|
Mill-Mesaġġ ta’
Mons. Arċisqof
Pawl Cremona OP
Il-kelma
“viżta” tfisser li wieħed iżur xi post, xi imkien... Il-kelma
“pastorali” ġejja minn kelma “pastor” li tfisser “ragħaj”.
Għalhekk il-Viżta Pastorali tiegħi hija parti importanti
mill-missjoni tiegħi bħala Isqof – Ragħaj ta’ din id-djoċesi.
Il-mudell huwa
ta’ Sidna Ġesù Kristu li huwa r-Ragħaj it-Tajjeb, li jagħti
ħajtu għan-ngħaġ tiegħu.
Iċ-ċentru ta’
din il-viżta huwa kull wieħed u waħda li jagħmlu parroċċa,
mill-kappillan, għas-saċerdoti u r-reliġjużi, għall-insara
kollha. Jiena se nagħti dan il-ħin tiegħi, biex bl-għajnuna
tal-Mulej inwettaqkom fil-ħajja tal-Fidi.
“Jiena
nagħraf in-nagħaġ tiegħi u n-ngħaġ tiegħi jagħrfu lili.”
It-tmexxija tar-Ragħaj hija dak li jsir jaf lil kull wieħed
u waħda personalment.
Ir-Ragħaj it-Tajjeb
jeħtieġ li jiġbor lin-“ngħag oħra li mhumiex minn dan
il-maqjel”. Qalbi se tkun ukoll lejn dawk li tbiegħdu mill-Knisja.
Jekk ma nkunx nista’ nilħaqhom jien, irrid inħeġġeġ lilkom
biex tieħdu ħsiebhom intom. Il-Mulej jixtieq ħafna li jara
l-merħla għażiża tiegħu waħda u bla firdiet.
Nitlobkom
biex tingħaqdu miegħi fit-talb ħalli joħroġ il-ġid minn din
il-Viżta Pastorali.
Nibgħat
fuqkom il-Barka tiegħi.
†
Pawlu Cremona, OP |
