Animazzjoni – Solennità tat-Twelid ta’ Sidna Ġesù Kristu ~ Quddiesa tas-Sebħ (Sena A)
Dħul:
Illum il-Knisja
tiċċelebra s-solennità tat-Twelid ta’ Ġesù. Ejjew f’din il-liturġija illum nagħrfu l-imħabba kbira ta’
Alla lejna meta sar bniedem biex isalvana. Nagħtu bidu għal dan
is-sagriffiċju tal-quddiesa billi nqumu bilwieqfa u nkantaw flimkien.
Qari:
Fl-ewwel qari Isaija iħabbar
il-wasla tas-salvatur, fit-tieni qari San Pawl jgħidilna li Ġesù salvana minħabba fil-ħniena
tiegħu, fl-evanġelu illum nisimgħu r-rakkont tal-adorazzjoni
tal-Bambin Ġesù mir-rgħajja. Nisimgħu
b’attenzjoni l-Kelma t’Alla.
Salm Responsorjali: Illum jiddi
fuqna d-dawl, għax twildilna l-Mulej.
Offertorju:
Inressqu l-offerti tal-ħobz
u l-inbid, magħhom inressqu lilna nfusna lil Alla bħala offerta ta’
mħabba lejh, filwaqt li inkantaw flimkien.
Tqarbin:
Issa se nirċievu lil
Ġesù ġo fina, ejjew illum lil Ġesù nadurawh mhux fil-maxtura iżda f’qalbna. Nersqu
għat-tqarbin, filwaqt li nkantaw flimkien.