Arcisqof P Cremona OP

Home | Email | Sit uffiċċjali tas-Segretarjat għal-Lajċi - Malta

L-ARĊISQOF TA’ MALTA

MONSINJUR PAWLU CREMONA OP

Monsinjur Pawlu Cremona O.P., S.Th.D., twieled il-belt Valletta nhar il-25 ta’ Jannar 1946 minn Joseph u Josephine nee Cauchi. Ħa l-Edukazzjoni Primarja tiegħu fl-iskola tal-Montessuori fil-belt Valletta stess, imbagħad l-Edukazzjoni Sekondarja fil-Liceo, il-Ħamrun.

Daħal fl-Ordni Dumnikan f’Settembru tal-1962 u għamel il-Professjoni fl-istess Ordni nhar id-29 ta’ Settembru 1963. Studja l-Filosofija u t-Teoloġija fil-Kulleġġ ta’ San Tumas ta’ Akwinu fil-kunvent tad-Dumnikani tar-Rabat u ġie ordnat saċerdot nhar it-22 ta’ Marzu 1969.

Wara l-Ordinazzjoni Saċerdotali ntbagħat jistudja t-Teoloġija Morali fl-Universita’ Pontifiċa ta’ San Tumas ta’ Akwinu f’Ruma (Angelicum) minn fejn kiseb id-Dottorat fl-1973 bit-Teżi "The Concept of Peace in Pope John XXIII".

Bejn l-1974 u l-1980 hu kien Pirjol fil-Kunvent ta’ Sidtna Marija tal-Għr fir-Rabat. Reġa’ kien Pirjol fl-istess kunvent bejn l-1997 u l-2003. Fl-1981 intgħażel bħala Provinċjal tal-Provinċja Dumnikana Maltija. Hu serva f’dan l-uffiċċju għal żewġ perijodi ta’ erba’ snin. Mat-tmiem tal-ħidma tiegħu bhala Provinċjal hu ntbagħat bħala Kappillan tal-Parroċċa ta’ Sidtna Marija tar-Rużarju ta’ Fatima, Gwardamangia. Bejn l-1993 u l-1997 kien responsabbli mill-Formazzjoni tan-Novizzi u l-Istudenti dumnikani fir-Rabat - uffiċċju li reġa’ kellu għal żmien ieħor qasir bejn l-2004 u l-2005. Fl-2005, huwa inħatar Kappillan tal-Parroċċa ta’ Ġesù Nazzarenu, f’Tas-Sliema.

Matul il-ħajja saċerdotali tiegħu, Monsinjur Cremona qeda f’diversi uffiċċji oħrajn ta' l-Arċidjoċesi, fosthom Delegat ta’ l-Arċisqof għall-Ħajja Konsagrata, Assistent Direttur Spiritwali fis-Seminarju tal-Virtù, ir-Rabat, membru fil-Kunsill Presbiterali, kif ukoll kien President tal-Kunsill tas-Superjuri Maġġuri tar-Reliġjużi Maltin.

IL-KELMA TAL-ARĊISQOF

PAWLU CREMONA OP

q L-Eżilju. Ittra Pastorali għar-Randan 2012, 18 Frar 2012. (Għat-Tfal)

q The Exile, Pastoral Letter for Lent 2012, 18 February 2012. (In English)

q L-Eżilju. Ittra Pastorali għar-Randan 2012, 18 Frar 2012. (Bil-Malti)

q Il-Kuragg li Niġġeddu, Ittra Pastorali għall-Avvent 2011, 26 Novembru 2011.

q Messaġġ tal-Isqfijiet wara r-Referendum dwar id-Divorzju, 28 ta’ Mejju 2011.

q Għażla favur Żwieġ Dejjiemi, Pastorali tal-Isqfiiet Maltin qabel ir-Referendum dwar id-Divorzju, 21 ta' Mejju 2011.