|
Minn Attriċi f'Hollywood għall-Soru f'Monasteru F’Hollywood kienet meqjusa Grace Kelly oħra. F’ħames snin kellha sehem f’għaxar films. Ħadmet ma’ Stephen Boyd, Montgomery Clift, George Hamilton u Robert Wagner. Imma forsi l-film li fih saret l-aktar magħrufa kien Loving You, dak li hi ħadmet ma’ Elvis Presley innifsu. Illum jafuha bħala Mother Dolores Hart, soru Benedittina fil-Monasteru ta’ Betlehem li hemm Connecticut fl-Istati Uniti. F’din l-intervista minn EWTN, Mother Dolores Hart titkellem dwar kif fil-quċċata tal-karriera tagħha ta' attriċi fiċ-ċinema hija l-ewwel saret Kattolika u wara wieġbet għas-sejħa tal-Mulej biex tissieħeb fil-ħajja monastika. |