Omelija tal-Papa
fil-ftuħ
tas-Sena
tal-Fidi
Jekk illum
il-Knisja
qed
tipproponi
Sena ġdida
tal-Fidi u
evanġelizzazzjoni
ġdida, dan
mhux biex
tfakkar
anniversarju,
imma għax
hemm bżonn
tagħha, anki
iżjed milli
kien hemm
bżonnha
ħamsin sena
ilu!
Ara
l-omelija
tal-Papa
kollha
bil-Malti
...>
Is--Sena
tal-Fidi
f'Malta -
Stedina
lill-Insara
Fil-11 ta’
Ottubru li
ġej,
il-Knisja
f’Malta
tingħaqad
mal-Knisja
Universali
biex tniedi
“is-Sena
tal-Fidi”.
Propju sena
ilu, fl-Ittra
Appostolika
‘Porta
Fidei’
(il-Bieb
tal-Fidi),
il-Papa
Benedittu
XVI ħabbar
dan iż-żmien
speċjali
fil-Knisja
Kattolika.
Fi kliem il-Papa,
“is-Sena
tal-Fidi hi
sejħa biex
mill-ġdid
nikkonvertu
b’mod
awtentiku
lejn Kristu,
il-Feddej
waħdieni
tad-dinja”.
Il-Knisja
f’Malta qed
tħejji
programm ta’
attivitajiet
bil-għan li
l-Maltin
jiskopru
mill-ġdid
l-entużjazmu
tal-fidi
tagħhom. Din
l-istedina
hi miftuħa
għal kull
individwu
għalkemm,
fuq xewqa
tal-Arċisqof
Pawlu
Cremona
O.P., se
jsir aċċenn
fuq l-Insara
prattikanti
biex filwaqt
li jiskopru
mill-ġdid
il-fidi,
dawn iwasslu
l-esperjenza
tagħhom
lill-oħrajn.
Dan jorbot
ma’ dak li
l-Arċisqof
qal kemm-il
darba matul
l-episkopat
tiegħu,
jiġifieri
l-ħtieġa li
n-Nisrani jgħaddi
minn
tradizzjoni
u
konvenjenza
għall-għażla
ta’ fidi
konxja u
konvinta,
f’kultura li
kull ma tmur
qed tinbidel.
Huwa għalhekk
li
matul din
is-Sena ta’
Fidi, il-Knisja
f’Malta se
tibqa’
timpenja ruħha
f’evanġelizzazzjoni
ġdida
biex kif qal
il-Papa
“kull
persuna
tiskopri
mill-ġdid
il-ferħ
tal-fidi u
l-entużjażmu
biex
tikkomunikaha
lill-oħrajn”.
Il-laqgħa
annwali
tal-Assemblea
Djoċesana,
li se ssir
fil-5 u s-6
ta’ Ottubru
se toffri
opportunità
biex
ir-rappreżentanti
tal-Knisja,
kleru u
lajċi,
flimkien
mal-Arċisqof,
jirriflettu
fuq is-Sena
tal-Fidi.
F’kull
parroċċa,
fl-Assemblea
li ssir
fix-xhur ta’
Ottubru u
Novembru se
ssir
diskussjoni
bil-għan li
jiġu
stabbiliti
iniżjattivi
konkreti li
se jittieħdu
fil-parroċċi. L-ordnijiet
reliġjużi se
joffru
esperjenza
ta’ fidi
lill-operaturi
pastorali
fl-entitajiet
kollha
tal-Knisja.
Dan filwaqt
li se jiġu
organizzati
mumenti ta’
tiġdid
fil-fidi
għas-saċerdoti
u
r-reliġjużi.
Inizjattivi
oħra
jinkludu:
esperjenza
ta’ katekeżi
soda
għall-ġenituri
ta’ dawk li
jkunu qed
iħejju
għas-sagramenti
tad-dħul
fil-ħajja
Nisranija,
tnax-il
artiklu bi
spjega dwar
il-Kredu
fir-rivista
‘Flimkien’,
programmi
marbuta
mat-tema
tal-Fidi fuq
il-media
tal-Knisja u
inserts fi
programmi
tat-TV u
r-radju, u
konferenzi
pubbliċi
dwar
il-fidi.
Is-Sena
tal-Fidi se
tiftaħ bi
stedina
mill-Isqfijiet
permezz ta’
Ittra
Pastorali li
tinqara
fil-knejjes
kollha
f’Malta u
Għawdex nhar
il-Ħadd 7
ta’ Ottubru.
Il-Ħadd ta’
wara, 14
tax-xahar,
l-Insara
kollha se
jiġu
mistiedna
jagħmlu
apprezzament
tal-magħmudija
permezz ta’
rit apposta
li se jsir
f’kull
quddiesa.
Filwaqt li
ċ-ċelebrazzjonijiet
djoċesani
ta’ Kristu
Re u
tal-Vġili
ta’
Pentekoste
se jwasslu
messaġġ
marbut
mas-Sena
tal-Fidi, se
ssir ukoll
ċelebrazzjoni
djoċesana
fuq l-istess
tema, li
tikkommemora
l-mitt sena
mill-Kungress
Ewkaristiku
tal-1913.
Il-bidu
tas-Sena ta’
Fidi
fid-djoċesijiet
kollha
madwar
id-dinja
se jsir
fil-11
ta’ Ottubru
2012, li
jaħbat ukoll
il-50
anniversarju
mill-bidu
tal-Konċilju
Vatikan II
u l-għoxrin
sena
mill-publikazzjoni
tal-Katekiżmu
tal-Knisja
Kattolika.
Dakinhar
ukoll,
fil-Vatikan,
se jiftaħ
is-Sinodu
tal-Isqfijiet
dwar l-Evanġelizzazzjoni
Ġdida.
Il-Konferenza
Episkopali
Maltija se
tkun
irrappreżentata
f’dan
is-Sinodu
mill-Isqof
Mario Grech.
Is-Sena
tal-Fidi
tintemm
fl-24 ta’
Novembru
2013, festa
ta’ Kristu
Sultan.
(19
ta’
Settembru,
2012
)
Matul
is-Sena
tal-Fidi
Sibt, 6 Ottubru
2012: Malta
Assemblea Djoċesana
tiddiskuti s-Sena tal-Fidi f'Malta. Diskors mill-Arisqof Pawlu
Cremona OP dwar is-Sena tal-Fidi.
Ħadd,
7 Ottubru
2012: Malta.
Ittra
Pastorali tal-Isqfijiet dwar is-Sena tal-Fidi.
Ħamis,
11 Ottubru 2012, Vatikan.
Jitfakkar il-50 Anniversarju mill-bidu tal-Konċilju
Vatikan II.
Ċelebrazzjoni tal-bidu tas-Sena tal-Fidi fi Pjazza San Pietru.
Ħamis,
11
Ottubru 2012, Malta.
Ftuħ
tas-Sena tal-Fidi mill-Arċisqof
mas-Saċerdoti.
Imbagħad
fis-7.00pm,
l-Arċisqof
Pawlu Cremona se jmexxi laqgħa ta’ talb għall-kleru fil-ftuħ
tas-Sena tal-Fidi, fil-Knisja Parrokkjali ta’ San Pawl, ir-Rabat.
Għal din l-okkazjoni se jkunu preżenti n-Nunzju Appostoliku, l-E.T.
Mons. Tommaso Caputo, l-Arcisqof Emeritus, Mons. Ġużeppi Mercieca u
l-Isqof Awżiljarju-elett, Mons. Charles J. Scicluna. Matul din
iċ-ċelebrazzjoni, b’mod simboliku, l-Arċisqof jixgħel id-dawl
tal-fidi mill-lampier li jinsab fil-grotta ta’ San Pawl, u li
jirrapreżenta l-wasla tal-fidi f’Malta. Wara li ssir ċelebrazzjoni
tal-Kelma ta’ Alla, l-Arċisqof se jippreżenta lil kull kappillan
musbieh li jinxtegħel mill-lampier tal-grotta. Dan il-musbieh se
jittieħed fil-parrocci biex ifakkar fir-realtà tad-dawl tal-fidi
matul is-Sena tal-Fidi li tintemm fl-24 ta’ Novembru 2013, festa ta’
Kristu Sultan.
Ħadd,14
Ottubru 2012, Malta.
Jum
it-Tagħlim
Nisrani, Apprezzament tal-Magħmudija
bħala
bidu tal-mixja tagħna
fil-fidi.
Ħadd,
21 Ottubru 2012, Vatikan.
Kanonizzazzjoni tal-Marti u Xhieda
tal-Fidi fi Pjazza San Pietru. Dawn
huma
Jacques Berthieu, Pedro Calungsod, Giovanni Battista Piamarta, Maria
del Carmen (born Maria Salles y Barangueras), Kateri Tekakwitha,
Maria Anna Cope, and Anna Schaffer.
Sibt,
27 Ottubru 2012, Malta.
Pellegrinaġġ
Marjan Djoċesan
mill-knisja parrokkjali ta’ San Pawl fir-Rabat għall-Katidral
fl-Imdina. Mis-7.00 sat-8.15 ta’ filgħaxija.
Organizzat mill-Kapitlu tal-Katidral.
Ħadd,
25 Novembru 2012, Malta.
Ċelebrazzjoni ta’ Kristu Re: Xhieda
tal-fidi.
Ġimgħa,
25 Jannar 2013, Ruma.
Matul iċ-ċebrazzjoni
tradizzjonali fil-Bażilica
ta’ San Pawl ‘il barra mill-ħitan
ta’ Ruma, dawk li se jieħdu
sehem jistqarru flimkien il-fidi komuni nisranija tagħhom.
Ħamis,
7 Frar 2013. Vatikan.
Wirja tal-Arti dwar San Pietru li ssir fil-Kastell Sant’ Anġlu u
tibqa miftuħa sal-1 ta’ Mejju 2013.
Ħadd,
24 Marzu 2013, Vatikan.
Fi
Pjazza San Pietru, Jum iż-Żgħażagħ bi tħejjija għall-Jum
Dinji taż-Żgħażagħ.
Erbgħa,
27 Marzu 2013, Malta.
Via Sagra Djoċesana:
Mixja penitenzjali ta’ fidi.
Ħadd,
28 April 2013, Vatikan.
Il-Papa Benedittu XVI jamministra is-Sagrament tal-Griżma tal-Isqof
lil grupp ta’ żgħażagħ.
Ħadd,
5 Mejju 2013, Vatikan.
Fi
Pjazza San Pietru, Jum il-Konfraternitajiet u
Devozzjonijiet Popolari.
Sibt, 18 Mejju 2013,
Malta.
Ċelebrazzjoni
Vġili
ta’ Pentekoste: Apprezzament tal-Kariżmi.
Ħadd,
2 Ġunju 2013, Knisja Universali.
Festa ta’ Corpus Christi. Din tkun okkażjoni sabiex is-Ssmu
Sagrament ikun adorat fl-istess ħin mad-dinja kollha.
Ġimgħa,
7 Ġunju,
2013, Malta.
Ċelebrazzjoni
Djoċesana
ta' kommemorazzjoni tal-100 sena mill-Kungress Ewkaristiku.
Ħadd,
16 Ġunju 2013, Vatikan.
Fi
Pjazza San Pietru, Jum l-Evangelium Vitae.
Tlieta,
18 Ġunju 2013, Vatikan.
Fi Pjazza San Pietru, Vġili ta’ Pentecoste mal-Movimenti u
Assoċjazzjonijiet tal-Lajċi.
Sibt,
22 Ġunju 2013, Vatikan.
Fi Pjazza San Pietru, Kunċert ta’ Mużika Sagra.
Ħadd,
7 Lulju 2013, Vatikan.
Jum il-Vokazzjonijiet.
Seminaristi u novizzi minn madwar id-dinja
jtemmu l-pellegrinagġġ tagħhom fi Pjazza San Pietru.
Ħadd,
29 Settembru 2013, Vatikan.
Jum
il-Katekisti.
Fl-20
anniversarju mill-publikazzjoni tal-Katekiżmu tal-Knisja.
Vatikan, Bażilika ta’ San Pietru u Pjazza San Pietru.
Ħadd,
13 Ottubru 2013, Vatikan.
Ġurnata Marjana li tiffoka fuq il-preżenza ta' Marija
fil-Knisja. Bażilika ta’ San Pietru u Pjazza San
Pietru, .
Ħadd,
24 Novembru 2013, Vatikan.
Fi Pjazza San Pietru, Ċelebrazzjoni ta’ tmiem is-Sena
tal-Fidi.
Ħadd,
24 Novembru 2013, Malta.
Ċelebrazzjoni ta’ Kristu Re.
Tiġdid tal-Fidi.
Tmiem is-Sena
tal-Fidi.
Minn
żmien għal
żmien, jistgħu
jiżdiedu
ma'
din il-lista
inizjattivi, attivitajiet u
ċelebrazzjonijet oħra.
Il-lista
ma tinkludix dak li se jsir minn diversi parroċċi,
għaqdiet/movimenti
u entijiet oħra
fi ħdan
il-Knisja. Għal
dawn tajjeb li jkunu konsultati il-kappillani jew mexxejja ta’
entijiet rispettivi.
