VIA SAGRA
FIS-SENA MARJANA – RANDAN 2019
Talba tal-bidu:
O Verġni
mbierka, Omm tad-Duluri, int
imxejt ma’ Ibnek Ġesù t-triq
kollha tas-Salib u sseħibt
miegħu fil-Passjoni tiegħu.
Agħtini l-grazzja li, waqt li
naħseb fuq it-tbatijiet tiegħu,
nimxi flimkien miegħek bis-salib
tiegħi fuq il-passi ta’ Ibnek
Ġesù.
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 1: Ġesù
kkundannat għall-mewt
O Marija,
il-qalb tiegħek ta’ Omm inqasmet
bin-niket int u tisma’ dik
il-kundanna inġusta, meta kont
taf li Ibnek ma kien għamel xejn
li jistħoqqlu l-mewt. Agħtini
l-grazzja li qatt ma niġġudika
lil ħadd biex ma nkunx jien
il-kawża li Kristu Ibnek jibqa’
jiġi kkundannat illum ukoll
f’ħuti l-bnedmin.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 2: Ġesù
jiġi mgħobbi s-salib
O Marija, kemm
xtaqt ħadtu fuq spallejk int dak
is-salib tqil ta’ Ibnek Ġesù! U
żgur li xtaqt tissallab int
minfloku! Imma flimkien ma’
Ibnek ħaddant dak is-salib
f’qalbek u miegħu ntlaqt
fir-rieda tal-Missier. Għinni,
Marija, biex ma nibżax mis-salib
tiegħi imma nħaddnu jien ukoll u
bħalkom nintelaq fir-rieda
tal-Missier.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 3: Ġesù
jaqa’ għall-ewwel darba
O Marija, li
tara lil Ibnek fl-art, taħt
it-toqol tas-salib, kienet prova
kbira wisq għalik, u x’ma xtaqtx
tagħmel biex tgħinu jerġa’ jqum!
Imma fil-waqgħa ta’ Ibnek Ġesù
inti tilmaħ il-waqgħat kollha
tagħna l-bnedmin. Agħmel, o
Marija, li f’kull waqgħa tiegħi
nerfa’ għajnejja lejk u fik
insib il-qawwa biex nerġa’ nqum
u nkompli l-mixja tiegħi wara
Ġesù.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 4: Ġesù
jiltaqa’ ma’ Ommu Marija
O Marija,
x’ħassejt f’qalbek dak il-ħin,
meta l-ħarsa tiegħek iltaqgħet
mal-ħarsa ta’ Ibnek fit-triq
tal-Kalvarju! U kemm ħassejt
aktar xħin pruvajt tersaq lejh
biex tħaddnu miegħek u l-idejn
kiefra tas-suldati firduk minnu!
Agħmel, Marija, li ħadd u xejn
ma jifridni minnek u minn Ibnek
Ġesù, speċjalment fis-siegħa
tal-prova tiegħi.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 5: Ġesù
jiġi mgħejjun minn Xmun Ċirinew
jerfa’ s-salib
O Marija,
x’konsolazzjoni tagħtek f’qalbek
il-preżenza ta’ Xmun iċ-Ċirinew,
li rajtu jieħu minn fuq spallejn
Ibnek dak is-salib tqil u
jġorrulu hu għal ftit! Lil dan
il-bniedem barrani ġiegħluh
jagħmel dak li xtaqt tagħmel int
u ma ħallewkx! Agħtini
l-grazzja, Marija, li nkun ta’
Ċirinew għal tant ħuti bnedmin
li qed ibatu, u hekk intaffi
ftit mit-tbatija tal-qalb
tiegħek u ta’ Ibnek Ġesù.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 6:
Il-Veronika tixxotta l-wiċċ
kollu dmija ta’ Ġesù
O Marija,
konsolazzjoni oħra ħassejt
f’qalbek meta rajt lill-Veronika
toħroġ minn qalb il-folla u
tersaq lejn Ġesù biex tixxuttalu
wiċċu kollu dmija. U kemm
apprezzajt meta rajtha tgħannaq
ma’ qalbha dak il-maktur
imċappas bid-demm għażiż ta’
Ibnek! Urini, Marija, il-valur
kbir ta’ dak id-Demm prezzjuż li
Ibnek xerred għalija, u li kien
il-prezz tal-fidwa tiegħi.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 7: Ġesù
jaqa’ għat-tieni darba
O Marija, Ibnek
jerġa’ jsib ruħu fl-art, taħt
is-salib. Qalbek kompliet
tiċċarrat bin-niket quddiem
it-tbatija u l-umiljazzjoni
tiegħu! Imma mill-ġdid ftakart
li hu ried jixrob il-kalċi
tal-Missier sal-aħħar qatra!
Għinni niftakar jien ukoll li
f’kull salib u f’kull tbatija
tiegħi, anke f’dawk li jiġu fuqi
b’mod inġust, jinħeba dejjem
il-pjan misterjuż ta’ mħabba
tal-Missier għalija.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 8: Ġesù
jiltaqa’ man-nisa ta’ Ġerusalemm
O Marija,
id-dmugħ ta’ dawn in-nisa twajba
jingħaqad mad-dmugħ tiegħek.
Dawn in-nisa jistgħu jifhmu
d-duluri tiegħek u jħossu
miegħek, għax huma wkoll
għandhom l-ulied. Fit-tbatija
ta’ Ibnek Ġesù jaraw it-tbatija
ta’ wliedhom, u fit-tbatija
tiegħek ta’ Omm it-tbatija
tagħhom. Għinni, Marija, biex
jien ukoll nitgħallem inbati ma’
min qed ibati u nibki ma’ min
jibki.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 9: Ġesù
jaqa’ għat-tielet darba
O Marija,
it-tbatija ta’ Ibnek qiegħda
dejjem tiżdied u l-għejja qed
tilħaq il-limiti tagħha. In-nies
qed jaħsbu li mhux se jasal ħaj
sa fuq il-Kalvarju. Imma
l-preżenza tiegħek ta’ Omm
tagħtih il-qawwa biex jerġa’
jqum u jkompli l-mixja tiegħu.
Kun miegħi ukoll, Marija,
fil-mixja tas-salib tiegħi, u
agħtini l-qawwa biex ma naqtax
qalbi imma nibqa’ miexi
sal-aħħar wara Ibnek Ġesù.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 10:
Ġesù jiġi mneżża’ minn ħwejġu
O Marija,
x’umiljazzjoni u tbatija ġarrabt
f’qalbek meta rajt lil Ibnek
jiġi mneżża’ minn ħwejġu fuq
il-Kalvarju! Neżżgħuh
mid-dinjità tiegħu! Umiljawh
quddiem id-dinja! Illum ukoll,
Ibnek għadu jiġi mneżża’ f’tant
ħutna bnedmin imkasbra u
umiljati. Agħtini l-grazzja,
Marija, li nibqa’ nirrispetta
lil kull bniedem u ma nkunx jien
il-każwa li xi ħadd minn uliedek
jiġi mneżża’ mid-dinjità tiegħu.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon11: Ġesù
jiġi msammar mas-salib
O Marija, wara
l-flaġellazzjoni u
l-inkurunazzjoni bix-xewk, wara
ż-żebliħ u s-swat bla ħniena
fit-triq tal-Kalvarju, issa tara
lil Ibnek jiġi msammar
mas-salib. Dawk l-imsiemer li
nifdulu jdejh u riġlejh daħlu
aktar f’qalbek milli f’ġismu.
Kull daqqa tal-martell ħassejtha
bħal daqqa ta’ stallett ġo
qalbek! Aħfirli, Marija, għax
dawk id-daqqiet kienu kollha
konsegwenza ta’ dnubieti.
Aħfirli, u għinni ma nkomplix
noffendi lil Ibnek Ġesù.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 12:
Ġesù jmut fuq is-salib
O Marija, issa
Ibnek jinsab mislub, merfugħ ’il
fuq bejn sema u art. Ħajtu
waslet fit-tmiem. Qed itenni
l-aħħar kelmiet. Il-prezz
tal-fidwa tiegħi kważi tħallas
għal kollox. U minn fuq is-salib
nisimgħu jgħidli: “Hawn hi
Ommok”, u lilek: “Hawn hu
ibnek”. Grazzi, Marija, talli
aċċettajt li tkun l-Omm tiegħi.
Għinni ngħix ta’ veru ibnek u
mmut imħaddan miegħek u ma’
Ibnek Ġesù.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 13:
Ġesù jiġi mniżżel mis-salib u
mogħti f’dirgħajn Ommu Marija
O Marija,
fl-eqqel tad-duluri tiegħek,
għandek almenu x-xorti li terġa’
tħaddan lil Ibnek miegħek,
għalkemm issa mejjet... X’għadda
minn moħħok u minn qalbek,
Marija, f’dawk il-mumenti hekk
iebsa! Irrid nishar miegħek, Omm
ħelwa tiegħi, u naqsam miegħek
fit-tbatijiet tiegħek. Agħtini
l-grazzja li nkompli f’ġismi dak
li jonqos mit-tbatijiet ta’
Ibnek Ġesù, għall-ġisem tiegħu
li hu l-Knisja.
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Stazzjon 14:
Ġesù midfun f’qabar ġdid
O Marija, rajt
lil Ibnek ibati fil-passjoni u
fl-agunija, rajtu jmut fuq
is-salib, u issa tarah imqiegħed
fil-qabar... almenu issa
mistrieħ! Il-passjoni tiegħu
ntemmet, imma tiegħek għadha
sejra... Il-ġerħa ta’ qalbek
għadha miftuħa. Imma f’dan kollu
inti tibqa’ hemm, wieqfa,
sal-aħħar! Tibqa’ temmen u
tittama, temmen u tafda, temmen
u tistenna, għax taf li dan
Ibnek ser jerġa’ jqum! O Marija,
saħħaħ fija l-fidi fi Kristu
Ibnek rebbieħ fuq il-mewt.
Laqqagħni miegħu ħaj, illum!
Glorja...
Imbierka
l-passjoni u l-mewt ta’ Sidna
Ġesù.
Mulej ħenn
għalina u l-maħfra ta’ dnubietna
agħtina.
Nadurawk, o
Ġesù, u mberkuk,
għax b’salibek u
l-mewt tiegħek inti fdejtna.
Talba tal-aħħar:
O Verġni
mbierka, Omm tad-Duluri, stampa
fil-qalb tiegħi l-Passjoni u
l-mewt ta’ Ibnek Ġesù, u għinni
nsib fil-Pjagi tiegħu l-fejqan
tiegħi. Għallimni mmut kuljum,
fl-affarijiet iż-żgħar tal-ħajja
ta’ kuljum, biex miegħu wkoll
nirxoxta kuljum għal ħajja
ġdida. Ammen.
Sliem għalik, Sultana, Omm
tal-ħniena
|