Animazzjoni – Solennità tat-Twelid ta’ Sidna Ġesù Kristu ~ Quddiesa tal-Jum (Sena A)

Dħul:

Illum il-Knisja tiċċelebra s-solennità tat-Twelid ta’ Ġesù. Ejjew f’din il-liturġija illum nagħrfu l-imħabba kbira ta’ Alla lejna meta sar bniedem bħalna biex isalvana. Nagħtu bidu għal dan is-sagriffiċju tal-quddiesa billi nqumu bilwieqfa u nkantaw flimkien.

Qari:

Fl-ewwel qari Isaija jgħidilna kif it-truf kollha tal-art raw is-salvazzjoni ta’ Alla tagħna, fit-tieni qari naraw kif Alla fil-milja taż-żminijiet kellimna permezz ta’ Ibnu, fl-evanġelu illum nismgħu l-ġrajja tal-Inkarnazzjoni. Nisimgħu b’attenzjoni l-Kelma t’Alla.

Salm Responsorjali: Raw it-truf kollha tal-art is-salvazzjoni ta’ Alla tagħna.

Offertorju:

Inressqu l-offerti tal-ħobz u l-inbid, magħhom inressqu lilna nfusna lil Alla bħala offerta ta’ mħabba lejh, filwaqt li inkantaw flimkien.

Tqarbin:

Issa se nirċievu lil Ġesù ġo fina, ejjew illum lil Ġesù nadurawh mhux fil-maxtura iżda f’qalbna. Nersqu għat-tqarbin, filwaqt li nkantaw flimkien.