L-Isqof
Mario Grech jitkellem dwar it-tliet
aspetti ta’ din l-aggressjoni kulturali għall-fidi
kristjana:-
1.
Media
li
tifga
il-vuċi tan-nisrani.
2.
Ċentri
ta’ tagħlim,
li
flok ma jgħinu
u jinstigaw
lill-istudent ikompli jfittex il-verità,
jħarbtu
dan
il-proċess bi
premessi ateistiċi.
3. Sinkretiżmu
reliġjuż
li jqiegħed ir-reliġjonijiet u s-settet kollha fl-istess
keffa
u fejn
kull interpretazzjoni tar-realtà
ssir valida. |
AKTAR XHIEDA
KURAĠJUZA MILL-INSARA
OMELIJA
TA' L-ISQOF MARIO GRECH
Nadur - 8 Novembru 2009
F’omelija li għamel fil-parroċċa tan-Nadur il-bieraħ (Ħadd)
fejn kienet qed tiġi ċċelebrata l-festa ta San Koronatu
Martri, l-Isqof t’Għawdex Mons Mario Grech għamel appell
lill-insara biex ma jċedux għall-omerta, imma jsemgħu l-vuċi
tagħhom biex dak li huwa sewwa u ġust ikun mħares.
“Fis-soċjetà
tagħna, it-traffikar tad-droġa huwa ġerħa serja, imma
l-omertà li hawn dwar dan il-fenomenu hija nkwetanti
daqshekk ieħor! Għalkemm hawn sinjali li n-negozju tad-droġa
qed jikber, anke f’Għawdex, il-leħen u l-azzjoni ta dawk li
huma fid-dmir li jikkumbattu din il-kriminalità huma
dgħajfin ħafna. Il-ġlieda kontra d-droga mhux faċli għax
barra li hemm ħafna interessi finanzjarji, tista’ tinvolvi
ukoll kompromessi bejn poteri differenti. Bir-raġun li f’dan
il-qasam, is-soċjetà tistenna aktar mill-politiċi u minn
dawk li huma rikumpensati mit-taxxi tal-poplu biex ikun hemm
l-ordni!
It-traffikar tad-droga huwa biss wieħed mill-oqsma soċjali
fejn in-nisrani għandu d-dmir li jsemma l-vuċi tiegħu biex
jiddefendi dak li huwa sewwa u ġust. Ma nistgħaġibx jekk
għax jiftaħ fommu favur id-dritt u s-sewwa, in-nisrani
jkollu jħallas prezz. Huwa fatt li flok il-persekuzzjoni li
twassal għat-tixrid tad-demm kif ġralhom il-martri, illum
fl-Ewropa hawn ostilità kulturali kontra l-kristjani,
il-maġisteru ta Ġesu Kristu u t-tagħlim tal-Knisja
Insemmi tlett aspetti ta’ din l-aggressjoni kulturali
għad-din kristjan:
Xi uhud minn nies tal-media għandhom sengħa kif mhux biss
jifgaw il-vuċi tan-nisrani, imma ukoll kif jmexxu kampanja
fina biex jiskreditaw l-Evanġelu u l-ħabbara tiegħu!
Fl-istess ċentri ta’ tagħlim, partikularment ta livell
terzjarju, minflok ma jsir eserċizzju dixxiplinat tar-raġuni
li jgħin u jinstiga lill-istudent ikompli jfittex il-verità,
ikun hemm min iħarbat dan il-proċess bil-premessi ateistiċi
tiegħu! F’dawn l-ambjenti, miskin in-nisrani li jipprova
jaqsam ma l-oħrajn dak li tgħidlu r-raġuni mdawla bil-fidi.
Bil-pretest tas-sinkretiżmu
reliġjuż
li jqiegħed ir-reliġjonijiet u s-settet kollha fl-istess
keffa u ma jagħmilx differenza bejn ir-reliġjon nisranija u
denominazzjoni oħra, kull interpretazzjoni tar-realtà
ssir valida, joktor ir-relattiviżmu
u tintilef l-ispeċifiċità tal-Kristjaniżmu.
Biex quddiem din l-ostilità kulturali, in-nisrani jkollu
l-kuraġġ li jibqa’ jagħti xhieda, meħtieġ li huwa jikseb
il-qawwa tal-grazzja t’Alla partikularment bit-tisħib tiegħu
fil-quddiesa ta'
Jum il-Mulej li hija “l-Ewkaristija
tal-martri” – huwa f’dan il-kuntest kulturali
li matul il-Kungress Ewkaristiku li qed isir fid-Djoċesi
t’Għawdex bħalissa, qed issir riflessjoni dwar il-ġmiel
tal-jum tal-Ħadd!
|