Animazzjoni – Ir-Raba’
Ħadd tal-Avvent (Sena A)
Dħul:
Illum il-Knisja
tiċċelebra r-Raba’ Ħadd tal-Avvent, f’din il-liturġija illum
Ġesù jurina kif is-salvazzjoni hija
għotja mingħand Alla. Nagħtu bidu għal dan
is-sagriffiċju tal-quddiesa billi nqumu bilwieqfa u nkantaw flimkien.
Qari:
Fl-ewwel qari Isaija jurina kif ix-xebba
se ssir omm li se twelled is-Salvatur, San Pawl jgħidilna li Ġesù
Kristu, ġej min-nisel ta’ David, u huwa l-Iben ta’ Alla, fl-evanġelju
illum nisimgħu t-tnissil ta’ Ġesù. Nisimgħu b’attenzjoni l-Kelma
t’Alla.
Salm Responsorjali: Ħa
jidħol il-Mulej, hu s-Sultan tal-glorja.
Offertorju:
Inressqu l-offerti tagħna bi
spirtu ta’ ferħ u stennija għal Mulej li ġej, filwaqt li inkantaw
flimkien.
Tqarbin:
Issa se nirċievu lil
Ġesù, ejjew illum nitolbuh il-grazzja li
nilqgħuh b’ferħ mhux biss fil-festa li ġejja tal-Milied,
iżda kull meta xi ħadd minn ħutna ikollu bżonn
l-għajnuna tagħna. Nersqu għat-tqarbin, filwaqt li nkantaw
flimkien.