Is-Soċjeta'
Patristika Maltija u l-Pastoral Formation Institute
se jkunu qed joffru kors bażiku ta' Patristika
bil-Malti minn Ottubru sa Ġunju. Il-lezzjonijiet se
jkunu kull nhar ta' Ħamis mis-6:30pm sat-8pm b'pawża
qasira. Il-post magħżul huwa l-Istitut Agostinjan
(St Augustine College, Gwardamanġa), sabiex ikun
hemm aċċess għall-grounds tal-iskola ħabba
l-parking.
L-għan tal-kors huwa
li jkollna idea ftit jew wisq ċara tal-iżvilupp
tal-ħsieb u l-kitba tal-insara mill-bidu sa tmiem
it-tielet seklu. Matulu se nagħtu wkoll daqqa
t'għajn lejn xi testi biex nieħdu togħma tal-istili
differenti tal-kitba skont is-suġġetti trattati.
Hawn issib ukoll
il-brochure bid-dettaji
tal-kors.
Inħeġġeġ lil kull min
huwa interessat fl-istorja tal-ħsieb nisrani biex
japplika. Niltaqgħu f'Ottubru.