Is-Sitta u Għoxrin Ġimgħa taż-Żmien ta’ Matul is-Sena
It-Tlieta
Qari I
Kotra ta’ popli jiġu jfittxu l-Mulej tal-eżerċti f’Ġerusalemm.
Żak 8, 20-23
Qari
mill-Ktieb tal-Profeta Żakkarija
Dan jgħid il-Mulej tal-eżerċti: “Għad jiġu popli u nies li jgħammru fi bliet kbar, u n-nies ta’ belt imorru għand dawk ta’ belt oħra u jgħidulhom: “Imxu, ejjew immorru għand
il-Mulej nitolbuh ħniena u nfittxu l-Mulej tal-eżerċti; ngħid għalija, sejjer jien ukoll”.
U kotra ta’ popli u ġnus qawwija jiġu jfittxu l-Mulej tal-eżerċti f’Ġerusalemm u jitolbu l-ħniena tal-Mulej”.
Dan jgħid il-Mulej tal-eżerċti: “F’dawk il-jiem għaxart irġiel mill-ilsna kollha tal-ġnus
jaqbdu Lhudi u jżommuh minn
tarf il-libsa tiegħu, u jgħidulu: “Ħa niġu magħkom, għaliex smajna li Alla magħkom””.
Il-Kelma
tal-Mulej
R/. Irroddu ħajr lil Alla
Salm Responsorjali
Salm 86 (87), 1-3.4-5.6-7
R/. (Żak 8, 23): Alla hu magħna
Il-Mulej bena ’l Sijon fuq
l-għoljiet imqaddsa;
hu
jħobb il-bibien tagħha
aktar
mill-għamajjar kollha
ta’ Ġakobb.
O belt ta’ Alla,
ħwejjeġ
sbieħ hu jgħid fuqek! R/.
Ngħodd
’il Raħab u ’l Babilonja
ma’ dawk li jagħrfuni.
Araw,
in-nies tal-Filistja, Tir u l-Etjopja,
dawn
twieldu hemm.
U għal Sijon jingħad:
“Ilkoll, il-wieħed u l-ieħor, twieldu fiha!
U Alla l-Għoli nnifsu jwettaqha f’postha”. R/.
Jikteb
il-Mulej fil-ktieb tal-popli:
“Dan twieled hemm”.
U jgħannu, huma u jiżfnu,
dawk
kollha li jgħammru fik. R/.
Akklamazzjoni qabel l-Evanġelju
Mk 10, 45
Hallelujah. R/. Hallelujah
Bin il-bniedem ġie biex jaqdi
u biex jagħti ħajtu b’fidwa għall-kotra.
R/. Hallelujah
Evanġelju
B’rieda sħiħa dar u telaq lejn Ġerusalemm.
Lq 9, 51-56
Qari
mill-Evanġelju skont
San Luqa
Meta qorob għalih iż-żmien li
fih kellu jittieħed mid-dinja, Ġesů b’rieda sħiħa dar u telaq lejn Ġerusalemm.
U bagħat xi messaġġiera
qablu li, huma u sejrin, daħlu f’raħal tas-Samarija biex iħejjulu fejn joqgħod. Iżda hemmhekk ma laqgħuhx, billi hu kien sejjer
Ġerusalemm. Meta raw dan,
id-dixxipli Ġakbu u Ġwanni qalulu: “Mulej, tridx ngħidu
lin-nar jinżel mis-sema u jeqridhom?”. Iżda hu
dar fuqhom u ċanfarhom. U marru f’raħal ieħor.
Il-Kelma
tal-Mulej
R/. Tifħir lilek Kristu