Fl-okkażjoni ta’ Jum il-Lajċi 2013, Monsinjur
Arċisqof Pawlu Cremona OP, mexxa Għasar Solenni fil-Kon Katiral ta’
San Ġwann, nhar il-Ġimgħa, 15 ta’ Frar 2013.
|
Flimkien ma’ Monsinjur Arċisqof Pawlu Cremona, ħadu
sehem ukoll l-Isqof Awżiljari u Vigarju Ġenerali Monsinjur Charles
Scicluna u l-Arċisqof Emeritus Monsinjur Ġużeppi Mercieca.
Ħadu sehem ukoll diversi Kappillani u xi Saċerdoti u
Reliġjużi oħra.
|
Mijiet ta’ Lajċi mill-parroċċi kollha ta’ Malta mlew
il-Kon Katidral ta’ San Ġwann sabiex f’din is-Sena tal-Fidi,
flimkien mal-Isqfijiet u mal-Kappillani jroddu ħajr lil Alla għad-don
tal-Fidi u għas-sejħa li huwa għamel lill-insara kollha
fis-Sagrament tal-Magħmudija.
|
Lejn tmiem iċ-ċelebrazzjoni, id-Delegat tal-Arċisqof
għal-Lajċi, radd ħajr lill-Isqfijiet, lill-Kappillani, lil dawk
preżenti u lil kull min ta’ sehem fl-organizzazzjoni u qal li f’din
il-laqgħa ta’ talb, il-lajċi nsara riedu jfissru il-konvinzjoni
tagħhom li minbarra li jaqdu lill-Knisja bil-ħidma pastorali tagħhom
fl-għaqdiet u l-parroċċi, huma riedu wkoll jaqduha bit-talb u
bis-sagrifiċċji tagħhom.
|
Wara li aktar kmieni, l-Arċisqof Pawlu Cremona kien
ta l-messaġġ tiegħu, fl-aħħar taċ-ċelebrazzjoni huwa ta l-barka
pastorali tiegħu lil dawk kollha preżenti.
Assistewh matul iċ-ċerimonja Monsinjur Anton Gouder u
Monsinjur Lawrenz Mifsud.
Ara l-Omelija
li għamel
l-Arċisqof
⇨
|
|
|