Nitolbok Mulej, eħlisha.”
Immaġinaw raġel fqir, li minflok
igerger għax kien bil-ġuħ, kien
lest li jaqsam il-pajjiż minn
tarf sa tarf għal xi ħadd li
lanqas biss kien jaf. U lMulej
qalli:
50.
“Dik hija l-imħabba għal għajrek.
Mur lura u xandar dan għal bosta
drabi... mhux għal elf darba
imma għal eluf ta’ drabi. U
ħażin għal dawk li jisimgħuk u
ma jxandrux bħalek dan, għaliex
il-ġudizzju tagħhom ikun aħrax.
U ħażin
ukoll għal dawk li ma jridux
jisimgħu.”
U din ħuti, din mhix theddida.
Il-Mulej m’għandux għalfejn
jheddidna. Grazzi lil Alla, jien
rajt dak kollu li kont għext
qabel. Meta kull wieħed minna
ser jingħata l-Ktieb tal-Ħajja u
jinfetaħ quddiemu, hemmhekk
titriegħed bilbiża’ u hemm tara
l-għemil li tkun għamilt,
bħalma jien rajt ħajti kollha.
Ejja naraw lil xulxin bħalma
tabilħaqq aħna u jekk hemm xi
differenzi, ejja mmexxu
ħsibijietna fil-preżenza ta’
Alla. L-isbaħ biċċa iżda tkun
meta Alla jkun quddiemna,
jistenniena ninbidlu u nsiru
ħolqien ġdid miegħu, għax ma
nistgħux naslu mingħajru. Jalla
l-Mulej ibierek lil kull wieħed
u waħda minnkom b’abbundanza,
għal glorja tiegħu u ta’ Ġesù
Kristu!
Kummenti
minn Richard Salbato
1.
Hawnhekk għandna quddiemna
Tabiba fiddentistrija min-Nofsinhar
tal-Amerika li ġiet milquta minn
sajjetta, fejn qalbha waqfet
darbtejn. Nafu fiż-żgur li
rnexxielha tgħix mirokolożament.
L-Isqof tagħha taha l-permess li
tixhed l-esperjenzi li għaddiet
minnhom. Minħabba li jien
ninvestiga dikjarazzjonijiet
mirakolużi u apparizzjonijiet,
nistħajjel lil min jaħseb li din
l-istorja tinteressani iżjed.
Iżda għalkemm tista’ tkun kemm
verità u wkoll ħolma, fill-fatt
ma tagħmilx differenza għaliex
illezzjonijiet morali hawn huwa
tabilħaqq ispirati u fi qbil
mat-tagħlim tal-Knisja. Għalhekk
ma nistax ma naqsamx din l-esperjenza
ma’ kulħadd. Għalija personali,
nemmen ukoll li ngħatat ittieni
ċans minħabba t-talb ta’ persuna,
li lanqas biss kien jafha.
2.
In-neputi tagħha żgur mar dritt
il-Ġenna minħabba d-devozzjoni
li kellu fil-Bambin Ġesù.
3.
Gloria kellha ħruq kbir,
imkejjel bħala ‘tat-tielet
grad’. Dan il-ħruq ma kienx biss
fil-ġilda imma anke ħruq fl-għadam
u ħruq interjuri li ma kellhiex
it-tama li tgħix.
4.
In-neputi ta’ Gloria miet
bl-imħabba lejn ilBambin Ġesù
imma hi ġiet maqtula minħabba
lapparat tar-ramm li kellha
ġewwa fiha (birth control
device). Is-sajjetta ħabtet
eżatt f’dan lapparat tar-ramm li
kien fil-ġuf tagħha.
5.
Hawn Gloria resqet fejn aħna
lkoll għad irridu nersqu;
għall-ġudizzju quddiem Sidna
Ġesù. Filverità, aħna ma mmorrux
il-Ġenna għal dan ilġudizzju
iżda biss fil-bieb tal-Ġenna.
Huwa b’hekk min imur l-infern
ikun jaf x’tilef, għaliex ikun
daq ftit minn dak li hemm
fil-Ġenna u limħabba li hemm.
6.
U qabel ma ġiet iġġudikata, hi
ġġudikat lilha nfisha, fejn rat
x’kien l-iktar importanti...
uliedha; li hija warrbet
għas-suċċess tad-dinja.
7.
Mingħajr ma għadda wisq żmien,
irrealizzat li xi qraba tagħha
li kienu mejta, kienu diġà l-Ġenna
u setgħu jitolbu għaliha. Setgħu
jaraw ukoll ħajjitha fuq l-art.
Din hija prova oħra kif l-
Ortodossi huma żbaljati meta
jgħidu li ħadd ma jmur il-Ġenna
qabel it-tmiem tad-dinja. Turi
wkoll li anke l-Protestanti huma
żbaljati meta jgħidu li lanqas
il-Qaddisin fis-sema ma jistgħu
jitolbu għalina. Juri wkoll li
anke hi kienet żbaljata meta
emmnet fir-ri-inkarnazzjoni.
8.
F’dak il-mument hi ħasset
il-ferħ li tkun spirtu pur
minħabba l-fatt li setgħet tkun
f’diversi postijiet fl-istess
ħin. Setgħet tgħannaq magħha lil
bintha hawn fid-dinja tara fiha
dawk il-ħsibijiet ġewwiena (ta’
bintha) mingħajr ma tħalliha
titlef it-triq tas-sewwa. Minn
hemm hija setgħet tara
laffarijiet kif inhuma u mhux
min kif kienet taħseb li kienu
meta kienet hawn fid-dinja.
9.
Kien hemm mument fejn setgħet
tħares lura lejn il-ġisem tagħha.
U minflok marret għall-ġudizzju,
intbagħtet lura lejn id-dinja
għall-ħajja. Ħafna nies
esperjenzaw din il-ħaġa li
tissejjaħ ‘esperjenza ta’ qrib
il-mewt’. Jien kelli ħabib
Franċiż li ġralu hekk.
10.
Issa ruħha reġgħet daħlet lura
f’ġisimha u setgħet tħoss l-uġigħ
kollu li jħoss bniedem bilġisem
u r-ruħ.
11.
U fil-mument li rat li spiċċat
maħruqa, irrealizzat li alla
tagħha kien il-vanità, anke meta
użat ġisimha biex iġġiegħel lil
min jidneb. Issa indunat kif
il-ġisem ma jiswa xejn u għajr
ir-ruħ xejn ma jiswa iktar.
12.
Meta kienet barra mill-persuna
tagħha, setgħet tara t-tobba
joperaw u jaħdmu fuqha. Hemm
irrealizzat kemm tat importanza
lil ġisimha milli lil ruħha.
Ftakret meta kienet semgħet xi
saċerdoti jgħidu li l-infern ma
jeżistix, u dak kien il-mument
fejn bdiet titlef il-fidi fit-tagħlim
talKnisja. Kien hemmhekk li
aċċettat l-evoluzzjoni bħala
triq minflok Alla.
13.
F’dan il-mument ukoll
irrealizzat li kienet tat ruħha
lix-xitan. Xtaqet għalhekk li
terġa’ tidħol lura f’ġisimha,
anke jekk dan kien ifisser
tbatija, imma ma setgħetx.
14.
Issa kienet iżżerżqet lejn
il-bieb tal-infern fejn hemm
m’hemmx tama, imħabba jew
salvazzjoni.
15.
Issa hi kienet rat in-nies
fl-infern, ħafna minnhom
żgħażagħ u wkoll rat
ir-raġunijiet għal xiex kienu
qegħdin hemm.
16.
Fid-disperazzjoni, hi ppruvat
tiġġustifika lilha nfisha;
saħansitra sostniet li kienet
Kattolika, avolja kienet atea.
17.
Ġie fuqha dawl fejn ġegħilha
taħseb li kien baqgħalha ċans
ieħor li tinbidel.
18.
Imma minkejja għat-talb ta’
ommha u missierha, dawn ma
setgħux jeħilsuha. Imma l-vuċi
ta’ Ġesù nstemgħet u talabha
tgħid x’riedet tfisser
b’Kattolika, meta biex tkun
Kattolika jfisser li teħtieġ li
tobdi u temmen fil-liġi ta’ Alla.
19.
Ipprovat tieħu r-raġun imma Ġesù
qalilha: “Le, għax inti ma
obdejt ebda waħda mil-liġi
t’Alla.”
20.
Ġesù wrielha li hi kienet talbet
biss għal flus u għall-apparenza
minnha nfisha quddiem ilbnedmin.
21.
Irrealizzat li alla tagħha kienu
l-flus u l-persuna tagħha u qatt
ma rringrazzjat lil Alla għal
dak li kellha. Irrikorriet lejn
Alla biss meta kienet filbżonn,
u meta nqdiet, lanqas l-iċken
grazzi ma qaltlu.
22.
Hija ħalltet il-fidi Kattolika
ma’ twemmin Sataniku u wkoll
eretiku fejn dawn sarrfithom
flereżija tal-Pluraliżmu.
23.
Hu wrieha kif ma kinetx tħobb
lil Alla
24.
Rat ċar ukoll kif lanqas lil
għajra ma ħabbet.
25.
Ġesù wrieha kif la kienet omm u
lanqas mara miżżewġa tajba.
26.
Imbagħad ipprovat issostni li
l-Kmandament ‘la toqtolx’ ma
kinetx kisritu, imma hu wrieha
kif kienet żbaljata u dak kien
wieħed mill-agħar dnubiet li
għamlet.
27.
Issa Ġesù wrieha l-iktar ħaġa
importanti f’li tagħmel it-tajjeb,
il-motiv jew l-intenzjoni.
28.
Rat hawnhekk li t-tajjeb li
għamlet kien għaliha nfisha u
mhux għal ġid tal-oħrajn.
29.
Ġesù Kristu akkużaha li hi
ħabbet il-flus iktar minn kull
ħaġa oħra.
30.
Infatti, hi qatt ma ħalliet xejn
għal ulieda għajr dejn.
31.
Ġesù wrieha kif użat isem Alla
biex tigdeb lil ommha u lil
oħrajn. It-tieni Kmandament.
32.
U kien għax gidbet lil ommha li
ntlaqtet missajjetta.
33.
Ġesù wrieha kif kienet marret
kontra t-tielet Kmandament.
34.
Parti mit-tielet Kmandament hi
li tonora sSagramenti u Ġesù
wrieha kif minħabba li
ġġustifikat id-dnub tagħha, qatt
ma setgħet tqerr sewwa u b’hekk
tqarbnet kif mhux xieraq.
35.
Rat ukoll kif kienet tikkritika
lis-saċerdoti b’affarijiet li ma
kellhiex provi tagħhom.
36.
Ġesù fakkarha li s-saċerdoti
kienu jservu minfloku u meta
aħna nkissru r-reputazzjoni
tagħhom, inkunu qegħdin inkissru
lkongragazzjoni jew lil komunità
kollha. Hawn m’aħniex nitkellmu
fuq saċerdoti li minn rajhom
dinbu jew taw skandli; bħal dak
il-wieħed li qalilha li ma kienx
hemm infern, għaliex meta
bilkliem jew bl-azzjoni
nikkawżaw telf ta’ fidi, aħna
fl-obbligu li nesponuhom.
Għalhekk, anke filkaż ta’ dnub
mejjet, meta l-azzjonijiet ma
jfixklux il-fidi ta’ ħaddieħor,
aħna nkunu qed nidinbu
jekk nikxfu d-dnub ta’
ħaddieħor... anke jekk ikun
saċerdot.
37.
Hawn Ġesù kkundannaha għax
marret kontra rraba’ Kmandament;
weġġaħ lil missierek u lil
ommok.
38.
Gloria għamlet tajjeb li
kkonfrontat lil missierha talli
dan kien iħobb lin-nisa, imma
żbaljat meta minflok għenitu,
hija kkundannatu. Barra dan, tat
ħafna laxkezza lid-dritt
tal-mara. Infatti, issofferenza
ta’ ommha wassal li ssalva
ż-żwieġ. Ilwegħda taż-żwieġ ma
tistax tinkiser imma ma tistax
tgħix taħt l-istess saqaf ma’
raġel jew mara jekk il-ħajja u
l-morali tal-persuna jkunu
filperiklu. Imma din il-mara,
ommha, ħadmet biex salvat
iż-żwieġ għal ġid ta’ żewġha u
s-seba’ wliedha.
39.
U minflok għenet lil missierha
jagħraf dnubietu, hi għolliet
id-dritt laxk tal-mara bl-abort,
koabitazzjoni u d-divorzju.
Min-naħa l-oħra, kienet
l-imħabba ta’ ommha li salvat
ruħ missierha.
40.
Ġesù mbagħad ikkundannaha
bil-ħames Kmandament ‘la
toqtolx’, għax hi mhux biss
ħadet sehem fl-abort imma tat
ukoll pariri favur l-abort u
saħansitra ħallset għalih.
Ippromoviet l-abort u ħallset
għalih. Agħar minn dan, f’moħħha
ġġustifikatu u ma qerritux.
Kieku qerret, Alla kien iħassru
minn fuq il-Ktieb talĦajja u
b’hekk lanqas ix-xitan ma kien
jiftakru.
“Dnubiet imqarra ma jibqgħux
jeżistu!”
41.
Hawn il-Ktieb tal-Ħajja wrieha
kif ir-ruħ tiġi fleżistenza hekk
kif isir il-konċepiment u kif
laborti ta’ dawk il-miljuni ta’
trabi jagħtu ħafna u ħafna qawwa
lix-xjaten fuq id-dinja. Hi
kellha ħin biżżejjed kieku
riedet teħles minn din
ilkundanna imma hi ġġustifikat
id-dnubiet tagħha u ma
qerrithomx.
42.
Ġesù wkoll ikkundannaha fuq is-sitt
Kmandament ‘la tikkommettix
adulterju’ għax għalkemm hi qatt
ma għamlet hekk, hi ħajret lil
ħaddieħor. Anke bi lbiesha, tat
l-impressjoni li kienet favur.
43.
Ukoll fis-seba’ Kmandament ‘la
tisraqx’, Ġesù kkundannaha. L-iktar
li ġiet ikkundannata kien
minħabba li għamlet ħsara
lir-reputazzjoni ta’ bosta nies,
bil-konsegwenza li serqitilhom
l-unur. Ukoll użat flus bla
rażan fuqha nfisha milli biex
tgħin lil min hu fil-bżonn.
44.
U mniħabba li issa saret taf kif
in-nies kienu jaħsbu, rat
biċ-ċar kif kienet serqet
lill-istess uliedha...
serqitilhom il-propja ommhom.
45.
Serqet ukoll bit-tqassis fuq in-nies,
u dan jiġi serq tal-istima
personali tagħhom.
46.
L-istess għall-Kmandamenti l-oħra,
hija stqarret kollox.
47.
Imbagħad rat quddiemha ħajjitha;
millkonċepiment ’il quddiem,
fil-Ktieb tal-Ħajja, bħal
episodju ta’ film. L-iktar, hi
rat kif remiet limħabba ta’ Alla.
Rat il-ħsibijiet tagħha u
taloħrajn, rat dak li aħna ma
nistgħux naraw fiddinja;
sal-iċken dnub.
48.
Rat kif għalkemm kienet qerret
li ħadet 4.500 pesos (ekwiv.
€218) li ma kinux tagħha,
il-fatt li ma rritornathomx ġab
akkuża oħra kontra tagħha. Rat
li b’dak li għamlet, ġabet ħafna
wġigħ lill-persuna li ħadithom u
tgħattiet bliskuża li kellha
ħafna x’tagħmel biex tmur lura
bil-flus. Id-dnubiet imqerra
verament li jitħassru imma biex
jitħassru, iridu jkun ġew
imqerra sewwa!
49.
Issa Ġesù juriha d-dnub
tal-omissjoni; jew tannuqqas ta’
għemil. Werieha kif bit-talenti
li taha, hi ma kinetx użathom.
Kien hemm erwieħ li ntilfu
għall-fatt li hi ma użatx
ir-rigali li Alla taha biex
issalvahom.
50.
It-tagħlima tax-Xirka
tal-Qaddisin. Ġesù hawn jiġbidha
’l fuq mill-foss u jgħidilha li
sejjer jagħtiha ċans ieħor.
Jagħmilha ċara iżda, li kienet
sejra lura għall-ħajja mhux
minħabba li wriet inniket tagħha;
lanqas għat-talb tal-ġenituri
tagħha. Kien kollu għat-talb ta’
raġel fqajjar... raġel li lilha
lanqas biss kien jafha.
51.
Ġesù jgħidilha biex tmur lura u
tgħid l-istorja tagħha għal
miljuni ta’ drabi. U biex ngħin
lillistess ruħi, jien sejjer
ngħinha twassal l-istorja tagħha
aktar u aktar. Ejjew ilkoll
nisimgħu għattwissijiet tiegħu
fit-tmiem ta’ din il-ġrajja.
Ejjew ilkoll nagħmlu qrara tajba
u wara nibdew ngħixu ħajja tajba...
b’motivi u intenzjonijiet tajbin.
Tmiem
|