LECTIO DIVINA |
TALBA LILL-ISPIRTU
S-SANTU FIL-BIDU TAL-LECTIO DIVINA
Ejja Spirtu Qaddis
u mlieni bil-qawwa tal-preżenza tiegħek, l-istess
kif nhar Għid il-Ħamsin inti kont
imlejt lill-ewwel insara. Għinni nitbattal
minn dak kollu li hemm ġewwa fija, mill-pjanijiet
u l-proġetti kollha li nagħmel għalija
nnifsu u għall-oħrajn għax b'hekk biss inkun
nista' nilqa’ aħjar il-Kelma li se tagħtini.
Dawwalli moħħi biex nifhem il-messaġġ li
għandek għalija u kebbisli qalbi biex
nwettqu f’ħajti u f’dik ta’ ħuti. Dan għal
akbar glorja tiegħek. Ammen.
|
|
1. Fil-bidu
kienet il-Kelma.
Ġw: 1:1 -
5, 10-14
|
|
Q
Qari |
Fil-bidu
kien il-Verb,
u l-Verb kien ma' Alla, u l-Verb kien Alla. Hu kien fil-bidu
ma' Alla. Kollox bih sar, u xejn ma sar mingħajru; kull ma
sar kellu l-ħajja fih, u l-ħajja kienet id-dawl tal-bnedmin.
Id-dawl jiddi fid-dlam,
imma d-dlam ma għelbux. ...
Kien
fid-dinja,
u d-dinja saret bih,
imma d-dinja
ma għarfitux.
Ġie f'daru, u niesu ma laqgħuhx. Imma lil dawk li laqgħuh
tahom is-setgħa li jsiru wlied Alla, dawk li jemmnu f'ismu,
li twieldu mhux bid-demm, anqas mill-ġibda tal-ġisem, u
anqas mir-rieda tal-bniedem, iżda minn Alla.
U l-Verb sar bniedem u għammar fostna, u aħna rajna l-glorja
tiegħu, il-glorja li għandu mill-Missier bħala Ibnu l-waħdieni,
mimli bil-grazzja u l-verità.
|
|
M
Meditazzjoni
|
Fil-bidu kien il-Verb.
-
Fil-ftuħ
tat-Testment il-Qadim, fl-ewwel vers ta’ l-ewwel kapitlu
ta’ l-ewwel ktieb tal-Bibbja, naqraw, “Fil-bidu Alla
ħalaq is-sema u l-art.” (Ġen 1:1) Fit-Testment il-Ġdid,
fil-ftuħ tal-Evanġelju skont San Ġwann, l-Evanġelista
jgħidilna, “Fil-bidu kien il-Verb (Il-Kelma). Bejn dawn
iż-żewġ testi ma jinħoloq ebda konflitt għaliex kif
inkomplu naqraw fil-kitba ta’ Ġwanni, huwa propju
permezz tal-Kelma tiegħu li Alla ħalaq is-sema u l-art.
Kollox sar biha u mingħajrha ma sar xejn.
-
X’importanza għandha l-Kelma
ta’ Alla f’dak li nagħmel? Dak li nagħmel, huwa ġej
minnha? Liema huma dawk l-oqsma f’ħajti, li fihom
il-Kelma ta’ Alla nipprova ma ndaħħalhiex? Forsi wkoll
nħossha ta’ xkiel.
Kull
ma sar kellu l-ħajja fih, u l-ħajja kienet id-dawl
tal-bnedmin.
-
Nista’ ngħid
li dan il-kliem jgħodd
għalija
wkoll? Kull ma jsir f’ħajti,
għandu
tassew il-ħajja
fih?
Kollox? L-azzjonijiet tiegħi
fil-familja, fuq ix-xogħol,
fin-negozju, mal-ħbieb,
anke ma' dawk li għamluli
d-deni,
huma mdawwla minnu?
Id-dawl jiddi fid-dlam,
imma d-dlam ma għelbux.
-
Nemmnu dan jew quddiem id-dnub,
kemm tiegħi
kif ukoll tal-oħrajn,
naqta’ qalbi? X’infittex l-aktar fil-ħajja
tiegħi,
id-dawl jew id-dlam? Jista’ jkun li kultant id-dlam
insibu komdu għax
jaħbi
l-ħażen
ta’ għemili?
Fil-ġlieda
bejn id-dawl u d-dlam, forsi nippreferi noqgħod
newrali?
Id-dinja
ma għarfitux. ..
u niesu ma laqgħuhx.
-
Jiena fid-dinja. Meta għadda
minn
ħdejja
għaraftu?
Jiena nisrani u għalhekk
inqis ruħi
wieħed
minn niesu, wieħed
minn ta’
ġewwa.
Kif inġib
ruħi
miegħu,
nilqgħu
f’dari? Anke meta jiġi
għandi
liebes ta’ tallab, refuġjat,
marid,
kriminal? Jekk huwa wieħed minn ta’ ġewwa, allura dari
suppost hija daru. Tassew jgħix miegħi jew forsi xi
drabi jkun aħjar ma jersaqlix ‘l hemm?
Lil
dawk li laqgħuh tahom is-setgħa li jsiru wlied Alla.
U l-Verb sar bniedem u għammar fostna, u aħna rajna l-glorja
tiegħu.
-
Il-Kelma ta’
Alla, tant kienet
ħajja
f’Marija, li fil-ġuf
tagħha
ħadet
il-laħam.
Nixtieq li fija wkoll, il-Kelma ta’ Alla tieħu
l-ħajja?
Li Kristu joħroġ
ħaj
minn
ħajti
biex jiena wkoll inwasslu lill-oħrajn
kif wasslitu hi?
Aħna rajna l-glorja tiegħu.
|
|
T
Talb
|
-
Mulej
Ġesù,
inti l-bidu u t-tmiem ta’ kollox. Irridek tkun ukoll
il-bidu u t-tmiem ta’ kull ma nagħmel
u ta’
ħajti kollha.
-
Ħa
jkunu il-Kelma u l-Ġisem
tiegħek,
il-ħajja
tiegħi,
Mulej.
-
Kompli, Mulej, iddi fid-dlam ta’
ħajti. Tħalli
qatt li wiċċi
jħares
‘il hinn minn wiċċek
biex id-dawl tiegħek
jirrifletti minni, għall-glorja
tal-Missier.
-
Mulej
Ġesù,
meta tgħaddi
minn ħdejja fil-persuna ta’ xi
ħadd
minn
ħuti,
għinni
biex nintebah bik u ma nwarbikx.
-
Ħa
tkompli tkun l-għamara
tiegħek
fostna, Mulej.
-
Għinna naraw il-glorja
tiegħek fil-ħajja tagħna. Għinna
naħdmu għall-miġja
tas-saltna tiegħek.
Għinna
ninfetħu għall-oħrajn.
-
Ikun li trid int, Mulej.
|
K
Kontemplazzjoni
|
Jekk il-Lectio Divina qed issir fi grupp,
il-Kontemplazzjoni tista' ssir privatament wara.
Aqra mill-ġdid u
bil-mod ħafna din is-silta. Wara għamel imqar
għaxar minuti fil-ħemda. Tkomplix titkellem
int,
lanqas ma’ Alla. Issa ħalli lilu jkellmek Hu.
Tkomplix taħseb jew timmedita, lanqas dwar dak
li qrajt. Minn issa ‘l quddiem, il-ħidma fik
trid issir, mhux aktar bil-qawwa tal-ħsieb, imma
bil-qawwa ta’ l-Ispirtu Qaddis. Kien hu li
nebbaħ il-Kelma. Irid ikun hu li jħaddimha fik
u jonfoħ fiha l-ħajja. Inti ieqaf sieket,
imxennaq għalih.
Jekk tintebaħ li bdejt issir distratt b’xi
ħsibijiet, tinkwieta xejn. Erġa kompli minn dak
il-ħin bla ma taqta’ qalbek. Anke jekk fi ftit
mumenti dan isir diversi drabi. Tippruvax
tkejjel is-suċċess jew nuqqas ta’ suċċess
tiegħek. Ftakar fil-kontemplazzjoni mhux inti
qed taħdem, imma huwa Hu li qed jaħdem fik.
Inti trid biss tixxennaq għalih.
|
|
TALBA
FI TMIEM IL-LECTIO DIVINA
Inroddlok ħajr, Mulej Ġesù tal-Kelma tiegħek
li mhux biss tajtha lid-dixxipli elfejn sena
ilu, imma li llum ukoll tajtha anke lili.
Agħtini l-Ispirtu Qaddis tiegħek sabiex
bil-qawwa tiegħu ngħix kuljum fid-dawl
tagħha u sabiex bi mħabba nwassalha
lill-oħrajn. Dan nitlobulek
bl-interċessjoni ta’ Ommok u Ommi Marija, li
kienet l-ewwel waħda li laqgħatha f’qalbha u
f'ħajjitha. Għall-glorja tal-Missier li
miegħek jgħix u jsaltan flimkien ma’ l-Ispirtu
s-Santu. Ammen. |
|
|
|