Animazzjoni – Solennità tat-Twelid ta’
Sidna Ġesù Kristu ~ Quddiesa tal-Vġili (Sena A)
Dħul:
Illum il-Knisja
tiċċelebra s-solennità tat-Twelid ta’ Ġesù. Ejjew f’din il-liturġija illum nagħrfu l-imħabba kbira ta’
Alla lejna meta sar bniedem biex isalvana. Nagħtu bidu għal dan
is-sagriffiċju tal-quddiesa billi nqumu bilwieqfa u nkantaw flimkien.
Qari:
Fl-ewwel qari Isaija jitkellem
fuq il-glorifikazzjoni ta’ Ġerusalemm, fit-tieni qari l-Atti tal-Appostli
jurina kif San Pawl jixhed għal Kristu, bħala Bin David,
fl-evanġelju illum nisimgħu r-rakkont tat-twelid ta’ Ġesù. Nisimgħu
b’attenzjoni l-Kelma t’Alla.
Salm Responsorjali: It-tjieba
tal-Mulej irrid dejjem ngħanni.
Offertorju:
Inressqu l-offerti tagħna bi
spirtu ta’ ferħ għax il-Mulej twieled biex jikisbilna s-salvazzjoni,
filwaqt li inkantaw flimkien.
Tqarbin:
Issa se nirċievu lil
Ġesù ġo fina, ejjew illum lil Ġesù niringrazzjawh tal-imħabba kbira tiegħu lejna,
tant li sar bniedem bħalna biex isalvana. Nersqu għat-tqarbin,
filwaqt li nkantaw flimkien.