LECTIO DIVINA |
TALBA LILL-ISPIRTU
S-SANTU FIL-BIDU TAL-LECTIO DIVINA
Ejja Spirtu Qaddis
u mlieni bil-qawwa tal-preżenza tiegħek, l-istess
kif nhar Għid il-Ħamsin inti kont
imlejt lill-ewwel insara. Għinni nitbattal
minn dak kollu li hemm ġewwa fija, mill-pjanijiet
u l-proġetti kollha li nagħmel għalija
nnifsu u għall-oħrajn għax b'hekk biss inkun
nista' nilqa’ aħjar il-Kelma li se tagħtini.
Dawwalli moħħi biex nifhem il-messaġġ li
għandek għalija u kebbisli qalbi biex
nwettqu f’ħajti u f’dik ta’ ħuti. Dan għal
akbar glorja tiegħek. Ammen.
|
|
2. Leħen
ta’ wieħed jgħajjat fid-deżert, "Wittu t-triq tal-Mulej."
Ġw. 1:6-8,
19-28.
|
|
Q
Qari |
Il-Profeta.
Kien hemm raġel mibgħut minn Alla,
jismu Ġwanni. Dan ġie
bħala xhud, biex jixhed għad-dawl, biex bih kulħadd jemmen.
Ġwanni
ma kienx id-dawl,
imma ġie
biex jixhed għad-dawl…
Ix-xhieda ta' Ġwanni kienet din: meta l-Lhud ta' Ġerusalemm
bagħtu għandu xi qassisin u Leviti biex jistaqsuh, "Int min
int?", hu stqarr bla ma ċaħad: "Jien m'iniex il-Messija."
Huma reġgħu staqsewh: "Mela min int? Elija?" "M'iniex,"
qalilhom. "Int il-Profeta?" "Le," weġibhom. Mbagħad qalulu:
"Mela min int?
Biex nagħtu
tweġiba lil dawk li bagħtuna. Min tgħid li int?" U hu wieġeb
kif qal il-profeta Isaija:
“Jiena
leħen ta’ wieħed jgħajjat fid-deżert. ‘Wittu t-triq tal-Mulej.’ ”
Issa dawk il-messaġġiera kienu min-naħa tal-Fariżej. Huma
staqsewh: "Mela kif qiegħed tgħammed la m'intix il-Messija,
u la Elija u lanqas il-Profeta?" "Jiena ngħammed bl-ilma,"
weġibhom Ġwanni, "imma f'nofskom hemm wieħed li intom ma
tafuhx, u li ġej warajja; jiena anqas ma jistħoqqli nħoll
il-qafla tal-qorq tiegħu."
Dan ġara f'Betanja, in-naħa l-oħra tal-Ġordan, fejn Ġwanni
kien jgħammed. |
|
M
Meditazzjoni
|
Raġel
mibgħut minn Alla.
Ħadd ma jista’ jaħtar lilu
nnifsu. Is-sejħa trid bilfors tkun ġejja minn Alla.
Fil-magħmudija tagħna, aħna wkoll irċevejna s-sejħa biex
ikollna sehem mill-missjoni profetika ta’ Kristu. Jien
konxju minn din is-sejħa tiegħi?
Dan ġie bħala xhud, biex jixhed għad-dawl, biex bih kulħadd
jemmen.
Bħala nisrani, id-Dawl tiegħi
huwa Kristu. Nixhed għalih fiċ-ċirkustanzi kollha tal-ħajja
tiegħi, qiegħed fejn qiegħed u qiegħed ma’ min qiegħed? Minn
dak li ngħid u nagħmel, qiegħed inkun strument biex tikber u
tixtered il-fidi fi Kristu?
“Inti Profeta?” “Le” weġibhom.
Fl-umiltà
tiegħu Ġwanni qatt ma xehed għalih innifsu, imma biss għal
Kristu li kellu jiġi warajh. Iżda kien Kristu stess li xehed
għalih, “Xi ħriġtu taraw fid-deżert? Profeta? Iva
ngħidilkom, anzi iżjed minn profeta.” (Mt 11:9) U jiena,
nħobb nitkellem xejn fuqi nnifsi? Naf li huwa biss l-Ispirtu
li jixhed għalina, li aħna ulied Alla? (ara Rum 8:16)
F'nofskom hemm wieħed li intom ma tafuhx.
Kemm jgħodd għalija dan il-kliem ta’ Ġwanni? Ilni tant snin
nisrani, imma lil Ġesù nafu tassew? Jew naf biss dak li
smajt u qrajt dwaru? Qatt intbaħt li huwa qiegħed ħaj
f’nofsna, anke llum? U jiena, fejn qiegħed infittxu? Fejn
u f’min nista’ nsibu?
|
|
T
Talb
|
Mulej Alla, għinni
nagħraf is-sejħat li inti tgħamilli u nagħmel biss dak li trid minni,
int.
Spirtu Qaddis kompli
agħtina anke llum profeti vera biex jkomplu jħabbrulna
il-Kelma tiegħek u jgħinuna nħejju t-triq għall-miġja
tiegħek.
Kristu Ġesù, inti l-uniku
Dawl tagħna, imma fl-imħabba kbira tiegħek għalina, minkejja
d-dnub tagħna, inti sejjaħtilna biex inkunu dawl
għall-oħrajn. Għinna nkunu fidili għal din ir-responsabiltà
kbira li fdajtilna f’idejna.
Alla tiegħi, aħfirli ta’
kull darba li bix-xhieda falza tiegħi, kont ta’ tfixkil
għall-ħuti minflok ma ressaqthom lejk, aktar komplejt
bgħetthom minnek.
Mulej Ġesù, kemm drabi
kont maġenbi u jiena m’għaraftekx. Kompli sejjaħli
bil-kelma tiegħek, saħħaħni bl-ikel mill-mejda tiegħek u
nebbaħni kull darba li tgħaddi minn ħdejja fil-persuna ta’
xi ħadd minn ħuti.
|
K
Kontemplazzjoni
|
Jekk il-Lectio Divina qed issir fi grupp,
il-Kontemplazzjoni tista' ssir privatament wara.
Fil-ħajja
tiegħi
ta’ kuljum ma nistgħax
ngħix
l-istess
ħajja
li għix
Ġwanni
l-Għammiedi
fid-deżert,
imma jiena wkoll nista’ nsib ftit mumenti ta’
ġabra,
li fihom nħalli
l-ħsibijiet
li jtaqqluni u l-proġetti
li jorbtuni magħhom
biex meħlus
minn kull xkiel nintelaq mistrieh fil-preżenza
ta’ Alla.
Tajjeb li f’dan il-ħin
ta’ kontemplazzjoni, li jkun aħjar
jekk nagħmlu
waħdi,
nneħħi
minn moħħi
l-ħsibijiet
kollha tiegħi.
Nieqaf nitkellem, mhux biss ma’ l-oħrajn
ta’ madwari, imma wkoll ma’ Alla nnifsu,
ħalli
f’dan il-ħin
inħalli
lilu jkellimni hu. U anke jekk lilu ma nisemgħux
ikellimni, xorta waħda
naf, b’fidi ferma, li huwa qiegħed
hemm,
ħdejja.
|
|
TALBA
FI TMIEM IL-LECTIO DIVINA
Inroddlok ħajr, Mulej Ġesù tal-Kelma tiegħek
li mhux biss tajtha lid-dixxipli elfejn sena
ilu, imma li llum ukoll tajtha anke lili.
Agħtini l-Ispirtu Qaddis tiegħek sabiex
bil-qawwa tiegħu ngħix kuljum fid-dawl
tagħha u sabiex bi mħabba nwassalha
lill-oħrajn. Dan nitlobulek
bl-interċessjoni ta’ Ommok u Ommi Marija, li
kienet l-ewwel waħda li laqgħatha f’qalbha u
f'ħajjitha. Għall-glorja tal-Missier li
miegħek jgħix u jsaltan flimkien ma’ l-Ispirtu
s-Santu. Ammen. |
|
|
|