Il-Papa Franġisku minn Dar Santa Marta Ir-Randan hu żmien li matulu nirranġaw ħajjitna u nersqu lejn il-Mulej. It-Tlieta, 18 ta' Marzu 2014
Ir-Randan hu żmien li matulu nirranġaw ħajjitna u nersqu lejn il-Mulej. Dan qalu l-Papa Franġisku waqt il-quddiesa fid-Dar Santa Marta dalgħodu. Il-Papa wissa li ħadd m'għandu jħossu superjuri għall-oħrajn. Wissa ukoll li l-ipokriti jilbsu ta' nagħaġ u ma jifhmux li ħadd mhu ġust minnu nnnifsu, ilkoll kemm aħna neħtieġu l-ġustifikazzjoni.
Konverżjoni: il-Papa Franġisku beda l-omelija billi qal li l-qofol tar-Randan hija din il-kelma. Dan hu ż-żmien tajjeb biex nersqu lejn Ġesł. Hu u jikkummenta dwar l-ewwel qari tal-liturġija tallum, meħud mill-ktieb ta' Iżaija, innota li l-Mulej isejjaħ għall-konverżjoni żewġt ibliet midinba: Sodoma u Gomorra. Dan ifisser, kompla jgħid, li lkoll għandna bżonn inbiddlu ħajjitna, li nħarsu sew lejn ruħna fejn dejjem se nsibu xi ħaġa.
Għalhekk
ir-Randan hu propju dan: li nirranġaw ħajjitna billi nersqu lejn
il-Mulej. Hu, żied il-Papa, jridna qrib tiegħu u jiżgurana li qed
jistenniena biex jaħfrilna. Madnakollu, kompla jwissi, il-Mulej
irid li nersqu lejH bis-sinċeritą u jwiddibna biex ma nkunux
ipokriti. X'jagħmlu l-ipokriti? Ixiddu libsa, libsa ta' nies twajba u jagħmlu wiċċ ta' qaddisin, meta jitolbu jħarsu lejn is-sema biex jidhru, iħossuhom aktar ġusti mill-oħrajn, jiddisprezzaw lill-oħrajn. Jgħidu: jien Kattoliku ħafna għax zijuwi kien benefattur kbir, il-familja tiegħi hija... Jien ukoll..... tgħallimt... naf lit-tali isqof, lit-tali kardinal, lill-patri..... Jien..... Iħossuhom aħjar mill-oħrajn. Din hi l-ipokrisija. Il-Mulej jgħid: Le, dak le. Ħadd mhu ġust minnu nnifsu. Ilkoll neħtieġu l-ġustifikazzjoni. U l-uniku wieħed li jiġġustifikana huwa Ġesł Kristu.
Għaldaqstant, żied jgħid il-Papa, irridu nersqu lejn il-Mulej biex ma nkunux insara foloz, li meta tinkixef din l-apparenza, tidher ir-realtą, li ma nkunux verament insara. Allura liema hi l-ġebla tal-paragun li biha ma nkunux ipokriti u nersqu lejn il-Mulej? It-tweġiba, enfasiżża l-Papa, itihilna l-Mulej fl-ewwel qari meta jgħid: Inħaslu, ippurifikaw ruħkom, begħedu minn għajnejja l-ħażen tagħkom, ieqfu għamlu l-ħażin, tgħallmu għamlu t-tajjeb. Din hi l-istedina. Imma, staqsa Franġisku, liema hu s-sinjal li jurina li mixjin fit-triq it-tajba?
Għin lill-magħkus, għamel ġustizzja mal-orfni, iddefendi l-kawża tal-armla. Ħu ħsieb il-proxxmu: il-marid, il-fqir, dak li hu fil-bżonn, l-injorant. Din hi l-ġebla tal-paragun. L-ipokriti ma jafux jagħmluh dan, ma jistgħux, għax tant huma mimlijin bihom infushom li għandhom għamad biex iħarsu lejn l-oħrajn. Meta wieħed jimxi ftit u jersaq qrib il-Mulej, id-dawl tal-Mulej jurih dawn l-affarijiet u hu jersaq lejn ħutu. Dan hu s-sinjal, is-sinjal tal-konverżjoni.
Ċertament din mhix il-konverżjoni kollha. Infatti l-konverżjoni sħiħa hija l-laqgħa ma' Ġesł Kristu u s-sinjal li aħna ma' Ġesł Kristu huwa dan: induru b'ħutna, dawk l-aktar foqra, bil-morda, kif jgħallimna l-Mulej u kif naqraw fil-kapitlu 25 tal-Vanġelu ta' San Mattew.
Ir-Randan jiġi biex nirranġaw ħajjitna, inqiegħduha f'postha, nibdluha, biex nersqu lejn il-Mulej. Is-sinjal li aħna bogħod mill-Mulej hu l-ipokrisija. L-ipokrita m'għandux bżonn lill-Mulej, isalva lilu nnifsu... hekk jaħseb, u jxidd il-libsa tal-qdusija.
Is-sinjal li aħna qrobna lejn il-Mulej bil-penitenza, bit-talb għall-maħfra hu, li aħna nieħdu ħsieb ħutna li huma fil-bżonn. Jalla l-Mulej itina lkoll id-dawl u l-kuraġġ: id-dawl biex nagħrfu x'qed jiġri ġewwa fina u l-kuraġġ biex nikkonvertu, biex nersqu lejn il-Mulej. Kemm hu sabiħ li tkun qrib il-Mulej, temm il-Papa Franġisku.
|
