|
Rit tal-Quddiesa
ORDNI GĦALL-QUDDIESA MAL-POPLU
IR-RITI TAL-BIDU
Meta l-poplu jinġabar, is-saċerdot flimkien mal-ministri jersaq lejn l-artal, waqt li jkun qiegħed isir il-kant ta’ l-introjtu. Kif jaslu quddiem l-artal, is-saċerdot u l-ministri isellmu b’inklinazzjoni profonda; imbagħad is-saċerdot jitla’ jbus l-artal u, skond iċ-ċirkustanzi, jista’ jinċensah. U jmur is-sedja flimkien mal-ministri. Kif jispiċċa l-kant ta’ l-introjtu, is-saċerdot u l-fidili, kulħadd bilwieqfa, iroddu s- salib, filwaqt li s-saċerdot, b’wiċċu lejn in-nies, jgħid:
Il-poplu jwieġeb:
Imbagħad is-saċerdot, b’idejh miftuħin, isellem lill-poplu. Il-grazzja ta’ Sidna Ġesu’ Kristu,
l-imħabba ta’ Alla,
u l-għaqda fl-Ispirtu s-Santu tkun magħkom ilkoll.
U l-poplu jwieġeb:
Jew:
Grazzja lilkom u sliem
Minn Alla Missierna u Sidna Ġesu’ Kristu. U l-poplu jwieġeb:
Imbierek Alla u Missier Sidna Ġesu’ Kristu.
Jew:
Jew
Il-Mulej magħkom. U l-poplu jwieġeb U miegħek ukoll.
Jekk ikun Isqof, jgħid: Il-paċi magħkom.
Is-saċerdot, jew id-djaknu jew ministru ieħor, jista’ jgħid kelmtejn fil-qosor ħafna lill- fidili biex idaħħalhom fl-ispirtu tal-Quddiesa tal-ġurnata.
Imbagħad isir l-att penitenxjali.
Is-saċerdot jistieden lill-fidili għall-indiema billi jgħidilhom:
ejjew nagħrfu ħtijietna,
biex nitħejjew tajjeb ħalli niċċelebraw il-misteri qaddisa. Jinżamm ftit ta’ skiet, imbagħad kulħadd flimkien jgħid: Nistqarr ‘l Alla li jista’ kollox, u lilkom, ħuti,
li jiena dnibt ħafna
bil-ħsieb, bil-kliem, bil-għemil, u billi ħallejt dmirijieti:
U, waqt li jħabbtu fuq sidirhom, jgħidu: ħtija tiegħi, ħtija tiegħi, bl-ikbar ħtija tiegħi. Imbagħad ikomplu:
Għalhekk nitlob lill-imqaddsa Marija dejjem Verġni, lill-Anġli u ‘l-Qaddisin kollha, u lilkom, ħuti,
biex titolbu għalija lill-Mulej Alla tagħna.
Forom oħra ta’ l-att penitenzjali.
A. Jinżamm ftit ta’ skiet, imbagħad is-Saċerdot, jgħid:
Ħenn għalina, Mulej. Il-Poplu jwieġeb:
Għax dnibna kontra tiegħek. Is-saċerdot ikompli:
Uri lilna, Mulej, it-tjieba tiegħek. Il-Poplu jwieġeb:
U s-salvazzjoni tiegħek agħtina.
B. Jinzamm ftit ta’ skiet, is-Saċerdot, jew id-djaknu jew ministru ieħor kapaċi, jgħid jew ikanta l-invokazzjonijiet jew oħrajn bħalhom.
Int li kont mibgħut biex tfejjaq lill-bnedmin ta’ qalbhom niedma: Mulej, ħniena.
Is-Saċerdot:
Int li ġejt biex issejjaħ lill-midinbin għall-indiema: Kristu, ħniena.
Is-Saċerdot
Int li qiegħed fil-lemin tal-Missier, biex tidħol għalina; Mulej, ħniena.
Minflok dawn it-tliet invokazzjonijiet, wieħed jista’ jagħżel minn dawn li ġejjin:
b) Int li għoġbok issir bniedem bħalna biex issalvana: Mulej, ħniena.
Int li ridt tmut għalina fuq is-salib: Kristu, ħniena.
Int li rġajt ftaħtilna t-triq tas-sema: Mulej, ħneina.
b) Int li tiftaħ dirgħajk lill-midinbin u taħfrilhom: Mulej, ħniena.
Int, ir-Ragħaj it-Tajjeb, li tagħraf in-nagħaġ tiegħek; Kristu, ħniena.
Int li tmur tfittex in-nagħġa l-mitlufa: Mulej, ħniena.
c) Int, it-triq li twassalna għand il-Missier: Mulej, ħniena.
Int, il-verita’ li tmexxina lejn il-ġid: Kristu, ħniena.
Int, il-ħajja li biha ngħixu fik: Mulej, ħniena.
d) Int, salvazzjoni ta’ min jittama fik: Mulej, ħniena.
Int, tama ta’ min imut f’idejk: Kristu, ħniena.
Int, hena tal-qaddisin kollha: Mulej, ħniena.
e) Int li minħabba fiha sirt ubbidjenti sal-mewt: Mulej, ħniena.
Int li qalbek ħelwa u umli: Kristu, ħniena.
Int li għandek il-kliem tal-ħajja ta’ dejjem: Mulej, ħniena.
f) Int, ħanin bil-bosta ma’ kull min isejjaħlek: Mulej, ħniena.
Int, kollok tjieba mal-midinbin: Kristu, ħniena.
Int, avukat tagħna quddiem il-Missier: Mulej, ħniena.
g) Int li lqajt bl-mħabba kbira l-indiema ta’ Pietru: Mulej, ħniena.
Int li wegħidt il-ġenna lill-ħalliel it-tajjeb: Kristu, ħniena.
Int li tidħol għalina midinbin quddiem il-Missier: Mulej, ħniena
h) Iben Alla, li twelidt minn Xebba u sirt ħuna: Mulej, ħniena.
Iben il-bniedem, li taf u tagħder in-natura dgħajfa tagħna l-bnedmin: Kristu, ħniena.
Iben il-kbir tal-Missier, li ssalva lil ħutek u twassalhom fis-sema: Mulej, ħniena.
i) Int li għaddejt minn fostna tagħmel il-ġid u tfarraġ u taħfer lil kulħadd: Mulej,
ħniena.
Int li ma tridx il-mewt tal-midneb, imma li jindem u jgħix: Kristu, ħniena.
Int li dejjem toffri lilek innifsek lil Missier b’sagrifiċċju għall-fidwa tagħna: Mulej,
ħniena.
j) Int li kollok tjieba lqajt il-foqra u l-midinbin: Mulej, ħniena.
Int li sejjaħt madwarek lill-bnedmin batuti u mwarrba minn kulħadd: Kristu, ħniena.
Int li wegħidt il-ħajja ta’ dejjem lil kull min jemmen fi mħabbtek u jwieġeb għaliha: Mulej, ħniena.
k) Int, Mgħallem tajjeb tagħna: Mulej, ħniena.
Int, Ragħaj tajjeb tagħna: Kristu, ħniena.
Int, Sultan ħanin tagħna: Mulej, ħniena.
l) Dawl ta’ kull min jemmen fik: Mulej, ħniena.
Mistrieħ ta’ min jittama fik: Kristu, ħniena.
Ferħ ta’ min jħobbok: Mulej, ħniena.
m) Int li nżilt mis-sema biex issalvana: Mulej, ħniena.
Int li ħadt il-mewt tas-salib biex tagħti l-ħajja lilna: Kristu, ħniena.
Int li qomt mill-imwiet u tlajt is-sema biex terġa’ teħodna għand il-Missier: Mulej,
ħniena.
n) Int, is-sliem tagħna: Mulej, ħniena.
Int, il-ħaruf tagħna ta’ l-Għid: Kristu, ħniena.
Int, il-ħajja tagħna: Mulej, ħniena.
o) Int li sa minn dejjem għażilt lill-Verġni Marija biex tkun Ommok bħala bniedem: Mulej, ħniena.
Int li ridt li l-Verġni Marija tkun mimlija bil-grazzja sa mill-ewwel mument tat-tnissil tagħha: Kristu, ħniena.
Int li bgħatt lill-anġlu Gabrijel iħabbar lill-Verġni Marija l-misteru ta’ l-Inkarnazzjoni tiegħek: Mulej, ħniena.
p) Int li ridt titwieled minn Omm Verġni u tkun ħuna: Mulej, ħniena.
Int li ridt li r-ragħajja u l-maġi jsibuk ma’ Ommok Marija: Kristu, ħniena.
Int li għat-talba ta’ Ommok Marija għamilt l-ewwel wieħed fost is-sinjali tiegħek f’Kana tal-Galilija: Mulej, ħniena.
q) Int li seħibt lill-Verġni Marija fit-tiġrib kollu tal-passjoni tiegħek: Mulej, ħniena.
Int li minn fuq is-salib tajtna lil Ommok biex tkun Ommna wkoll: Kristu, ħniena.
Int li ridt li Ommok Marija tkun it-triq li twassal il-midinbin għall-ħbiberija mill-ġdid miegħek, Mulej, ħniena.
r) Int li ridt lill-Verġni Mnarija tkun imsieħba fit-talb ma’ l-Appostli huma u jistennew il-miġja ta’ l-Ispirtu mwiegħed: Mulej, ħniena.
Int li ridt li l-Verġni Marija tieqaf ma’ l-Appostli fil-ħidma tagħhom għax-xandir ta’ l- Evnaġelju: Kristu, ħnioena.
Int li ridt li l-Verġni Marija tkun dawl għalina u xbieha tal-Knisja mqaddsa: Mulej,
ħniena.
s) Int li ridt li l-Verġni Marija tkun il-qaddejja umli tiegħek fid-dinja: Mulej, ħniena.
Int li tellajt fis-sema lil Ommok Marija u għamiltha sultana tal-ħolqien kollu: Kristu,
ħniena.
Int li ridt li f’Ommok Marija, il-Knisja tara dak li tixtieq u tittama li tkun fil-glorja tas-sema: Mulej, ħniena.
t) Int li ridt li l-Verġni Marija tkun għalina għajn ta’ Salvazzjoni: Mulej, ħniena.
Int li ridt li l-Verġni Marija tkun il-bidu tal-ferħ tagħna: Kristu, ħniena.
Int li ridt li l-Verġni Marija tkun tron ta’ l-għerf: Mulej, ħniena.
u) Int li ridt li l-Verġni Marija tkun għajnuna ta’ l-insara: Mulej, ħniena.
Int li ridt li l-Verġni arija tkun saħħa tal-morda: Kristu, ħniena.
R. Kristu, ħniena.
Int li ridt li l-Verġni Marija tkun Sultana tal-paċi: Mulej, ħniena.
Imbagħad is-Saċerdot jgħid: Iħenn għalina Alla li jista’ kollox,
jaħfrilna dnubietna,
u jwassalna għall-ħajja ta’ dejjem.
Il-poplu jwieġeb:
Dawn l-invokazzjonijiet jingħadu, jekk ma jkunux ingħadu jew tkantaw f’xi waħda mill-atti penitenzjali:
R. Mulej, ħniena.
V. Kristu, ħniena.
R. Kristu, ħniena.
V. Mulej, ħniena.
R. Mulej, ħniena.
Imbagħad, meta jkun preskritt skond ir-rubriki, jingħad: Glorja lil Alla fil-għoli tas-smewwiet,
u paċi fl-art lill-bnedmin ta’ rieda tajba. Infaħħruk,
inberkuk, nadurawk, nagħtuk ġieħ,
inroddulek ħajr għall-glorja kbira tiegħek. Mulej Alla, Sultan tas-sema.
Alla Missier li tista’ kollox,
Mulej Iben waħdieni, Ġesu’ Kristu, Mulej Alla, Ħaruf t’Alla, Bin il-Missier,
Int li tneħħi d-dnubiet tad-dinja, ħenn għalina;
Int li tneħħi d-dnubiet tad-dinja, ilqa’ t-talb tagħna; Int li qiegħed fuq il-lemin tal-Missier, ħenn għalina. Għaliex int waħdek Qaddis,
int waħdek Mulej, int waħdek il-Għoli,
Ġesu’ Kristu, ma’ l-Ispirtu s-Santu: fil-glorja tal-Missier Alla. Amen.
Wara l-innu, is-saċerdot jgħaqqad idejh ma’ xulxin u jgħid:
Kulħadd, flimkien mas-saċerdot, jagħmel ftit waqtiet ta’ talb fis-skiet, Imbagħad is- saċerdot jiftaħ idejh u jgħid il-kolletta, li għaliha l-poplu jwieġeb: Amen.
It-talba tagħlaq kif jitlob it-test, jiġifieri: Jekk it-talba ssir lill-Missier:
B’Ibnek Ġesu’ Kristu Sidna, li hu Alla
U miegħek jgħix u jsaltan flimkien ma’ l-Ispirtu s-Santu, Għal dejjem ta’ dejjem.
Jekk issir lill-Missier, iżda fl-aħħar jissemma l-Iben:
Hu, li hu Alla,
U miegħek jgħix u jsaltan flimkien ma’ l-Ispirtu s-Santu għal dejjem ta’ ddjjem.
Jekk issir lill-Iben: Int li int Alla,
U tgħix u ssaltan ma’ Alla l-Missier flimkien ma’ l-Ispirtu s-Santu għal dejjem ta’ dejjem.
Bħala tweġiba jingħad:
IL-LITURĠIJA TAL-KELMA
Wara l-kolletta l-lettur imur fuq l-ambone u jgħid l-ewwel lezzjoni, waqt li kulħadd ikun bilqiegħda jisma’; wara l-lezzjoni il-lettur jgħid:
Il-Kelma tal-Mulej.
Kulħadd iwieġeb: Inroddu ħajr lil Alla.
Imbagħad tingħad l-Hallelujah jew kant ieħor. Sadattant is-saċerdot jixħet l-inċens jekk jintuża.
Id-djaknu, li jkun se jaqra l-Evanġelju, jagħmel inklinazzjoni profonda quddiem is- saċerdot biex jitolbu l-barka, waqt li b’leħen baxx jgħid:
Missier, nitolbok tberikni.
Is-saċerdot, b’leħen baxx jgħid:
Il-Mulej ikun f’qalbek u f’fommok
Biex ixxandar sewwa u kif jixraq l-Evanġelju tiegħu Fl-isem tal-Missier, u ta l-Iben, u ta’ l-Ispirtu s-Santu.
Id-djaknu jwieġeb:
Jekk ma jkunx hemm id-djaknu, is-saċerdot jagħmel inklinazzjoni profonda quddiem l-artal u, b’leħen baxx, jgħid:
Naddafli qalbi u fommi, Alla li tista’ kollox,
Biex inxandar sewwa l-Evanġelju mqaddes tiegħek.
Id-djaknu, jew is-saċerdot, imur fuq l-ambone, flimkien mal-ministri bl-inċens u x- xemgħat skond iċ-ċirkustanzi, u jgħid:
Il-poplu jwieġeb:
Id-djaknu jew is-saċerdot:
Qari mill-Evanġelju ta’ San N.,
Waqt li jagħmel is-sinjal tas-salib l-ewwel fuq il-ktieb u mbagħad fuq ġbinu, fuq fommu u fuq sidru.
Il-poplu jwieġeb:
Id-djaknu jew is-saċerdot, jinċensa l-ktieb, jekk jintuża l-inċens, u jxandar l- Evanġelju.
Meta jispiċċa, id-djaknu, jew is-saċerdot, jgħid:
Kulħadd iwieġeb:
Id-djaknu, jew is-saċerdot, ibus il-ktieb u, b’leħen baxx, jgħid:
Jekk ikun il-Ħadd jew festa kmandata, issir l-omelja: tajjeb jekk issir ukoll fil-ġranet l-oħra, u l-aktar fl-Avvent u r-Randan.
Wara l-omelija, meta jkun preskitt skond ir-rubriki, jingħad:
Jiena nemmen f’Alla wieħed,
Il-Missier li jista’ kollox, li ħalaq is-sema u l-art, Dak kollu li jidher u dak li ma jidhirx.
U f’Mulej wieħed Ġesu’ Kristu, Iben waħdieni ta’ Alla, Imnissel mill-Missier qabel kull żmien.
Alla minn Alla, dawl minn dawl, Alla veru minn Alla veru, Imnissel, mhux magħmul, natura waħda mal-Missier;
u bih sar kollox.
Niżel mis-smewwiet
għalina l-bnedmin u għall-fidwa tagħna.
Fil-kliem li ġej kulħadd jagħmel inklinazzjoni, sa u sar bniedem. Iżda nhar il-Milied u fis-solennita’ tat-Tħabbira tal-Mulej kulħadd jinżel għarkobbtejh.
U ħa l-ġisem bis-setgħa ta’ l-Ispirtu s-Santu Minn Marija Verġni u sar bniedem.
Sallbuh għalina, bata taħt Ponzju Pilatu,
miet u difnuh, u fit-tielet jum qam minn bejn l-imwiet, skond il-Kotba mqaddsa,
u tela’ s-sema, u qiegħed fuq il-lemin tal-Missier.
U għandu jerġa’ jiġi bil-glorja
biex jagħmel ħaqq mill-ħajjin u mill-mejtin, u s-saltna tiegħu ma jkollhiex tmiem.
u fl-Ispirtu s-Santu, Mulej li jagħti l-ħajja; li ġej mill-Missier u mill-Iben;
li hu mequum u mweġġaħ flimkien mal-Missier u ma’ l-Iben; Hu li tkellem b’fomm il-profeti.
u fi Knisja waħda, qaddisa, kattolika, appostolika. Nistqarr magħmudija waħda għall-maħfra tad-dnubiet. U nistenna l-qawma mill-imwiet,
U l-ħajja taż-żmien li ġej. Amen.
Imbagħad issir it-Talba tal-fidili.
Jibda l-kant ta’ l-offertorju, waqt li l-ministri jqiegħdu l-korporal, il-purifikatur, il- kalċi u l-missal fuq l-artal.
Jaqbel jekk il-fidili, bħala sinjal tas-sehem tagħhom, itellgħu l-offerti tal-ħobż u ta’ l- inbid għall-Ewkaristija, jew offerti oħra li jservu għall-ħtiġijiet tal-knisja u tal-foqra. Is-saċerdot, bilwieqfa f’nofs l-artal, jieħu l-patena bil-ħobż, iżommha kemm kemm merfugħa ‘l fuq, fuq l-artal, u jgħid minn taħt l-ilsien:
Imbierek int, Mulej, Alla tal-ħolqien kollu,
għax fi tjubitek tajtna l-ħobż li qegħdin noffrulek,
-- frott ta’ l-art u xogħol il-bniedem, -- li minnu jsir għalina l-ħobż tal-ħajja.
Iqiegħed il-patena bil-ħobż fuq il-korporal.
Jekk ma jsirx kant għall-offertorju, is-saċerdot jista’ jgħid dawn il-kelmiet b’leħnu għoli u l-poplu jista’ jwieġeb:
Id-djaknu, jew is-saċerdot, jixħet l-inbid u ftit ilma fil-kalċi, waqt li minn taħt l-ilsien jgħid:
Bil-misteru ta’ dan l-ilma u nbid,
ikollna sehem fin-natura divina ta’ Kristu,
kif hu jissieħeb magħna fin-natura tagħna l-bnedmin.
Is-saċerdot jieħu l-kalċi, iżomm kemm kemm merfugħ ‘il fuq, fuq l-artal u jgħid minn taħt l-ilsien.
Imbierek int, Mulej, Alla tal-ħolqien kollu,
għax fi tjubitek tajtna l-inbid li qegħdin noffrulek,
-- frott tad-diela u xogħol il-bniedem, -- li minnu jsir għalina x-xorb tar-ruħ.
Iqiegħed il-kalċi, fuq il-korporal.
Jekk ma jsirx kant għall-offertorju, is-saċerdot jista’ jgħid dawn il-kelmiet b’leħen għoli, u l-poplu jista’ jwieġeb:
Is-saċerdot jagħmel inklinazzjoni profonda u minn taħt l-ilsien jgħid: Ilqgħna, Mulej, Alla tagħna, umli u niedma quddiemek,
u għamel li jkun jogħġbok
dan is-sagrifiċċju li sejrin noffrulek.
U, skond iċ-ċirkustanzi, jinċensa l-offerti u l-artal. F’dan il-każ, id-djaknu mbagħad jew ministru ieħor, jinċensa lis-saċerdot u lill-poplu.
Wara dan, is-saċerdot jersaq fil-ġenb ta’ l-artal u jaħsel idejh, waqt li minn taħt l- ilsien:
Jieqaf f’nofs l-artal, b’wiċċu lejn il-poplu, u, waqt li jiftaħ idejh u jerġa’ jgħaqqadhom ma’ xulxin jgħid:
Il-poplu jwieġeb:
jilqa’ l-Mulej minn idejh is-sagrifiċċju għat-tifħir u l-glorja ta’ Ismu,
għall-ħtiġijiet tagħna
u tal-Knisja mqaddsa kollha tiegħu.
Is-saċerdot, b’idejh miftuħin, jgħid it-talba fuq l-offerti, li għaliha l-poplu jwieġeb:
TALBA EWKARISTIKA I JEW KANONE RUMAN
Iċ-ċelebrant Prinċipali Missier ħanin,
miċ-ċokon tagħna nitolbuk, b’Ibnek Ġesù Kristu Sidna:
ilqa’ u bierek dawn l-offerti safja u qaddisa li ġibna għas-sagrifiċċju.
Aħna noffruhomlok
l-ewwelnett għall-Knisja tiegħek, qaddisa u kattolika: agħtiha s-sliem, ħarisha, għaqqadha,
u mexxiha mad-dinja kollha:
flimkien mal-qaddej tiegħek, il-Papa N., ma’ l-Isqof tagħna N.,
ma’ l-Isqof N., li qed jgħinu, u ma’ l-Isqfijiet kollha
li jħaddnu u jistqarru l-fidi vera u kattolika li għaddewlna l-Appostli.
L-ewwel konċelebrant
Ftakar, Mulej, fil-qaddejja tiegħek N. u N., u f’dawn kollha li hawn madwarna.
Int taf tajjeb il-fidi u r-rabta tagħhom miegħek. Għalihom aħna noffrulek,
u huma wkoll joffru, dan is-sagrifiċċju ta’ tifħir, għall-ġid tagħhom u ta’ qrabathom:
biex jiksbu l-fidwa ta’ ruħhom,
u jaqilgħu s-saħħa u s-salvazzjoni li jittamaw:
huma u jressqu t-talb u x-xewqat tagħhom quddiemek, Alla ta’ dejjem, ħaj u veru.
It-tieni konċelebrant
Imseħbin mal-Knisja kollha
f’xirka waħda ta’ mħabba nġeddu bil-qima t-tifkira tal-glorjuża dejjem Verġni Marija,
Omm Alla u Sidna, Ġesù Kristu: ta’ l-Għarus tagħha San Ġużepp, u ta’ l-Appostli u l-Martri tiegħek: Pietru, Pawlu, Andrija,
(Ġakbu, Ġwanni, Tumas, Ġakbu, Filippu, Bartilmew, Mattew, Xmun u Taddew: Linu, Kletu, Klement, Sistu,
Kornelju, Ċiprijan, Lawrenz, Krisogonu,
Ġwanni u Pawlu, Kosma u Damjan,) u tal-Qaddisin tiegħek kollha;
għall-merti u t-talb tagħhom, għinna f’kollox u ħarisna. (Bi Kristu Sidna. Amen.)
Iċ-ċelebrant prinċipali Ilqa’, nitolbuk Mulej,
din l-offerta tagħna u tal-familja kollha tiegħek: seddaq ħajjitna fis-sliem,
eħlisna mit-telfien ta’ dejjem,
u għoddna fil-merħla tal-magħżulin tiegħek. (Bi Kristu Sidna. Amen.)
Il-konċelebranti kollha flimkien b’idejhom miftuħa fuq l-offerti: Bierek, o Alla, nitolbuk, din l-offerta,
agħmel li tkun kollha kemm hi tiegħek,
wettaqha, qaddisha, ilqagħha,
biex issir għalina l-Ġisem u d-Demm ta’ Ibnek il-għażiż, Sidna Ġesù Kristu. Hu, awl il-lejl qabel ma bata,
ħa l-ħobż fl-idejn qaddisa u mbierka tiegħu, refa’ għajejh lejn is-sema,
lejk, Alla Missieru li tista’ kollox, raddlek il-ħajr, bierek,
qasam,
ta lid-dixxipli tiegħu u qal:
li jingħata għalikom.
Hekk ukoll, wara l-ikla,
ħa dan il-kalċi għażiż
fl-idejn qaddisa u mbierka tiegħu, reġa’ radd il-ħajr, bierek,
ta lid-dixxipli tiegħu, u qal:
għax dan huwa l-kalċi ta’ Demmi tal-patt il-ġdid li jibqa’ għal dejjem: id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Iċ-ċelebrant Prinċipali Dan hu l-Misteru tal-Fidi. Il-Poplu jwieġeb:
Salvana int, o Salvatur tad-dinja;
bis-salib u l-qawmien tiegħek inti fdejtna.
Il-konċelebranti kollha flimkien
Għalhekk, Mulej, aħna ministri tiegħek, u l-poplu qaddis tiegħek,
aħna u nagħmlu dan
b’tifkira tal-Passjoni mqaddsa
ta’ l-istess Ibnek, Ġesù Kristu Sidna, tal-qawmien tiegħu mill-imwiet,
u tat-tlugħ glorjuż tiegħu fis-sema, noffru lis-sebħ tiegħek bla tarf, mill-ġid li inti stess tajtna,
Vittma safja, qaddisa, bla tebgħa, il-ħobż qaddis tal-ħajja ta’ dejjem,
u l-Kalċi tas-salvazzjoni bla tmiem. Ixħet fuqhom ħarsa ta’ tjieba u sliem. Ilqagħhom, bħalma għoġbok tilqa’
l-offerti tal-qaddej ġust tiegħek Abel, is-sagrifiċċju ta’ missierna Abraham, u s-sagrifiċċju
li offrielek il-qassis il-kbir tiegħek Melkisedek, sagrifiċċju qaddis Vittma bla tebgħa.
Fiċ-ċokon tagħna nitolbuk, Alla li tista’ kollox:
agħmel li l-Anġlu qaddis tiegħek
iwassalhom quddiem l-artal tiegħek fis-sema, biex aħna lkoll, li nieħdu sehemna mill-artal u nitqarbnu bil-ġisem imqaddes ta’ Ibnek, nimtlew b’kull barka u grazzja tas-sema.
Bi Kristu Sidna. Amen L-ewwel konċelebrant
Ftakar ukoll, Mulej, fil-qaddejja tiegħek N. u N.,
li telqu qabilna
bis-sinjal tal-fidi li ħadu fil-Magħmudija, u qegħdin jistrieħu fir-raqda tas-sliem. ħenn għalihom, Mulej,
u agħti lilhom,
u lil dawk kollha li jistrieħu fi Kristu, il-hena, id-dawl u s-sliem.
Bi Kristu Sidna. Amen. It-tieni konċelebrant
Lilna wkoll midinbin, qaddejja tiegħek, li nittamaw fil-kotra tal-ħniena tiegħek, agħtina sehem fix-xirka
tal-qaddisin Appostli u Martri tiegħek:
Ġwanni, Stiefnu, Mattija, Barnaba, (Injazju, Alessandru, Marċellinu, Pietru, Feliċita, Perpetwa, Agata, Luċija,
Anjeże, Ċeċilja, Anastasja,)
u tal-Qaddisin tiegħek kollha: daħħalna fil-wirt magħhom. mhux għall-merti tagħna,
iżda għall-ħniena u l-maħfra tiegħek. Bi Kristu Sidna.
Iċ-ċelebrant prinċipali waħdu Bih, Mulej,
int dejjem taħlaq u tqaddes dan il-ġid kollu, timlieh bil-ħajja,
tbierku u tqassmu lilna.
Iċ-ċelebrant prinċipali waħdu jew flimkien mal-konċelebranti l-oħra
Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA II
Prefazju
Sewwa u xieraq tassew, Missier qaddis, tajjeb u ta’ ġid għas-salvazzjoni tagħna, li dejjem u kullimkien inroddulek ħajr b’Ibnek il-għażiż, Ġesù Kristu,
il-Verb tiegħek li bih għamilt kollox,
li int bgħatthulna bħala Salvatur u Feddej, magħmul bniedem mill-Ispirtu s-Santu
u mwieled minn Marija Verġni.
Huwa temm ir-rieda tiegħek, u kiseb għalik poplu qaddis:
u fil-passjoni tiegħu fetaħ idejh fuq is-salib, biex iħollna mill-irbit tal-mewt
u jurina l-qawmien għall-ħajja.
Għalhekk, flimkien ma’ l-Anġli u l-Qaddisin kollha, inxandru l-glorja tiegħek u b’leħen wieħed intennu:
Qaddis, Qaddis, Qaddis, Mulej, Alla ta’ l-eżerċti.
Is-smewwiet u l-art mimlija bil-glorja tiegħek. Hosanna fl-għoli tas-smewwiet.
Imbierek min ġej f’isem il-Mulej. Hosanna fl-għoli tas-smewwiet.
Iċ-ċelebrant prinċipali
Qaddis tassew int, Mulej: inti l-għajn ta’ kull qdusija.
Il-Konċelebranti kollha flimkien
Qaddes, għalhekk, nitolbuk, dawn l-offerti bil-barka ta’ l-Ispirtu tiegħek,
jgħaqqad idejh, jagħmel sinjal tas-salib fuq l-ostja u l-kalċi flimkien, u jgħid: biex isiru għalina l-Ġisem u d-Demm
ta’ Sidna Ġesù Kristu. Jgħaqqad idejh
Li, meta kien se jingħata biex minn rajh ibati,
ħa l-ħobż, radd il-ħajr, qasam, ta lid-dixxipli tiegħu, u qal:
li jingħata għalikom.
Hekk, ukoll, wara l-ikla
ħa l-kalċi, reġa’ radd il-ħajr, ta lid-dixxipli tiegħu, u qal:
għax dan huwa l-kalċi ta’ Demmi tal-patt il-ġdid li jibqa’ għal dejjem: id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Dan hu l-Misteru tal-Fidi. Il-Poplu jwieġeb:
Inħabbru l-mewt tiegħek, Mulej,
inxandru bil-ferħ il-qawmien tiegħek, nistennewk sa ma tiġi fil-glorja.
Il-Konċelebranti kollha flimkien
Għalhekk, aħna u nagħmlu dan b’tifkira tal-mewt u l-qawmien ta’ Sidna Ġesù Kristu, noffrulek, Mulej,
il-ħobż tal-ħajja u l-Kalċi tas-salvazzjoni, u nroddulek ħajr
għax għoġbok tilqagħna hawn quddiemek biex naqduk.
U miċ-ċokon tagħna nitolbu
li l-Ispirtu s-Santu jgħaqqadna f’ġisem wieħed lilna li nieħdu sehem
mill-ġisem u d-Demm ta’ Kristu. L-Ewwel Konċelebrant
Ftakar, Mulej,
fil-Knisja tiegħek imxerrda mad-dinja kollha, wettaqha fl-imħabba,
flimkien mal-Papa N., ma’ l-Isqof tagħna N.
ma’ l-Isqof N. li qiegħed jgħinu, u mal-ministri tiegħek kollha.
It-Tieni Konċelebrant Ftakar ukoll f’ħutna
li raqdu bit-tama tal-qawmien: ftakar fil-mejtin kollha:
daħħalhom quddiemek fid-dawl tas-sebħ tiegħek.
ħenn għalina lkoll, nitolbuk:
agħti lilna wkoll il-wirt tal-ħajja ta’ dejjem flimkien mal-Verġni mqaddsa, Omm Alla, Marija, ma’ l-Appostli u l-Qaddisin kollha
li għexu fil-ħbiberija tiegħek
sa mill-bidu tad-dinja:
agħmel li magħhom infaħħruk u nsebbħuk jgħaqqad idejh ma’ xulxin
b’Ġesù Kristu Ibnek.
Iċ-ċelebrant prinċipali waħdu
jew flimkien mal-konċelebranti l-oħra
Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem. Il-poplu jwieġeb: Amen.
Iċ-ċelebrant prinċipali Qaddis tassew int, Mulej,
u jistħoqqlok it-tifħir tal-ħolqien kollu,
għax b’Ibnek Ġesù Kristu Sidna u bil-qawwa ta’ l-Ispirtu s-Santu inti tagħti l-ħajja,
kollox tqaddes,
u tibqa’ dejjem tiġbor għalik poplu biex, minn tlugħ ix-xemx sa nżulha, issirlek offerta safja.
Il-konċelebranti kollha flimkien b’idejhom miftuħa fuq l-offerti Għalhekk, Mulej,
ġejna quddiemek b’dawn l-offerti biex ikunu kkonsagrati lilek:
miċ-ċokon tagħna nitolbuk, qaddishom bl-Ispirtu tiegħek, biex isiru l-Ġisem u d-Demm ta’ Ibnek Ġesù Kristu Sidna, li bi kmandament tiegħu
qegħdin niċċelebraw dan il-misteru. Għax hu, fil-lejl li fih ingħata, għalina ħa l-ħobż,
raddlek il-ħajr, bierek, qasam, ta lid-dixxipli tiegħu, u qal:
li jingħata għalikom.
Hekk ukoll, wara l-ikla,
ħa l-kalċi,
raddlek il-ħajr, bierek,
ta lid-dixxipli tiegħu, u qal:
għax dan huwa l-kalċi ta’ Demmi tal-patt il-ġdid li jibqa’ għal dejjem: id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Iċ-ċelebrant prinċipali
Dan hu l-Misteru tal-Fidi. Il-Poplu jwieġeb:
Inħabbru l-mewt tiegħek, Mulej, inxandru bil-ferħ il-qawmien tiegħek, nistennewk sa ma tiġi fil-glorja.
Il-konċelebranti kollha flimkien
Għalhekk, Mulej, aħna u nagħmlu dan b’tifkira tal-passjoni li biha Ibnek fdiena
u tal-qawmien u t-tlugħ glorjuż tiegħu fis-sema, aħna li qegħdin nistennew
u nittamaw it-tieni miġja tiegħu, b’radd il-ħajr noffrulek
dan is-sagrifiċċju ħaj u qaddis.
ħares, nitolbuk, lejn l-offerta tal-Knisja tiegħek, agħraf fiha l-Vittma
li bis-sagrifiċċju tagħha
ridt terġa tħabbibna miegħek; agħmel li aħna,
li se nissaħħu bil-Ġisem u d-Demm ta’ Ibnek, nimtlew bl-Ispirtu qaddis tiegħu,
u nkunu ġisem wieħed u ruħ waħda fi Kristu. L-ewwel konċelebrant
Nitolbuk li hu jagħmel minna offerta li tibqa’ għal dejjem quddiemek, biex inkunu nistgħu niksbu l-wirt mal-magħżulin tiegħek:
mal-Verġni mqaddsa, Omm Alla, Marija, ma’ l-Appostli u l-Martri glorjużi tiegħek, (ma’ San N., il-Qaddis tal-ġurnata)
u mal-Qaddisin kollha,
li, kif nittamaw, jidħlu dejjem għalina quddiemek. It-tieni konċelebrant
Agħmel, nitolbuk, Mulej,
li din il-Vittma li terġa’ tħabbibna miegħek tkun ta’ sliem u salvazzjoni għad-dinja kollha. Wettaq fil-fidi u fl-imħabba l-Knisja tiegħek tul il-mixja tagħha fid-dinja:
il-qaddej tiegħek il-Papa N.,
l-Isqof tagħna N. u l-Isqof N. li qed jgħinu, l-Isqfijiet u l-ministri kollha tiegħek,
u l-poplu kollu li inti ksibt għalik.
Ilqa’ bit-tjieba
t-talba u x-xewqat ta’ din il-familja li inti ridtha tinġabar madwarek.
Agħder, Missier ħanin,
lil uliedek kollha kull fejn jinsabu, u għaqqadhom miegħek ilkoll.
Ħenn għal ħutna mejtin
u għal dak kollha li ħallew din il-ħajja fis-sewwa tiegħek:
daħħalhom fis-saltna tiegħek,
fejn nittamaw li aħna wkoll għad naslu, biex, ilkoll flimkien,
nitgħaxxqu għal dejjem bis-sebħ tiegħek, bi Kristu Sidna,
li bih inti tfawwar id-dinja b’kull ġid.
Iċ-ċelebrant prinċipali waħdu jew flimkien mal-konċelebranti l-oħra
Bi Kristu, ma’ Kristu, u fi Kristu
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA IV
Prefazju
Xieraq tassew li nroddulek ħajr,
tajjeb u sewwa li nsebbħuk, Missier qaddis, għax int waħdek Alla, ħaj u veru,
qabel kull żmien u tibqa’ għal dejjem,
u tgħammar f’dawl fejn ħadd ma jista’ jersaq. U int, li int waħdek tajjeb u għajn tal-ħajja, għamilt il-ħlejjaq tiegħek
biex timliehom b’kull barka u thenni lil ħafna minnhom bid-dija tad-dawl tiegħek.
Quddiemek, għalhekk,
jinsabu qtajja’ bla għadd ta’ Anġli, li lejl u nar jaqduk,
jitgħaxxqu bis-sebħ tiegħek, u bla heda jsebbħuk.
Magħhom nissieħbu aħna wkoll,
u, flimkien mal-ħlejjaq kollha ta’ l-art, li b’leħinna jfaħħruk,
nistqarru u nfaħħru ismek, u ntennulek l-innu: Qaddis, Qaddis, Qaddis ...
Iċ-ċelebrant Prinċipali
Infaħħruk, Missier qaddis, għall-kobor tiegħek,
għall-għerf u l-imħabba
li bihom int għamilt kollox.
ħlaqt il-bniedem xbieha tiegħek,
fdajtlu f’idejh id-dinja kollha biex jieħu ħsiebha, ħalli jaqdi lilek waħdek, ħallieq tiegħu,
u jsaltan fuq il-ħlejjaq kollha.
U meta ma qagħadx għar-rieda tiegħek u tilef il-ħbiberija miegħek,
int ma tlaqtux fil-jasar tal-mewt, imma ħennejt u waqaft ma’ kulħadd, biex kull min ifittxek isibek.
Kemm-il darba minn rajk dħalt f’patt mal-bnedmin, u bil-profeti rawwimthom jistennew is-salvazzjoni.
U int, Missier qaddis, hekk ħabbejtha d-dinja li, meta waslet il-milja taż-żminijiet,
bgħattilna ’l Ibnek il-waħdieni Salvatur tagħna, li sar bniedem mill-Ispirtu s-Santu,
twieled minn Marija Verġni, għadda ħajtu fostna,
u kien bħalna f’kollox minn barra fid-dnub, Huwa wassal il-Bxara t-Tajba tas-salvazzjoni lill-imsejknin,
il-fidwa lill-imjassrin, il-ferħ lill-imnikktin.
Biex itemm il-ħsieb ta’ mħabbtek ta lilu nnifsu għall-mewt,
u bil-qawmien tiegħu mill-imwiet qered il-mewt u ġedded il-ħajja.
U biex aħna ngħixu mhux aktar għalina nfusna,
imma għalih, li miet u rxoxta għalina,
minn għandek, Missier, fuq dawk li emmnu bagħat, bħala l-aqwa don, l-Ispirtu s-Santu, biex itemm fid-dinja l-ħidma tiegħu
u jagħti l-milja tal-qdusija.
Il-konċelebranti kollha flimkien b’idejhom miftuħin fuq l-offerti Nitolbu, għalhekk, Mulej,
li l-istess Spirtu s-Santu jogħġbu jqaddes dawn l-offerti, biex isiru l-ġisem u d-Demm ta’ Sidna Ġesù Kristu
għaċ-ċelebrazzjoni ta’ dan il-misteru kbir li hu ħallielna bħala patt għal dejjem.
Kif waslet is-siegħa
li jkun imsebbaħ minnek, Missier qaddis, hu, li kien ħabb lil tiegħu li kienu fid-dinja, ħabbhom għall-aħħar: u huma u jieklu
ħa l-ħobż, bierek, qasam, ta lid-dixxipli tiegħu, u qal:
li jingħata għalikom.
Hekk ukoll
ħa l-kalċi bl-inbid, radd il-ħajr, ta lid-dixxipli tiegħu u qal:
għax dan huwa l-kalċi ta’ Demmi tal-patt il-ġdid li jibqa’ għal dejjem: id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Iċ-ċelebrant Prinċipali Dan hu l-Misteru tal-Fidi. Il-Poplu jwieġeb:
Kull darba li nieklu dal-hobż u nixorbu dal-kalċi,
inħabbru l-mewt tiegħek, Mulej, sa ma tiġi. Il-konċelebranti kollha flimkien
Għalhekk, Mulej
aħna u niċċelebraw it-tifkira tal-fidwa tagħna,
niftakru fil-mewt ta’ Kristu u fl-inżul tiegħu fl-imwiet,
nistqarru l-qawmien tiegħu għall-ħajja u t-tlugħ fil-lemin tiegħek; u, aħna u nistennewh jiġi fil-glorja,
noffrulek il-ġisem u d-Demm tiegħu, is-sagrifiċċju li jogħġob lilek
u li jiswa għas-salvazzjoni tad-dinja kollha.
ħares, Mulej, lejn il-Vittma
li inti nnifsek ħejjejt għall-Knisja tiegħek; agħmel, fit-tjieba tiegħek
li dawn kollha li jieħdu sehem
minn dan il-ħobż u minn dan il-Kalċi
l-Ispirtu s-Santu jgħaqqadhom f’ġisem wieħed u jsiru vittma ħajja fi Kristu,
għat-tifħir tal-glorja tiegħek.
L-ewwel konċelebrant
Ftakar, mela, Mulej, f’dawk kollha li għalihom
qegħdin noffru dan is-sagrifiċċju: il-qaddej tiegħek il-Papa N.,
l-Isqof tagħna N.,
l-Isqof N. li qed jgħinu,
l-Isqfijiet kollha tad-dinja il-ministri tiegħek kollha
dawk li qegħdin jagħmlu din l-offerta u dawk li hawn madwarna
il-poplu tiegħek kollu,
u l-bnedmin kollha li jfittxuk b’qalb safja.
Ftakar ukoll
f’dawk li mietu fis-sliem ta’ Kristu u fil-mejtin kollha,
li int waħdek taf il-fidi tagħhom.
Lilna lkoll, uliedek, Missier ħanin, agħtina li mal-Verġni mqaddsa, Omm Alla, Marija, ma’ l-Appostli u l-Qaddisin tiegħek, inkunu nistgħu niksbu l-wirt tas-sema
fis-saltna tiegħek,
fejn mal-ħlejjaq kollha,
meħlusa mit-taħsir tad-dnub u l-mewt, insebbħuk bi Kristu Sidna,
li bih int tfawwar id-dinja b’kull ġid.
Iċ-ċelebrant Prinċipali waħdu jew flimkien mal-Konċelebranti l-oħra Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA V/a
Prefazju
Il-Knisja miexja fit-triq ta’ l-għaqda ta’ l-insara kollha Sewwa u xieraq tassew
Mulej, Missier ta’ tjieba bla qies,
li nroddulek ħajr
u nlissnulek innu ta’ glorja u ta’ tifħir, għaliex bil-kelma ta’ l-Evanġelju ta’ Ibnek waqqaft Knisja waħda
mill-popli, l-ilsna u n-nazzjonijiet kollha,
u biha ma tieqaf qatt tiġbor flimkien il-popli kollha bil-qawwa ta’ l-Ispirtu tiegħek li jagħti l-ħajja.
Hi tagħti xhieda ta’ l-imħabba tiegħek
u bla heda twassal lil kulħadd it-tama ħienja tas-saltna tiegħek, u tiddi bħala sinjal tal-fedeltà tiegħek
li inti wegħedtna għal dejjem f’ġesù Kristu, Sidna.
Għalhekk mal-qtajja’ kollha tas-sema infaħħruk għal dejjem fuq l-art
waqt li b’leħen wieħed mal-Knisja kollha ngħidulek: Qaddis, qaddis, qaddis ...
Iċ-ċelebrant Prinċipali
Qaddis tassew Int u ta’ min isebbħek, O Alla kollok imħabba għall-bnedmin,
li dejjem tieqaf magħhom tul il-mixja ta’ ħajjithom.
Imbierek tassew Ibnek li jinsab fostna
għax inġbarna mill-imħabba tiegħu, u, kif għamel mad-dixxipli tiegħu,
issa qiegħed ifissrilna l-iskrittura u jaqsmilna l-ħobż.
Il-Konċelebranti flimkien b’idejhom mifruxin fuq l-offerti: Nitolbuk, għalhekk, Missier kollok ħniena,
biex tibgħat l-Ispirtu Qaddis tiegħek
ħa jqaddes dawn l-offerti tal-ħobż u nbid biex isiru għalina l-ġisem u d-Demm
ta’ Sidna ġesù Kristu.
Li, qabel ma bata,
tul il-lejl ta’ l-Aħħar Ikla, ħa l-ħobż, bierek u qasam, tah lid-dixxipli tiegħu u qal:
li jingħata għalikom.
Hekk ukoll, wara l-ikla,
ħa l-kalċi, raddlek l-ħajr,
ta lid-dixxipli, u qal:
għax dan huwa l-kalċi ta’ Demmi, tal-Patt il-ġdid li jibqa’ għal dejjem; id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Dan hu l-misteru tal-fidi. Il-Poplu jwieġeb:
Inħabbru l-mewt tiegħek, Mulej,
inxandru bil-ferħ il-qawmien tiegħek, nistennewk sa ma tiġi fil-glorja.
Il-Konċelebranti flimkien Għalhekk, Missier Qaddis,
aħna u nagħmlu dan b’tifkira t’Ibnek, il-feddej tagħna, li int wassaltu għall-passjoni u l-mewt fuq is-salib
u għall-glorja tal-qawmien għall-ħajja, u qegħedtu fuq il-leminija tiegħek,
sakemm Hu jerġa’ jiġi, nħabbru l-għemil ta’ mħabbtek, u noffrulek il-ħobż u l-kalċi tal-barka.
ħares bi ħniena
lejn l-offerta tal-Knisja tiegħek
li fiha nuru s-Sagrifiċċju ta’ l-Għid ta’ Kristu, li ġie mogħti lilna,
u bil-qawwa ta’ l-Ispirtu ta’ mħabbtek għoddna issa u għal dejjem ta’ dejjem fost il-membri ta’ Ibnek l-għażiż,
li bil-ġisem u d-Demm tiegħu sejrin nitqarbnu. L-ewwel Konċelebrant
Ġedded, Mulej, bid-dawl ta’ l-Evanġelju, il-Knisja li hi hawn f’Malta.
Wettaq ir-rabta ta’ l-għaqda
bejn il-fidili u r-ragħajja tal-poplu tiegħek,
flimkien mal-Papa N., ma’ l-Isqof tagħna N. u ma’ l-Isqof N. li qed jgħinu u ma’ l-Isqfijiet kollha,
biex il-poplu tiegħek
imġarrab mit-tilwin f’din id-dinja, jiddi b’sinjal profetiku
ta’ l-għaqda u l-ftehim. It-tieni konċelebrant
Ftakar, Mulej, f’ħutna N u N. li marru qabilna
fis-sliem ta’ Kristu tiegħek u fil-mejtin kollha,
li inti biss taf il-fidi tagħhom;
daħħalhom għall-hena tad-dija ta’ wiċċek
u fil-qawmien mill-imwiet agħtihom il-milja tal-ħajja.
Lilna wkoll agħtina
li naslu għall-għamara ta’ dejjem
wara li ntemmu l-mixja tagħna f’din id-dinja biex ngħixu għal dejjem miegħek,
mal-Verġni Mqaddsa l-Omm ta’ Alla Marija, ma’ l-Appostli u l-Martri,
ma’ San N. (il-qaddis tal-ġurnata),
u f’xirka waħda mal-qaddisin kollha infaħħruk u nkabbruk għal dejjem. B’Ġesù Kristu Ibnek.
Iċ-ċelebrant Prinċipali jew il-Konċelebranti flimkien Bi Kristu, ma’ Kristu u fi Kristu
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA V/b
Prefazju
Alla jmexxi ’l Knisja tiegħu fit-triq tas-salvazzjoni
Sewwa u xieraq tassew,
tajjeb u ta’ ġid għas-salvazzjoni tagħna li nroddulek ħajr,
Mulej, Missier qaddis,
ħallieq tad-dinja u bidu ta’ kull ħajja:
Int ma tħalli qatt waħedhom
l-għemejjel ta’ l-għerf tiegħek,
iżda għadek f’nofsna taħdem bil-providenza tiegħek.
B’id qawwija u driegħ merfugħ
int mexxejt fid-deżert ’il poplu tiegħek Israel; u issa, bil-qawwa ta’ l-Ispirtu s-Santu,
int tissieħeb mal-Knisja tiegħek fil-mixi tagħha f’din id-dinja,
u twassalha għall-hena ta’ dejjem tas-saltna tiegħek mit-triqat ta’ kull żmien,
bi Kristu Sidna.
Għalhekk flimkien ma’ l-Anġli u l-Qaddisin inlissnu l-innu tal-glorja tiegħu
aħna u ngħidu bla heda: Qaddis, qaddis, qaddis ...
Iċ-ċelebrant Prinċipali
Qaddis tassew Int u ta’ min isebbħek, O Alla kollok imħabba għall-bnedmin,
li dejjem tieqaf magħhom tul il-mixja ta’ ħajjithom.
Imbierek tassew Ibnek li jinsab fostna
għax inġbarna mill-imħabba tiegħu, u, kif għamel mad-dixxipli tiegħu,
issa qiegħed ifissrilna l-iskrittura u jaqsmilna l-ħobż.
Il-Konċelebranti flimkien b’idejhom mifruxin fuq l-offerti: Nitolbuk, għalhekk, Missier kollok ħniena,
biex tibgħat l-Ispirtu Qaddis tiegħek
ħa jqaddes dawn l-offerti tal-ħobż u nbid biex isiru għalina l-ġisem u d-Demm
ta’ Sidna ġesù Kristu.
Li, qabel ma bata,
tul il-lejl ta’ l-Aħħar Ikla, ħa l-ħobż, bierek u qasam, tah lid-dixxipli tiegħu u qal:
li jingħata għalikom.
Hekk ukoll, wara l-ikla,
ħa l-kalċi, raddlek l-ħajr,
ta lid-dixxipli, u qal:
għax dan huwa l-kalċi ta’ Demmi, tal-Patt il-ġdid li jibqa’ għal dejjem; id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Dan hu l-misteru tal-fidi. Il-Poplu jwieġeb:
Inħabbru l-mewt tiegħek, Mulej,
inxandru bil-ferħ il-qawmien tiegħek, nistennewk sa ma tiġi fil-glorja.
Il-Konċelebranti flimkien Għalhekk, Missier Qaddis,
aħna u nagħmlu dan b’tifkira t’Ibnek, il-feddej tagħna, li int wassaltu għall-passjoni u l-mewt fuq is-salib
u għall-glorja tal-qawmien għall-ħajja, u qegħedtu fuq il-leminija tiegħek,
sakemm Hu jerġa’ jiġi, nħabbru l-għemil ta’ mħabbtek, u noffrulek il-ħobż u l-kalċi tal-barka.
Ħares bi ħniena
lejn l-offerta tal-Knisja tiegħek
li fiha nuru s-Sagrifiċċju ta’ l-Għid ta’ Kristu, li ġie mogħti lilna,
u bil-qawwa ta’ l-Ispirtu ta’ mħabbtek għoddna issa u għal dejjem ta’ dejjem fost il-membri ta’ Ibnek l-għażiż,
li bil-ġisem u d-Demm tiegħu sejrin nitqarbnu. L-ewwel Konċelebrant
Wettaq, Mulej, f’għaqda bejnietna, lilna li sejjaħt għall-ikla tiegħek; biex flimkien mal-Papa N.,
l-Isqof tagħna N. u ma’ l-Isqof N. li qed jgħinu, ma’ l-isqfijiet, is-saċerdoti u d-djakni kollha,
u mal-poplu tiegħek kollu, nimxu bil-fidi u t-tama fi triqtek
biex hekk inkunu nistgħu nxandru hena u fiduċja fid-dinja kollha.
It-tieni Konċelebrant
Ftakar, Mulej, f’ħutna N. u N. li marru qabilna
fis-sliem ta’ Kristu tiegħek u fil-mejtin kollha,
li inti biss taf il-fidi tagħhom;
daħħalhom għall-hena tad-dija ta’ wiċċek
u fil-qawmien mill-imwiet agħtihom il-milja tal-ħajja.
Lilna wkoll agħtina
li naslu għall-għamara ta’ dejjem
wara li ntemmu l-mixja tagħna f’din id-dinja biex ngħixu għal dejjem miegħek,
mal-Verġni Mqaddsa l-Omm ta’ Alla Marija, ma’ l-Appostli u l-Martri,
ma’ San N. (il-qaddis tal-ġurnata),
u f’xirka waħda mal-qaddisin kollha infaħħruk u nkabbruk għal dejjem. B’Ġesù Kristu Ibnek.
Iċ-ċelebrant Prinċipali jew il-Konċelebranti flimkien Bi Kristu, ma’ Kristu u fi Kristu
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA V/c
Prefazju
Alla jmexxi ’l Knisja tiegħu fit-triq tas-salvazzjoni Sewwa u xieraq tassew,
tajjeb u ta’ ġid għas-salvazzjoni tagħna li nroddulek ħajr,
Mulej, Missier qaddis,
ħallieq tad-dinja u bidu ta’ kull ħajja:
Int bil-Verb tiegħek ħlaqt id-dinja, u tmexxi kollox sewwa.
Lilu, magħmul bniedem għalina, tajtulna bħala medjatur tagħna; hu wasslilna l-kelma tiegħek
u sejħilna biex nimxu warajh;
hu t-triq li twassalna għandek, il-verità li teħlisna,
il-ħajja li timliena bil-hena.
Għalhekk flimkien ma’ l-anġli u l-qaddisin inlissnu l-innu tat-tifħir tiegħek
aħna u ngħidu bla heda: Qaddis, qaddis, qaddis ...
Iċ-ċelebrant Prinċipali
Qaddis tassew Int u ta’ min isebbħek, O Alla kollok imħabba għall-bnedmin,
li dejjem tieqaf magħhom tul il-mixja ta’ ħajjithom.
Imbierek tassew Ibnek li jinsab fostna
għax inġbarna mill-imħabba tiegħu, u, kif għamel mad-dixxipli tiegħu,
issa qiegħed ifissrilna l-iskrittura u jaqsmilna l-ħobż.
Il-Konċelebranti flimkien b’idejhom mifruxin fuq l-offerti: Nitolbuk, għalhekk, Missier kollok ħniena,
biex tibgħat l-Ispirtu Qaddis tiegħek
ħa jqaddes dawn l-offerti tal-ħobż u nbid biex isiru għalina l-ġisem u d-Demm
ta’ Sidna Ġesù Kristu.
Li, qabel ma bata,
tul il-lejl ta’ l-Aħħar Ikla, ħa l-ħobż, bierek u qasam, tah lid-dixxipli tiegħu u qal:
li jingħata għalikom.
Hekk ukoll, wara l-ikla,
ħa l-kalċi, raddlek l-ħajr,
ta lid-dixxipli, u qal:
għax dan huwa l-kalċi ta’ Demmi, tal-Patt il-ġdid li jibqa’ għal dejjem; id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Dan hu l-misteru tal-fidi.
Il-Poplu jwieġeb:
Inħabbru l-mewt tiegħek, Mulej, inxandru bil-ferħ il-qawmien tiegħek, nistennewk sa ma tiġi fil-glorja.
Il-Konċelebranti flimkien Għalhekk, Missier Qaddis,
aħna u nagħmlu dan b’tifkira t’Ibnek, il-feddej tagħna, li int wassaltu għall-passjoni u l-mewt fuq is-salib
u għall-glorja tal-qawmien għall-ħajja, u qegħedtu fuq il-leminija tiegħek,
sakemm Hu jerġa’ jiġi, nħabbru l-għemil ta’ mħabbtek, u noffrulek il-ħobż u l-kalċi tal-barka.
Ħares bi ħniena
lejn l-offerta tal-Knisja tiegħek
li fiha nuru s-Sagrifiċċju ta’ l-Għid ta’ Kristu, li ġie mogħti lilna,
u bil-qawwa ta’ l-Ispirtu ta’ mħabbtek għoddna issa u għal dejjem ta’ dejjem fost il-membri ta’ Ibnek l-għażiż,
li bil-ġisem u d-Demm tiegħu sejrin nitqarbnu. L-ewwel Konċelebrant
Missier li tista’ kollox, bit-tisħib tagħna f’dan il-misteru aħjina bl-Ispirtu tiegħek,
u agħtina li nsiru nixbħu x-xbieha ta’ Ibnek; u wettaqna fir-rabta tax-xirka bejnietna
flimkien mal-Papa N., l-Isqof tagħna N. u l-Isqof li qed jgħinu, ma’ l-Isqfijiet l-oħra kollha,
mas-saċerdoti u d-djakni, u mal-poplu kollu tiegħek.
Agħmel li l-fidili kollha tal-Knisja tiegħek,
huma u jagħrfu fid-dawl tal-fidi s-sinjali taż-żminijiet, ikunu jistgħu, fi qbil sħiħ mal-fidi li jistqarru, jimpenjaw ruħhom sewwa fil-qadi ta’ l-Evanġelu.
Agħmilna ħerqana għall-ħtiġijiet tal-bnedmin kollha, biex, aħna u nissieħbu fin-niket u t-tiġrib tagħhom, fil-ferħ u t-tamiet tagħhom,
inwasslulhom bil-fedeltà kollha l-Bxara t-tajba tas-salvazzjoni
u flimkien magħhom, nimxu fit-triq li twassal għas-saltna tiegħek. It-tieni Konċelebrant
Ftakar, Mulej, f’ħutna N. u N. li marru qabilna
fis-sliem ta’ Kristu tiegħek u fil-mejtin kollha,
li inti biss taf il-fidi tagħhom;
daħħalhom għall-hena tad-dija ta’ wiċċek
u fil-qawmien mill-imwiet agħtihom il-milja tal-ħajja.
Lilna wkoll agħtina
li naslu għall-għamara ta’ dejjem
wara li ntemmu l-mixja tagħna f’din id-dinja biex ngħixu għal dejjem miegħek,
mal-Verġni Mqaddsa l-Omm ta’ Alla Marija, ma’ l-Appostli u l-Martri,
ma’ San N. (il-qaddis tal-ġurnata),
u f’xirka waħda mal-qaddisin kollha infaħħruk u nkabbruk għal dejjem. B’ġesù Kristu Ibnek.
Iċ-ċelebrant Prinċipali jew il-Konċelebranti flimkien Bi Kristu, ma’ Kristu u fi Kristu
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA I TAR-RIKONĊILJAZZJONI
Prefazju
Sewwa u xieraq tassew li nroddulek ħajr,
Mulej, Missier qaddis
għaliex inti kollok tjieba u ħniena
u ma tehdiex tħeġġiġna għal ħajja aħjar, twegħedna bla heda l-maħfra tiegħek
u tistieden ’il midinbin
biex jafdaw biss fit-tjieba tiegħek.
Inti ma tbigħedx minna
għalkemm ksirna kemm-il darba l-patt tagħna miegħek, iżda b’Ibnek ġesù Kristu, Sidna,
inti rbatt miegħek ’il-bnedmin kollha b’rabta hekk qawwija
li xejn ma jista’ jħollha.
U issa li tajt dan iż-żmien ta’ grazzja u rikonċiljazzjoni
lill-poplu tiegħek, hu u jdur lejk,
agħtih il-ħajja mill-ġdid fi Kristu,
bil-qawwa ta’ l-Ispirtu s-Santu li bla heda jissawwab fina,
ħa jkun ta’ servizz għall-bnedmin kollha.
Għalhekk, mistagħġbin b’dan l-għemil tiegħek ta’ ħniena, inroddulek ħajr,
u nsieħbu t-tifħir tagħna ma’ dak tal-qtajja kollha tas-sema, biex infaħħru l-qawwa ta’ mħabbtek
u nxandru l-ferħ tagħna għas-salvazzjoni li ksibna, aħna u ngħidu:
Qaddis, qaddis, qaddis ... Iċ-ċelebrant prinċipali
O Alla, inti sa mill-ħolqien tad-dinja, tagħmel kull ma hu meħtieġ
biex il-bniedem ikun qaddis bħalek.
Ħares għalhekk lejn dan il-poplu tiegħek li nġabar hawn u sawwab il-qawwa ta’ l-ispirtu tiegħek
fuq dawn l-offerti biex isiru għalina l-Ġisem u d-Demm ta’ Ibnek il-għażiż Ġesù Kristu, Sidna,
li fih aħna lkoll uliedek. Il-Konċelebranti flimkien
Meta konna mitlufin,
u ma stajniex aktar nersqu lejk,
int ħabbejtna b’imħabba liema bħalha; Ibnek il-għażiż, li hu waħdu l-ġust,
ta lilu nnifsu f’idejna
u ma stmerrx li jkun imsallab għalina. Iżda qabel ma fetaħ idejh fuq is-salib bejn is-sema u l-art
biex ikun sinjal għal dejjem tal-Patt tiegħek magħna, ried jagħmel l-ikla tal-Għid mad-dixxipli tiegħu.
U waqt li kien fuq il-mejda, ħa l-ħobż radd il-ħajr, bierek,
qasam, ta lid-dixxipli tiegħu, u qal:
li jingħata għalikom.
Hekk ukoll, wara l-ikla,
hu li kien jaf li se jħabbeb kollox fih, bid-demm li kien se jxerred fuq is-salib, ħa l-kalci, mimli nbid,
reġa’ radd il-ħajr,
tah lil ħbiebu, u qal:
għax dan huwa l-kalċi ta’ Demmi tal-Patt il-ġdid li jibqa’ għal dejjem: id-Demm li jixxerred għalikom
u għall-bnedmin kollha għall-maħfra tad-dnubiet. Agħmlu dan b’tifkira tiegħi.
Dan hu l-misteru tal-fidi. U l-poplu jwieġeb:
Inħabbru l-mewt tiegħek, Mulej,
inxandru bil-ferħ il-qawmien tiegħek, nistennewk sa ma tiġi fil-glorja.
Il-Konċelebranti flimkien
Għalhekk aħna u nagħmlu t-tifkira ta’ Ġesù Kristu, li hu l-Għid tagħna u sliem tassew għalina,
u niċċelebraw il-mewt u l-qawmien tiegħu għall-ħajja,
waqt li qegħdin nistennew il-jum għażiż tat-tieni miġja tiegħu, noffrulek, o Alla fidil u veru,
din il-Vittma li tikseb għall-bnedmin kollha l-grazzja tiegħek.
O Missier l-aktar ħanin,
fit-tjieba tiegħek ħares b’ħarsa ta’ ħniena lejn dawk li qed torbot miegħek
għax qed tagħtihom li jissieħbu
f’dan is-sagrifiċċju waħdieni ta’ Kristu; bil-qawwa ta’ l-Ispirtu qaddis tiegħek agħmel li jingħaqdu f’ġisem wieħed biex fih tintemm kull firda bejniethom.
L-ewwel Konċelebrant
żommna lkoll fehma waħda u qalb waħda
mal-Papa N., ma’ l-Isqof tagħna N. u ma’ l-Isqof N. li qed jgħinu.
Għinna nħejju l-miġja ta’ Saltnatek
sa ma tasal is-siegħa li nidhru quddiemek qaddisin fost il-Qaddisin tas-sema,
mal-Verġni Mqaddsa Marija u ma’ l-Appostli, u ma’ ħutna mejtin
li aħna nafdaw għall-ħniena tiegħek. Imbagħad, mibdulin f’ħolqien ġdid, u meħlusin minn kull taħsir,
inkunu nistgħu tassew, fiċ-ċokon tagħna,
inroddulek il-ħajr ta’ Kristu Ibnek li jgħix għal dejjem.
Iċ-ċelebrant prinċipali jew il-Konċelebrant flimkien
Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja
għal dejjem ta’ dejjem.
Il-poplu jwieġeb:
TALBA EWKARISTIKA II TAR-RIKONĊILJAZZJONI
Prefazju
O Alla, Missier li tista’ kollox, b’Ibnek ġesù Kristu Sidna, inroddulek ħajr u nfaħħruk għall-ħidma tiegħek fid-dinja.
Għalkemm il-bnedmin jinsabu mifruda minn xulxin minħabba l-ġlied u t-tilwim bejniethom,
aħna nafu, għax ġarrabnieh, li inti tbiddel il-fehma tal-bnedmin biex jerġgħu jinħabbu bejniethom.
L-Ispirtu qaddis tiegħek iqanqal il-qlub biex dawk li kienu għedewwa ta’ xulxin jerġgħu jinħabbu bejniethom,
dawk li kienu wieħed kontra l-ieħor jieħdu b’idejn xulxin, u l-popli kollha jfittxu li jkunu ħbieb.
Bil-qawwa tiegħek
dawk li jħobbu l-paċi jwaqqfu l-ġlied, jirbħu l-mibegħda bil-maħfra
u jpattu d-deni bil-ġid.
Għalhekk jeħtieġ li aħna nroddulek ħajr u nfaħħruk mal-kori kollha ta’ l-anġli,
li qatt ma jehdew ixandru l-kobor tiegħek u jgħidu: Kulħadd iwieġeb:
Qaddis, qaddis, qaddis …. Iċ-ċelebrant prinċipali
Missier ħanin, int li taħkem fuq kull setgħa, aħna nberkuk b’Ibnek Ġesù Kristu, Sidna, li ġie fostna f’Ismek.
Hu l-kelma li biha l-bnedmin isalvaw, l-id li inti tagħti lill-midinbin,
it-triq li minnha jaslilna s-sliem tiegħek.
O Alla, Missier tagħna lkoll, meta aħna tbegħedna minnek,
inti reġġajtna għandek b’Ġesù Kristu Ibnek, li tajtu għall-mewt
biex aħna nitħabbu miegħek u nħobbu ’l xulxin. Il-Konċelebranti flimkien
Għalhekk aħna u niċċelebraw il-ħbibierija miegħek, li ħejja Kristu għalina,
nitolbukn biex tqaddes bil-barka ta’ l-Ispirtu tiegħek dawn l-offerti, aħna u qegħdin nagħmlu dak li ordnalna Ibnek
Hu meta wasal biex jagħti ħajtu ħa jsalvana, waqt li kien fuq il-mejda ma’ l-Appostli tiegħu, ħa f’idejh il-ħobż,
raddlek il-ħajr, bierek,
qasam, ta lid-dixxipli tiegħu u qal:
LI JINGĦATA GĦALIKOM.
Hekk ukoll f’dak il-lejl
ħa l-kalċi,
u, waqt li xandar il-ħniena tiegħek, tah li-dixxipli tiegħu, u qal:
GĦAX DAN HUWA L-KALĊI TA’ DEMMI
TAL-PATT IL-ĠDID LI JIBQA’ GĦAL DEJJEM: ID-DEMM LI JIXXERRED GĦALIKOM
U GĦALL-BNEDMIN KOLLHA GĦALL-MAĦFRA TAD-DNUBIET. AGĦMLU DAN B’TIFKIRA TIEGĦI
Dan hu l-misteru tal-fidi. U l-poplu jwieġeb:
Inħabbru l-mewt tiegħek, Mulej, inxandru bil-ferħ il-qawmien tiegħek, nistennewk sa ma tiġi fil-glorja.
Mulej, Alla tagħna,
Ibnek ħallielna dan ir-rahan ta’ mħabbtek;
għalhekk, aħna u qegħdin nagħmlu t-tifkira tal-mewt u l-qawmien tiegħu għall-ħajja, noffrulek dak li inti stess tajtna:
is-sagrifiċċju tal-ħbiberija sħiħa tagħna miegħek. Missier qaddis, nitolbuk,
ilqagħna lkoll ma’ Ibnek
u b’din it-tqarbina li se nagħmlu agħtina l-Ispirtu qaddis tiegħek,
ħa jbiegħed minn fostna kull ma jifridna.
L-ewwel Konċelebrant
Hu jżommna f’xirka waħda mal-Papa N.,
ma’ l-Isqof tagħna N., u ma’ l-Isqof N. li qiegħed jgħinu, ma’ l-Isqfijiet kollha u mal-poplu tiegħek kollu:
Agħmel li l-Knisja tiegħek tkun għall-bnedmin kollha sinjal ta’ għaqda u għajn ta sliem.
It-tieni Konċelebrant
Kif ġbartna hawn madwar il-mejda ta’ Ibnek,
f’rabta ta’ mħabba mal-Verġni mqaddsa Marija, Omm Alla, u mal-Qaddisin kollha,
hekk iġbor il-bnedmin ta’ kull sura u ta’ kull xorta, ta’ kull ġens u ta’ kull ilsien,
biex jissieħbu flimkien, f’għaqda sħiħa bejniethom, madwar il-mejda tiegħek ta’ dejjem,
f’dinja ġdida, fejn tiddi l-milja tas-sliem, Bi Kristu Sidna.
Iċ-Ċelebrant prinċipali jew il-Konċelebrant flimkien Bi Kristu, ma’ Kristu, u fi Kristu,
jingħata lilek, Alla, Missier li tista’ kollox,
flimkien ma’ l-Ispirtu s-Santu kull ġieħ u glorja
għal dejjem ta’ dejjem.
Il-poplu jwieġeb:
TALBA EWKARISTIKA I FIL-QUDDIESA GĦAT-TFAL
V. Il-Mulej magħkom.
R. U miegħek ukoll.
V. Nerfgħu qlubna ’l fuq.
R. Nerfgħuhom lejn il-Mulej.
V. Niżżu ħajr lill-Mulej Alla tagħna.
R. Hekk sewwa u xieraq.
O Alla, Missierna li inti fis-smewwiet, Int ġbartna hawn flimkien,
u aħna qegħdin quddiemek
biex nuruk il-ferħ tagħna u nagħtuk it-tifħir tagħna, u ngħidulek kemm int kbir fis-setgħa tiegħek.
Infaħħruk għal kull ħaġa sabiħa li hawn fid-dinja, u għall-ferħ li bih timla qlubna.
Infaħħruk għad-dawl sabiħ tax-xemx,
u għall-kelma tiegħek li biha ddawwal il-qlub tagħna.
Infaħħruk għad-dinja li int ħlaqt, u għall-bnedmin li jgħammru fiha.
Int tassew twajjeb
għaliex tħobbna u tagħmel ħwejjeġ kbar għalina. Għalhekk aħna lkoll flimkien ngħidulek (inkantaw):
Kulħadd jgħid:
Is-sema u l-art mimlija bil-glorja tiegħek. Hosanna fl-għoli tas-smewwiet.
Is-saċerdot, b’idejħ miftuħin, ikompli:
Int Missierna u dejjem taħseb fil-bnedmin kollha, U trid tkun dejjem magħhom;
Inti bgħattilna ’l Ġesù, ’l Ibnek il-maħbub, biex isalvana:
Hu fejjaq ’il morda,
ħafer id-dnubiet lill-midinbin,
wera lil kulħadd l-imħabba tiegħek, u laqa’ lit-tfal u berikhom.
Għalhekk minn qalbna ngħidulek (inkantaw):
Kulħadd jgħid:
Imbierek min ġej f’isem il-Mulej. Hosanna fl-għoli tas-smewwiet
Is-saċerdot, b’idejħ miftuħin, ikompli: Meta nfaħħruk, m’aħniex waħedna għaliex fil-pajjiżi kollha tad-dinja,
l-insara, li huma l-poplu tiegħek, ifaħħruk. għalhekk flimkien mal-Knisja,
mal-Papa N.,
ma’ l-Isqof tagħna N. u ma’ l-Isoqf N. li qed jgħinu, aħna nitolbuk b’qalbna kollha.
Fis-sema mbagħad ifaħħruk għal dejjem l-Imqaddsa Verġni Marija,
l-Appostli u l-Qaddisin kollha:
magħhom u ma’ l-Anġli kollha nadurawk u ngħidulek ilkoll flimkien:
Kulħadd jgħid:
Qaddis, qaddis, qaddis, Mulej Alla ta’ l-eżerċiti. Hosanna fl-għoli tas-smewwiet.
Is-saċerdot, b’idejħ miftuħin, ikompli: Missier qaddis,
għaliex irridu nroddulek ħajr aħna ġibna l-ħobż u l-inbid: agħmel li jsiru l-ġisem u d-Demm ta’ Ġesù Kristu, Ibnek il-għażiż.
B’hekk inkunu nistgħu noffrulek dak li int stess tajtna. Għaliex dak in-nhar filgħaxija, qabel ma bata għalina, huwa u jiekol ma’l-Appostli,
Ġesù ħa l-ħobż minn fuq il-mejda, raddlek il-ħajr, bierek,
qasmu, tahulhom u qal:
LI JINGĦATA GĦALIKOM.
U meta l-ikla waslet fit-tmiem tagħha,
Ġesù ħa l-kalċi, mimli nbid, raddlek il-ħajr,
tah il-ħbiebu, u qal:
GħAX DAN HUWA L-KALĊI TA’ DEMMI
TAL-PATT IL-ĠDID LI JIBQA’ GĦAL DEJJEM: ID-DEMM LI JIXXERRED GĦALIKOM
U GĦALL-BNEDMIN KOLLHA GĦALL-MAĦFRA TAD-DNUBIET.
Imbagħad qalilhom:
AGĦMLU DAN B’TIFKIRA TIEGħI
Is-saċerdot, b’idejħ miftuħin, ikompli: Missier qaddis, dak li ġesù Kristu qalilna biex nagħmlu b’tifkira tiegħu, aħna qegħdin nagħmluh issa:
aħna qegħdin noffrulek il-ħobż li jagħti l-ħajja u l-kalċi li jsalvana
waqt li qegħdin inxandru l-mewt ta’ Ġesù u l-qawmien tiegħu għall-ħajja.
Ġesù jwassalna għandek,
Il-Missier tagħna tas-smewwiet: ilqagħna miegħu.
Kulħadd jgħid:
Inħabbru l-mewt tiegħek, Mulej, Inxandru bil-ferħ il-qawmien tiegħek, Nistennewk sa ma tiġi bil-glorja.
Is-saċerdot, b’idejħ miftuħin, ikompli: Missier qaddis, inti tħobbna ħafna: ħallina nersqu għal din il-mejda tiegħek
biex, kollna ferħana u magħqudin flimkien fl-Ispirtu tiegħek, nitqarbnu bil-Ġisem u d-Demm ta’ Ibnek Ġesù Kristu, Sidna.
Int, Mulej, Alla tagħna, qatt ma tinsa ’l ħadd,
għalhekk nitolbuk għal dawk kollha li aħna nħobbu N. u N. u għall-mejtin kollha li ħallew din il-ħajja bis-sliem.
Ftakar f’dawk kollha mxerrdin mad-dinja, ftakar fil-bnedmin kollha li hawn fuq l-art.
Meta aħna niftakru f’dak kollu li tagħmel għalina b’Ibnek Ġesù Kristu,
qalbna timtela bil-ferħ u lkoll flimkien nfaħħruk.
Bi Kristu, ma’ Kristu, u fi Kristu, jingħata lilek Alla Missier li tista’ kollox kull ġieh u glorja
għal dejjem ta’ dejjem.
Kulħadd jgħid:
TALBA EWKARISTIKA II FIL-QUDDIESA GĦAT-TFAL
V. Il-Mulej magħkom.
R. U miegħek ukoll.
V. Nerfgħu qlubna ’l fuq.
R. Nerfgħuhom lejn il-Mulej.
V. Niżżu ħajr lill-Mulej Alla tagħna.
R. Hekk sewwa u xieraq.
Prefazju
Missier maħbub tagħna,
dan hu mument ta’ ferħ kbir għalina! Aħna nroddulek ħajr,
aħna nfaħħruk flimkien ma’ Ġesù Kristu, Ibnek, Sidna.
Kulħadd jgħid:
Glorja lilek, għax inti tħobbna lkoll!
Is-saċerdot, b’idejħ miftuħin, ikompli:
Int tant tħobbna
li ħlaqt għalina din id-dinja kbira u sabiħa.
Kulħadd jgħid:
Glorja lilek, għax inti tħobbna lkoll!
Is-saċerdot, b’idejħ miftuħin, ikompli:
Int tant tħobbna
li tajtna lil Ġesù Ibnek biex iwassalna għandek.
Kulħadd jgħid:
Glorja lilek, għax inti tħobbna lkoll!
Is-saċerdot, b’idejħ miftuħin, ikompli:
Int tant tħobbna
li tridna ninġabru lkoll flimkien fi Kristu qisna lkoll ulied ta’ familja waħda.
Kulħadd jgħid:
Glorja lilek, għax inti tħobbna lkoll!
Is-saċerdot, b’idejħ miftuħin, ikompli: Għal din l-imħabba tiegħek hekk kbira, aħna lkoll inroddulek ħajr
ma’ l-Anġli u l-Qaddisin,
li fis-sema jadurawk u jgħidulek:
Kulħadd jgħid:
Qaddis, qaddis, qaddis, Mulej Alla ta’ l-eżerċiti. Is-smewwiet u l-art mimlija bil-glirja tiegħek.
Hosanna fl-għoli tas-smewwiet. Imbierek min ġej f’isem il-Mulej. Hosanna fl-għoli tas-smewwiet.
Is-saċerdot, b’idejħ miftuħin, ikompli: Ikun tassew imbierek Ġesù,
il-ħabib tat-tfal u tal-fqar. Int bgħattulna,
u Hu ġie biex jurina kif għandna nħobbu lilek u kif għandna nħobbu lil xulxin.
Hu ġie biex minn qlub il-bnedmin ineħħi l-ħażen, li jfixkel il-ħbiberija bejniethom.
Hu ġie biex jeqred il-mibgħeda li ma tħalliniex inkunu ferħana.
Hu wiegħed li jagħtina l-Ispirtu s-Santu biex ikun dejjem magħna
ħalli ngħixu l-istess ħajja tiegħek.
Kulħad jgħid:
Imbierek min ġej f’isem il-Mulej. Hosanna fl-għoli tas-smewwiet.
Is-saċerdot, b’idejħ miftuħin, ikompli: Lilek, Missier, nitolbuk:
ibgħat l-Ispirtu qaddis tiegħek
biex dan il-ħobż u l-inbid li ġibna fuq l-artal, isiru l-Ġisem u d-Demm
ta’ Sidna Ġesù Kristu.
Hu, awl il-lejl qabel ma bata għalina,
uriena kemm hi kbira l-imħabba tiegħu għalina, meta huwa u jiekol mad-dixxipli tiegħu,
ħa l-ħobż raddlek il-ħajr,
qasmu, tahulhom, u qal:
LI JINGĦATA GĦALIKOM.
Juri l-ostja kkonsagrata lill-poplu, waqt li kulħadd jgħid:
Ġesù Kristu ġie mogħti għalina!
Is-saċerdot, ikompli:
Imbagħad ħa l-kalċi, mimli nbid, talab u raddlek il-ħajr,
ta l-kalċi lid-dixxipli tiegħu u qal:
GħAX DAN HUWA L-KALĊI TA’ DEMMI
TAL-PATT IL-ĠDID LI JIBQA’ GĦAL DEJJEM: ID-DEMM LI JIXXERRED GĦALIKOM
U GĦALL-BNEDMIN KOLLHA
GĦALL-MAĦFRA TAD-DNUBIET.
Kulħadd jghid:
Ġesù Kristu ġie mogħti għalina!
Is-saċerdot, ikompli: Imbagħad qalilhom:
Is-saċerdot, b’idejħ miftuħin, ikompli:
Missier l-aktar maħbub, għalhekk aħna nagħmlu dan
b’tifkira tal-mewt u l-qawmien ta’ Ġesù, is-Salvatur tad-dinja. Hu ta lilu nnifsu u miet għalina,
biex ikun is-sagrifiċċju li issa qegħdin noffrulek,
ħalli bih ninġibdu lejk.
Kulħadd iwieġeb:
Glorja u tifħir lil Alla tagħna. Jew:
Lilek infaħħru, lilek inbierku, lilek inroddu ħajr, o Alla tagħna.
Is-saċerdot, b’idejħ miftuħin, ikompli:
Mulej Alla tagħna, ilqa’ t-talb li qegħdin nagħmulek, u agħti l-Ispirtu ta’ mħabbtek
lil dawk kollha li qegħdin jieħdu sehem f’din il-Quddiesa. Agħmel li jkunu dejjem magħqudin flimkien fil-Knisja, mal-Papa N.,
ma’ l-Isqof tagħna N., ma’ l-Isqof N. li qed igħinu u ma’ l-Isqfijiet kollha,
u ma’ dawk kollha li jaqduk fost il-poplu tiegħek.
Kulħadd, jekk ikun jaqbel, iwieġeb:
Ħa jkunu qalb waħda flimkien għall-glorja tiegħek!
Is-saċerdot, b’idejħ miftuħin, ikompli: Tinsiex lil dawk li nħobbu (…)
tinsiex lanqas lil dawk li forsi ma tantx nuruhom imħabba.
Ftakar ukoll f’dawk kollha li ħallew il-ħajja bis-sliem tiegħek (…):
ilqagħhom fid-dar tiegħek tas-sema.
Kulħadd iwieġeb:
Ħa jkunu qalb waħda flimkien għall-glorja tiegħek!
Is-saċerdot, b’idejħ miftuħin, ikompli:
U meta jasal il-waqt, lilna wkoll sejħilna
biex, mal-Verġni Mqaddsa Marija, Omm Alla u Ommna, niċċelebraw il-festa kbira tiegħek fis-sema,
fejn il-ħbieb kollha ta’ Ġesù Kristu, Ibnek Sidna, ikantawlek innu li ma jintemm qatt.
Kulħadd jekk ikun jaqbel, iwieġeb:
ħa jkunu qalb waħda flimkien għall-glorja tiegħek!
Is-saċerdot, ikompli:
Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja,
għal dejjem ta’ dejjem.
Kulħadd iwieġeb:
TALBA EWKARISTIKA III FIL-QUDDIESA GĦAT-TFAL
V. Il-Mulej magħkom.
R. U miegħek ukoll.
V. Nerfgħu qlubna ’l fuq.
R. Nerfgħuhom lejn il-Mulej.
V. Niżżu ħajr lill-Mulej Alla tagħna.
R. Hekk sewwa u xieraq.
Prefazju
Inroddulek ħajr, o Alla tagħna, għax ħlaqtna
biex ngħixu għalik,
maqgħqudin flimkien fl-imħabba.
Bil-grazzja tiegħek nitgħallmu nħobbu ’l xulxin,
ħa nkunu nistgħu naqsmu bejnietna
il-ferħ kollu u d-dwejjaq kollha tagħna.
Fi żmien il-Għid
Inroddulek ħajr, o Alla tagħna, għaliex inti Alla tal-ħajjin:
inti sejjaħtilna għall-ħajja
u trid li naslu għall-hena ta’ dejjem.
L-ewwel wieħed fostna li int qajjimt mill-imwiet kien Ġesù: Int tajtu ħajja ġdida,
u Hu wegħedna ħajja bla tmiem, bla niket u bla dwejjaq.
Ta’ dan, Missier, Inroddulek ħajr, ferħanin,
ma’ dawk kollha li jemmnu fik; u mal-Qaddisin u l-Anġli kollha
infaħħruk minn qalbna u ngħidulek:
Qaddis, qaddis, qaddis, Mulej Alla ta’ l-eżerċti Is-smewwiet u l-art mimlija bil-glorja tiegħek Hosanna fl-għoli tas-smewwiet.
Imbierek min ġej f’isem il-Mulej. Hosanna fl-għoli tas-smewwiet.
Is-saċerdot, b’idejħ miftuħin, ikompli:
Qaddis tassew int, Mulej, u twajjeb magħna lkoll.
Int turi l-ħniena tiegħek mal-bnedmin kollha,
Inroddulek ħajr
l-ewwelnett għal Ibnek Ġesù Kristu Sidna:
Hu għoġbu jiġi fid-dinja
għaliex il-bnedmin kienu tbiegħdu minnek, u ma kinux aktar jaqblu bejniethom.
Hu fetħilna għajnejna u widnejna Biex nifhmu li aħna lkoll aħwa U inti l-Missier ta’ kulħadd.
Fi żmien il-Għid
Qaddis tassew int, Mulej, u twajjeb magħna lkoll.
Int turi l-ħniena tiegħek mal-bnedmin kollha.
Inroddulek ħajr
l-ewwelnett għal Ibnek Ġesù Kristu Sidna:
Hu wasslilna l-Bxara t-tajba ta’ ħajja ġdida bla tmiem fil-glorja miegħek.
Hu mexa quddiemna
biex, b’ħafna għemil ta’ mħabba, jurina t-triq li minnha ngħaddu ħa naslu għal din il-ħajja.
Is-saċerdot, b’idejħ miftuħin, ikompli:
U issa Ġesù sejħilna biex ninġabru hawn flimkien għax iridna nagħmlu dak li darba għamel Hu.
Missier maħbub, qaddes dan il-ħobż u dan l-inbid biex isiru għalina l-ġisem u d-Demm
ta’ Ibnek Ġesù Kristu, Sidna.
Hu, fil-lejl
qabel miet għalina,
fl-Aħħar Ikla mad-dixxipli tiegħu,
ħa l-ħobż, raddlek il-ħajr,
qasmu, tahulhom u qal:
LI JINGĦATA GĦALIKOM.
Hekk ukoll, ħa l-kalċi, mimli nbid, raddlek il-ħajr
tah lid-dixxipli tiegħu, u qal:
GĦAX DAN HUWA L-KALĊI TA’ DEMMI
TAL-PATT IL-ĠDID LI JIBQA’ GĦAL DEJJEM: ID-DEMM LI JIXXERRED GĦALIKOM
U GĦALL-BNEDMIN KOLLHA GĦALL-MAĦFRA TAD-DNUBIET.
Imbagħad qalilhom:
Għalhekk, Missier qaddis, qegħdin quddiemek, biex fil-ferħ niftakru
f’dak kollu li Ġesù għamel biex isalvana. F’dan is-sagrifiċċju qaddis,
li hu ħalla lill-Knisja tiegħu,
aħna nagħmlu t-tifkira tal-mewt u l-qawmien tiegħu għall-ħajja.
Missier qaddis, li inti fis-smewwiet, ilqagħna għandek
flimkien ma’ Ibnek il-għażiż. Hu ħa l-mewt min rajh għalina; Inti qajjimtu mill-imwiet: Għalhekk ngħidulek:
Kulħadd iwieġeb:
Lilek, o Alla, infaħħru għax inti tajjeb, Lilek inroddu ħajr.
Is-saċerdot, b’idejħ miftuħin, ikompli:
Hu, Ġesù, fl-aħħar taż-żmien għandu jiġi fil-glorja, u fis-saltna tiegħu ma jkunx hemm aktar
min ibati l-faqar, min jibki, min ikun imdejjaq.
Kulħadd iwieġeb:
Lilek, o Alla, infaħħru għax inti tajjeb, Lilek inroddu ħajr.
Is-saċerdot, b’idejħ miftuħin, ikompli:
Missier qaddis, inti sejjaħtilna
biex mimlijin bil-ferħ li jagħti l-Ispirtu s-Santu, minn fuq dan l-artal
nitqarbnu bil-Ġisem ta’ Kristu: agħmel
li bil-qawwa ta’ dan l-ikel tas-sema nogħġbuk dejjem aktar minn jum għall-ieħor.
Ftakar, Mulej , fil-Papa N.,
fl-Isqof tagħna N., fl-Isqof N., li qed igħinu u fl-Isqfijiet l-oħra kollha. Għin lid-dixxipli kollha tal-Mulej
ħa jaħdmu għall-paċi u s-sliem
biex iwasslu l-hena u l-ferħ lil kulħadd. Fi żmien il-Għid
Missier qaddis, inti sejjaħtilna
biex mimlijin bil-ferħ li jagħti l-Ispirtu s-Santu, minn fuq dan l-artal nitqarbnu bil-ġisem ta’ Kristu: agħmel
li bil-qawwa ta’ dan l-ikel tas-sema nogħġbuk dejjem aktar minn jum għall-ieħor. Ftakar, Mulej, fil-Papa N.
fl-Isqof tagħna N., u fl-Isqfijiet l-oħra kollha.
Agħmel li qlub l-insara
jimtlew b’dan il-ferħ ta’ l-Għid, imxerred ma’ kullimkien fid-dinja, biex iwassluh lill-bnedmin kollha li huma mdejqin.
Lilna lkoll agħtina
li, mal-Verġni Mqaddsa Marija, Omm Alla, u mal-Qaddisin kollha,
meta jasal il-waqt, inkunu ma’ Kristu fis-sema
ħa noqgħodu miegħek għal dejjem.
Bi Kristu, ma’ Kristu, u fi Kristu,
jingħata lilek, Alla Missier li tista’ kollox, flimkien ma’ l-Ispirtu s-Santu,
kull ġieh u glorja,
għal dejjem ta’ dejjem.
Kulħadd iwieġeb:
IR-RIT TAT-TQARBIN
Is-saċerdot jerġa’ jqiegħed il-kalċi u l-patena bl-ostja fuq il-korporal, jgħaqqad idejh ma’ xulxin u jgħid:
Ejjew nitolbu
kif għallimna u riedna nagħmlu l-Iben ta’ Alla għas-salvazzjoni tagħna.
Jiftaħ idejh u, flimkien mal-poplu, ikompli:
Missierna, li inti fis-smewwiet: jitqaddes ismek;
tiġi saltnatek;
Ikun li trid int, kif fis-sema, hekkda fl-art.
Ħobżna ta’ kuljum agħtina llum; aħfrilna dnubietna,
bħalma naħfru lil min hu ħati għalina: u la ddaħħalniex fit-tiġrib;
iżda eħlisna mid-deni.
B’idejh miftuħin, is-saċerdot waħdu jkompli jgħid:
Eħlisna, nitolbuk, Mulej minn kull deni; agħtina, fit-tjieba u l-ħniena tiegħek,
Il-paċi fi żmienna,
biex inkunu ħielsa dejjem mid-dnub u mħarsa minn kull inkwiet,
aħna u nitennew u nittamaw il-hena
u l-miġja tas-Salvatur tagħna Ġesu’ Kristu.
Jgħaqqad idejh.
Il-poplu jtemm it-talba billi jgħid:
Għax tiegħek hi s-saltna, il-qawwa u l-glorja għal dejjem. Imbagħad is-saċerdot jiftaħ idejh u jgħid b’leħen ċar:
Mulej Ġesu’ Kristu,
li għidt lill-Appostli tiegħek:
inħallilkom is-sliem, nagħtikom is-sliem tiegħi: la tħarisx lejn dnubietna,
iżda ħares lejn il-fidi tal-Knisja tiegħek; Agħtiha s-sliem u l-għaqda li int trid fiha.
Jgħaqqad idejh
Int li tgħix u ssaltan għal dejjem ta’ dejjem.
Il-poplu jwieġeb:
Is-saċerdot, b’wiċċu lejn il-poplu, jiftaħ idejh u jerġa’ jgħaqqadhom, waqt li jgħid: Il-paċi tal-Mulej tkun dejjem magħkom.
Il-poplu jwieġeb: U miegħek ukoll.
Imbagħad, skond iċ-ċirkustanzi, id-djaknu, jew is-saċerdot, jgħid: Agħtu l-paċi lil xulxin.
U kulħadd, skond id-drawwiet tal-post, wieħed lil ieħor jagħti sinjal ta’ paċi u mħabba. Is-saċerdot jagħti l-paċi lid-djaknu jew lill-ministru.
Imbagħad jieħu l-ostja f’idejh, jaqsamha fuq il-patena, jitfa’ biċċa żgħira minnha fil- kalċi, u minn taħt l-ilsien jgħid:
Il-Ġisem flimkien mad-Demm ta’ Sidna Ġesu’ Kristu jkunu jiswew lilna, li se nitqarbnu bihom.
Sadattant jitkanta jew jingħad:
Jekk il-qsim tal-ħobż jieħu ż-żmien, din it-talba tista’ tibqa’ tingħad sakemm jintemm qsim il-ħobż, iżda fl-aħħar dejjem jingħad: Agħtina l-paċi.
Imbagħad is-saċerdot jgħaqqad idejh ma’ xulxin u, minn taħt l-ilsien, jgħid:
Mulej Ġesu’ Kristu, Bin Alla l-ħaj,
bil-mewt tiegħek, kif ried minnek il-Missier, u bil-ħidma ta’ l-Ispirtu s-Santu,
Int tajt il-ħajja lid-dinja:
B’dan il-Ġisem u d-Demm qaddis tiegħek Eħlisni minn ħtijieti kollha u minn kull ħażen,
żommni dejjem fidil lejn il-kmandamenti tiegħek, u tħallini qatt ninfired minnek.
Jew:
Mulej Ġesu’ Kristu, nitolbok
li din it-tqarbina bil-Ġisem u d-Demm tiegħek ma tkunx il-kundanna tiegħi,
iżda għall ħniena tiegħek,
tkun għalija l-ħarsien u l-fejqan ta’ ruħi u ġismi.
Is-saċerdot jagħmel ġenuflessjoni, jieħu f’idu l-ostja, iżommha kemm kemm merfugħa ‘l fuq, fuq il-patena, u b’wiċċu lejn il-poplu u b’leħen ċar jgħid: Dan u l-Ħaruf t’Alla, dan hu li jneħħi d-dnubiet tad-dinja.
U flimkien mal-poplu jgħid darba:
Is-saċerdot, b’wiċċu lejn l-artal, jgħid minn taħt l-ilsien:
U bil-qima kollha jitqarben bil-Ġisem ta’ Kristu: Imbagħad jieħu l-kalċi f’idejh u jgħid minn taħt l-ilsien: Id-Demm ta’ Kristu jħarisni għall-ħajja ta’ dejjem.
U bil-qima kollha jitqarben bid-Demm ta’ Kristu.
Imbagħad jieħu f’idejh, il-patena jew pissidi, jersaq lejn dawk li jkunu se jitqarbnu, juri ostja kemm kemm merfugħa quddiem kull wieħed u jgħidlu:
Min ikun qiegħed jitqarben iwieġeb:
U jitqarben.
Hekk ukoll jagħmel id-djaknu jew l-akkoltu, jekk iqarben.
Fit-tqarbin biż-żewġ speċi jinżamm ir-rit kif inhu mfisser f’postu.
Waqt li s-saċerdot ikun qiegħed jitqarben bil-Ġisem ta’ Kristu jinbeda l-kant għat- tqarin.
Wara t-tqarbin, is-saċerdot jew djakmu jew akkoltu jippurifika l-patena fuq il-kalċi,
kif ukoll l-istess kalċi:
Waqt il-purifikazzjoni s-saċerdot jgħid minn taħt l-ilsien:
biex dan id-don li tajtna issa
jkun jiswielna għall-ħajja ta’ dejjem.
Imbagħad is-saċerdot jista’ jerġa’ jmur fuq is-sedja. Skond iċ-ċirkustanzi, jista’ jinżamm ftit skiet, jew jingħad salm jew kantiku ta’ tifħir.
Imbagħad is-saċerdot, wieqaf quddiem is-sedja jew f’nofs l-artal jgħid:
U kulħadd, flimkien mas-saċerdot, joqgħod jitlob fis-skiet għal ftit ħin, jekk is-skiet ma jkunx ġa nżamm.
Imbagħad is-saċerdot, b’idejh miftuħin, għid it-talba ta’ wara t-tqarbin, li għaliha l- poplu jwieġeb:
IR-RIT TA’ L-GĦELUQ
Imbagħad, jekk ikun hemm, jingħataw avviżi qsar lill-poplu. Wara dan, is-saċerdot, b’wiċċu lejn il-poplu, jiftaħ idejh u jgħid: Il-Mulej magħkom.
Il-poplu jwieġeb:
Is-saċerdot ibierek il-poplu u jgħid:
Il-Missier, u l-Iben, u l-Ispirtu s-Santu.
Il-poplu jwieġeb:
Jekk ikun Isqof jgħid:
Il-poplu jwieġeb:
L-Isqof:
Il-Poplu:
L-Isqof:
Il-Missier, u l-Iben, u l-Ispirtu s-Santu.
Il-poplu jwieġeb:
F’ġie ġranet jew okkażjonijiet, qabel din il-barka, tingħad skond ir-rubriki barka oħra aktar solenni jew talba fuq il-poplu.
Imbagħad id-djaknu, jew is-saċerdot stess, b’idejh magħqudin ma’ xulxin u wiċċu lejn il-poplu, jgħid:
Il-popli jwieġeb:
Is-saċerdot ibus l-artal, bħal fil-bidu tal-Quddiesa, flimkien mal-ministri jagħmel inklinazzjoni profonda lill-artal, u jidħol ġewwa.
Jekk minnufih wara l-Quddiesa ssir azzjoni liturġika oħra, ir-rit ta’ l-għeluq jitħalla barra.