|
|
ŻJARA PASTORALI
TAL-QDUSIJA TIEGĦU BENEDITTU XVI
F’LORETO
FL-OKKAŻJONI TAL-AGORÀ
TAŻ-ŻGĦAŻAGĦ TALJANI
ŻJARA LIS-SANTWARJU LAWRETAN
U MUMENT TA’ TALB FID-DAR IMQADDSA
1 ta' Settembru 2007
TALBA TAL-PAPA BENEDITTU XVI
Marija, Omm tal-iva, int smajt lil Ġesù
u taf il-kisra ta’ leħnu u t-taħbita ta’ qalbu.
Kewkba ta’ filgħodu, kellimna dwaru
u rrakkuntalna l-mixja tiegħek warajh fit-triq tal-fidi.
Marija, li f’Nazaret għext ma’ Ġesù,
stampa f’ħajjitna s-sentimenti tiegħek,
il-ħlewwa tiegħek, is-skiet tiegħek li kapaċi jisma’,
u agħmel li l-Kelma twarrad f’ħajjitna b’għażliet ta’ libertà vera.
Marija, kellimna fuq Ġesù, biex il-freskezza tal-fidi tagħna
tilma f’għajnejna u ssaħħan il-qalb ta’ min jiltaqa’ magħna,
kif int għamilt meta żort lil Eliżabetta
li fi xjuħitha thenniet miegħek għad-don tal-ħajja.
Marija, Verġni tal-Magnificat,
għinna nxerrdu l-ferħ fid-dinja u, bħal f’Kana,
ħeġġeġ lil kull żagħżugħ u żagħżugħa, impenjati fil-qadi ta’ ħuthom,
biex jagħmlu biss dak li jgħidilhom Ġesù.
Marija, ixħet ħarstek fuq l-Agorà taż-żgħażagħ,
biex tkun l-art għammiela tal-Knisja Taljana.
Itlob għalina biex Ġesù, li miet u rxoxta, jerġa’ jitwieled fina
u jibdilna f’lejl kollu dawl, mimli bih.
Marija, Madonna ta’ Loreto, bieb tas-sema,
għinna nerfgħu ħarsitna ’l fuq.
Irridu naraw lil Ġesù. Nitkellmu miegħu.
Inxandru lil kulħadd l-imħabba tiegħu.
BENEDICTUS PP. XVI
miġjub mit-Taljan għall-Malti minn Francesco Pio Attard