|
TALBA GĦAT-3 JUM DINJI
TAN-NANNIET U L-ANZJANI 2023
Verġni Marija,
Omm tal-Fidi u tat-Tama,
Mudell għall-umanità mifnija bl-indifferenza,
għamilni disponibbli bħalek
biex naċċetta r-rieda t’Alla,
biex inkabbar u rrodd ħajr lill-Ħniena tiegħu.
Marija, Omm tal-Qawwa,
Int li taf ʼil qalbi,
tħallix li naqta’ qalbi.
B’fiduċja nafda ħajti f’idejk.
Fejjaq il-ġrieħi tiegħi,
u jalla l-ħlewwa tiegħek tmexxini f’ħajti.
Il-preżenza tiegħek, Ja Omm tal-Imħabba,
twassalna biex induqu l-ferħ
li naraw il-familji tagħna magħqudin.
Għinni biex inxerred il-ħlewwa u l-imħabba t’Alla
man-neputijiet u ż-żgħażagħ,
sabiex minbarra li nitlobu għalihom,
inkunu nistgħu wkoll nitolbu magħhom.
Interċedi għalija ħalli jkolli d-don tal-Ispirtu s-Santu:
sabiex jgħinni fid-dgħufija tiegħi;
sabiex jimla l-qalbi bil-konsolazzjoni
li nista’ nħalli sinjali tal-fidi fost iż-żgħażagħ,
li nagħti xhieda tas-sbuħija tal-ħajja,
u l-għarfien li l-ħajja għandha l-limitazzjonijiet tagħha,
u li, wara din il-ħajja, hemm tistenniena t-tgħannieqa tal-Missier.
Ammen.
Miġjuba għall-Malti minn Fr Roy Galdes