IS-SEGRETARJAT GĦAL-LAJĊI
B’digriet tal-21 ta’ Nopvembru
1979, l-Arċisqof Ġużeppi Mercieca waqqaf fil-Kurja, Uffiċċju
għal-Lajċi, bil-għan li jiggwida, jinkoraġgixxi u jgħin l-appostolat
kollu li jsir mil-lajċi nsara f’Malta.
B’digriet tat-3 ta’ Diċembru
1986, flimkien ma’ Segretarjati oħra, twaqqaf ukoll is-Segretarjat
għal-Lajċi li ħa l-post tal-Uffiċċju għal-Lajċi, biex b’hekk
iseħħ dak li kien talab il-Pjan Pastorali 1986 – 1991 f’dak
li għandu x’jaqsam ma’ l-appostolat tal-lajċi.
B’digriet ieħor tas-7 ta’ Marzu
1988, ingħataw regoli u direttivi dwar il-xogħol ta’ dan is-Segretarjat.
Skond dan id-digriet, il-Kap tas-Segretarjat huwa d-Delegat
ta’ l-Arċisqof, li bħala rappreżentant tiegħu janima u
jikkoordina l-ħidma tal-entijiet attivi fl-oqsma li jħaddan
u filwaqt li jirrispetta l-awtonomija xierqa tagħhom, jara
li din il-ħidma tiġi dejjem ‘il quddiem.
Sabiex ikun jista’ jagħmel
sewwa l-ħidma tiegħu, is-Segretarjat ikollu Kunsill li fuqu
jkunu rappreżentanti l-entijiet fl-Arċidjoċesi li jaħdmu
fil-qasam tas-Segretarjat. Dan il-Kunsill għandu jgħin lid-Delegat..
q
fit-tħaddim tal-Pjan Pastorali tal-Arċidjoċesi,
q
fit-tfassil ta’ policies fil-qasam tal-lajċi qabel dawn
jitressqu permezz tas-Segreterija Pastorali
għall-approvazzjoni definitiva ta’ l-Arċisqof, u
q
fl-ippjanar, organiżżazzjoni u koordinament ta’ l-entijiet u
persuni attivi f’dan il-qasam, skond il-policies
tal-Arċidjoċesi.
Skond id-digriet ta’ Mons. Arċisqof, il-Kunsill
tas-Segretarjat għandu jaqdi dawn il-funzjonijiet tiegħu
bil-pariri u s-suġġerimenti li jagħti lid-Delegat
fil-laqgħat tal-Kunsill, kif ukoll b’forom oħra ta’ ħidma u
kollaborazzjoni skond il-possibiltajiet tal-membri.
Id-digriet jispeċifika wkoll li minbarra d-Delegat
tal-Arċisqof għal-Lajci, dan il-Kunsill għandu jkun kompost
ukoll minn ...
q
Erba’ rappreżentanti tal-Forum tal-Għaqdiet u Movimenti
Kattoliċi tal-Lajċi.
q
Żewġ rappreżentanti tal-Kummissjoni Djoċesana Żgħażagħ.
q
Rappreżentant tal-Kummissjoni Djoċesana Familja.
q
Rappreżentant tal-Kunsill Djoċesan għat-Tfal.
q
Rappreżentant lajk mill-kategorija tal-intelletwali jew
professjonisti.
q
Rappreżentant lajk mill-kategorija tal-ħaddiema industrijali.
q
Żewġ lajċi (raġel u mara) impenjati fl-appostolat.
q
Saċerdot impenjat fil-qasam tal-appostolat tal-lajċi.
Id-delegat preżenti huwa s-Sur Joe Farrugia li nħatar minn
Mons Arċisqof Pawl Cremona OP b’digriet mogħti mill-Kurja
Arċiveskovili ta’ Malta fis-16 ta’ Settembru 2008. Il-Kunsill
preżenti tas-Segretarjat għal-Lajċi kellu l-ewwel laqgħa
tiegħu fit-28 ta’ Jannar 2009.
|